Mace 8:3 - NQAARIIT NE ROOG

³ Yeesu a letna o ɓay um, a duqin, too a lay ee: «A felaxam, xooli!» Ndak fo ndak, a tik-a-maak alaa ten a xoola.

Mace 8:3 Referans Kwoze

YEGIL MBAAX NE YEESU ne Lik a bindtuuna 5:13

Yeesu a letna o ɓay um, a duqin, too a lay ee: «A felaxam, xooli!» Ndak fo ndak, a tik-a-maak alaa ten a wata.

A kim a tedu ke 33:9

yaam kuu ta layna ta jeg. Kuu ta heblitna ta sakoox.

2 Maad we 5:14

Maaga, Naaman a fudooxa no xuluɓ olaa Yordaan, a mudnoox taaga boo a caf ɓetaa ƭaq, ne o kiin Roog oxaa a heblit’uuna o ten, soo cer um a suptoox, a nandat nen cer no njaaƈ, ta xool.

Mark 1:41

A yuɗ’a a Yeesu lool. A letna o ɓay um, a duqin, too a layin ee: «A felaxam, xooli!»

YEGIL MBAAX NE YEESU ne Saŋ a bindtuuna 5:21

Ne Faap fee a xontooxnoortaa, a ñoowdandaa, neene o Ƥeenqe a cooxtitaa o ñoow oxuu feluuna.

Mark 4:39

Yeesu a inooxa, a ŋal nqeñ ne, too a lay o maag ole yee: «Naagi tek, too riim!» Nqeñ naa a riima, too fop a naag’ata yereŋ.

2 Maad we 5:11

Naaman a fuuxa ƭomu, a xot a ƭat, a nomtooxaa, a lay ee: «Mi de kaam foog’u yee o tuleer Roog oxe kaa sutooxiidkaa, ndax ta ga’aam, a ƴufginoox o Yaal oxe Roog um, a moos me na ɗomaa soo a wodandaam no jir le mi!

Mberaand 1:3

Maaga, Roog a laya yee: «Fat a qoolaand a jeg!» A qoolaand alaa yee dañ.

YEGIL MBAAX NE YEESU ne Saŋ a bindtuuna 11:43

Yaa ta layna kaaga boo a ƴut, a doona teen a maak ee: «Lasaar, sutooxiidi!»

YEGIL MBAAX NE YEESU ne Lik a bindtuuna 7:14

A matiida o dal ole, a duqin, too we saq’uuna a ndalfooxa o ngeenoox. Maaga, Yeesu a laya yee: «O fes ole, mexe layang o ten, inooxi!»

Mark 9:25

Yaa Yeesu a ga’na wiin mayu waa a ƈufiidaa, a ŋala jini faa, soo a layin ee: «Jini fa muumu, too a ram, mexe heblang o ten, sutooxi o ndeɓandoong onqene, too ba o rokat no ten!»

Mark 7:34

Cinj kaaga, a daxaaƴooxa na asamaan, a gatandoox, soo a lay ee: «Efata!» (Ten tektu «Wetooxi!»)

Mark 5:41

A dama o njaaƈ onqe no ɓay, too a layin ee: «Talita kuum!» (Ten tektu: O ndoog onqe, inooxi! Mi layong o ten!)

YEGIL MBAAX NE YEESU ne Saŋ a bindtuuna 15:24

Um fi’’angee a ndeer den a pi akaa o leng a moseerna o fi, njegkoogee bakaad. Ndiiki koy, a nga’a a den boo a ƈut, soo a sibaam, a sib a Faap es.

A sutax ale 4:7

O Yaal oxe a laya yee: «Dakni o ɓay of no naaplaand of.» A dakna o ɓay ole ten no naaplaand um. A sutaan, too o ɓay ole a dakooxa naa ta reeƭna.

Mace 12:13

Cinj kaaga, Yeesu a laya o koor oxaa yee: «Letni o ɓay of!» A letnaan, too o ɓay ole a woda boo ceŋ nen o lakas olaa.

YEGIL MBAAX NE YEESU ne Lik a bindtuuna 4:27

A jeg’a mayu waa a tik-a-maak ale a damna kam Isra’el koy na jamaane no tuleer Eliise, too na waxtu faaga o leng na den xooland’aand, ndaa Naaman o Siisiri xe soom xooland’e.»