Mace 8:4 - NQAARIIT NE ROOG

⁴ Yeesu a layaan itam ee: «Wootooxi layin o kiin o lakas. Reti maa no saasadax oxaa, too sadaxit ke Moyiis a hebilna, ndax fop a seede yee xoolaa.»

Mace 8:4 Referans Kwoze

YEGIL MBAAX NE YEESU ne Lik a bindtuuna 17:14

Yaa ta ga’na a den, a laya yee: «Ndetyo maa no saasadax waa, ndax da nga a nuun.» Yaa da ndetaa, a mbodta na ƭat ale.

YEGIL MBAAX NE YEESU ne Lik a bindtuuna 5:14

Maaga, Yeesu a maƭooxaan ee: «Wootooxi layin o kiin o lakas. Reti laltinook maa no saasadax oxaa, too sadaxit ke Moyiis a hebilna we nqoolandeena, ndax fop a seede yee xoolaa.»

Mark 7:36

Yeesu a maƭooxa a den ee baa da layin o leng, ndaa nuu ta moƴ’ina o maƭooraa a den, naaga a moƴ’un o yegnitaa.

Mace 9:30

A kid akaa den a mbetooxa. Yeesu a maƭooxa a den ee: «Mbootooxyo o lakas a yegin!»

Mark 6:11

A ngenarangee a nuun mbaat da mbañ o nan-giloox a nuun, fat nu sutoox maaga, yirif fo ut a caf nuun, ndax ta ref seede took den.»

Mark 5:43

ndaa Yeesu a maƭooxa a den ee baa layin o leng. Cinj kaaga, a laya a den ee: «Cooxeenoo kaa ta ñaamna.»

Mace 17:9

Yaa da mbudoortaa no joong olaa, Yeesu a maƭooxa a den ee: «Ba nu lay o leng ke nu nga’na boo yaa o Ƥeenqe no kiin oxe a xontooxkaa a ndeer no xon we.»

Mace 10:18

Xan nu ƥisel mbaambir no gofornoor ke fo maad we yaam mi, ndax nu ndef seede na den fo no gimaƭaru we.

Mace 6:1

«Mbootooxyo lalit mbaambir no wiin we yee kaa nu njof, ndax da ƭeet a nuun soom. Nu mbi’angaan, nu njegkee ndabid leng paam Faap nuun fee refna na asamaan.

Mace 5:17

«Ba nu mboog ee kaam laafiid kebil ke Moyiis mbaat ke duleer we a mbindna. Garaam, refee yee ndax um laaf a Pind ake, ndaa ndax um fadin a den.

Esayi 42:21

Kam o cofel um kaa fel o Yaal oxe ta dalin kebil um da magin too a njeg o ndam.

YEGIL MBAAX NE YEESU ne Saŋ a bindtuuna 8:50

Waaƭiim maa gon es a yoɗteena. Kaa koy, a jega oxaa buguuna, ta ref o Kaahate xe.

YEGIL MBAAX NE YEESU ne Saŋ a bindtuuna 7:18

Oxe na kañaa a xoox um, gon um a bugu o jootand, ndaa oxe na waaƭaa gon no xe luluuna a joot, oxaaga ndigil kak a layaa, too njofaƭar leng refee no ten.

YEGIL MBAAX NE YEESU ne Saŋ a bindtuuna 5:41

O ndam es, naaginum o suqtitaa no wiin we.

YEGIL MBAAX NE YEESU ne Lik a bindtuuna 21:13

Xan keene fop a dal a nuun, ndax nu mbaagaam o seede’an.

Mark 8:30

Maaga, Yeesu a maƭooxa a den ee baa da layin o leng.

Mace 16:20

Yeesu a maƭooxa a den ee baa lay o leng ee o ten refu Kiristaa fee.

Mace 3:15

Took kaaga, Yeesu a doonaan ee: «Jaɓi rek, yaam i mbara o mbadnit nene o cofel ole Roog fop.» Maaga, Saŋ a jaɓa.

Mark 13:9

Nuun o mat, mbootooxyo a qoox nuun! Xan nu ƥisel no mbind no maad, too xan nu nqawel kam pind a qeƭ ke, ƥisel mbaambir gofornoor ke fo maad we yaam mi, ndax nu mbaagaam o seede’an mbaambir den.

A paɗax ale 13:49

too a quur ale a yaac o hoƥ mbaat ta yaac o yaxig took ndikoorik nuu ta waagna waag o ref mbaat took ƭool ne mbaat took o ƥaxañ o jalte ƭool, o and ee a quur ale yoo. Fat a lalel o saasadax oxe.

Mark 3:12

Kaa koy, Yeesu a maƭooxa a den a paax ndax yegnitikkiran.

Mark 9:9

Yaa da mbudoortaa no joong olaa, Yeesu a maƭooxa a den ee baa da lay o leng ke da nga’na boo yaa o Ƥeenqe no kiin oxe a xontooxkaa a ndeer no xon we.

YEGIL MBAAX NE YEESU ne Lik a bindtuuna 4:41

Cini mayu itam a sutoora no wiin waa, a mbuuqaa yee: «Wo refu o Ƥeenqe Roog!» Kaa koy, Yeesu a ŋala a den, too ci’’atee a den o ñootand, yaam a and’a yee ten refu Kiristaa fee o Muumucil oxe regteena.

YEGIL MBAAX NE YEESU ne Lik a bindtuuna 8:56

Yaa waa ndimna o ndoog onqe a nga’na kaaga, a njaaxiɗ’a lool, too Yeesu a maƭooxa a den ee ba da layit ke xew’ina.

YEGIL MBAAX NE YEESU ne Lik a bindtuuna 9:21

Yeesu a maƭooxa a den ee baa layin o leng.