Mace 7:7 - NQAARIIT NE ROOG

⁷ «Nqeɗyo a Roog, too xan nu ci’el, mbaaƭyo too xan nu nga. Koŋ-koŋinyo, too xan nu mbetanel.

Mace 7:7 Referans Kwoze

Mace 21:22

Kuu nu nqeɗna fo o ngim, xan nu ndaawin.»

1Saŋ 3:22

Kuu i nqeɗaa, no ten i ndaawtan, yaam kaa i ngay kebil ke ten, mbi’aa ke feluuna.

YEGIL MBAAX NE YEESU ne Saŋ a bindtuuna 15:7

Nu saxangaa na mi, fa lay es a gen na nuun, nu mbaaga o nqeɗ kuu nu mbugna, too xan nu ci’el o ten.

Mark 11:24

Ten taxu mexe layaa a nuun ee: Kuu nu nqeɗna, ngimyo yee nu ndaawaan, too xan nu cooxel o ten.

Yeremi 33:3

Ƴufginooxaam, too xam jaaɓong, yegnong tig maak fo kaa ɗasna, andeeroona.

Mace 6:33

Eetyo mbaaƭ Maat ne Roog fo ke ta bugna, too keene fop, xan nu ndoonanel o ten.

Mace 7:8

Oxuu xeɗna a Roog, xan a ci’el, too oxuu waaƭna, xan a ga. Oxuu koŋ-koŋinna, xan a wetanel.

YEGIL MBAAX NE YEESU ne Saŋ a bindtuuna 15:16

Refee koy ee nuun njilaxam, ndaa mi jilu a nuun, doon teen dalin a nuun, ndax nu saqik xa tim, xa tim axe a ngen na nuun, ndax kuu nu nqeɗna a Faap fee no gon es, ta ci’in a nuun.

Hebre 11:6

O leng waagee o fel a Roog, too jegee o ngim. Yaaga boog, oxuu na mataa a Roog, a wara o gim ee Roog a jega, too kaa rabdaa we na mbaaƭan.

Xa peƭit axe 8:17

Kaam fex we mbexaxama, too we na mbaaƭaxam kaa nga’axam.

A kim a tedu ke 10:17

O Yaal oxe, kaa o nan-gilooxaa ke neewandooxu we a yakaƥaaraa, soo ɓaataa a den njambaar. Kaa o rungaa nof of farna fa den,

YEGIL MBAAX NE YEESU ne Saŋ a bindtuuna 4:10

Yeesu a doonaan ee: «O and’angaa ci’it Roog, and itam oxe layoonga yee ‹Ci’aam um yer›, xeɗkoogaano wo fa xoox of, too yaaga a ci’koogaang foofi fo ñoow.»

Mace 18:19

Mexe layahinaa a nuun ee: Boo wiin ɗik a njofoorna ndax da nqeɗ kuu ta waagna waag o ref, yaaga xan Faap es fee refna na asamaan a ci’in a den.

Amos 5:4

Keeke o Yaal oxe a layu mbind Isra’el: «Me mi nu mbaru o ngar, nu mbugangaa o ñoow.

Saak 5:15

A nqeɗtangaa o ngim, yaaga xan o Yaal oxe a wodandin, a innin. A fi’angaa bakaad itam, xan Roog a waasanin o ten.

A kim a tedu ke 27:8

Kaam yiifaa ke layoona yee: «Mbaaƭyo mukit es.» O Yaal oxe, mexe waaƭaa mukit of.

YEGIL MBAAX NE YEESU ne Lik a bindtuuna 18:1

Yeesu a naxooxa a den, ndax ta lal a den ee a mbara o ngen no nqeɗaa, too a mbañ o mbaas.

Mace 7:11

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee refna na asamaan ci’kee a nuun paax yaa nu nqeɗuuna o ten?

A kim a tedu ke 50:15

Ƴufginooxaam, yaa refoona na naqad, xam muclong, soo o ɓoxotaam o ndam.»

A kim ale na kim ake 3:2

Maaga, layaam taa kam es ee: «Xam inoox soo wid teeru fee bo ta xet, no ped ke fo no paayo ke, waaƭaa oxe buguuma no xeeñ es.» Waaƭaanum, ndaa ga’inum sen.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

A kim a tedu ke 119:12

O Yaal oxe, helaa o simatel! Aqatinaam ke dalnoona.

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

A kim a tedu ke 70:4

Fat we na nqeseeyaa a naang cook yaam gaci fa ƭomu fee da njegkaa.

A kim a tedu ke 69:32

Keene moƴu fel o Yaal oxe ee nqoox, sund fo xa can um fo xa poxos um.

1 Maad we 3:5

Maaga Gibe’on o Yaal oxe a feeñooxa a Salomo no yeng olaa kam o ƭaad. Roog a layaan ee: ‹Xeɗaam kuu bugoona, too xam ci’ong o ten.»

A kim a tedu ke 10:4

O soxodu xe xalamee fuux le no Yaal oxe too kaa layaa fo o cok um took ee: «Roog jegee.» Keene refu a qalaat um fop.

O leetar ole Pool a bindna GIMU WE NGENNA ROM 3:11

O leng jegee yiif, jegee oxaa na waaƭaa a Roog.

YEGIL MBAAX NE YEESU ne Lik a bindtuuna 13:25

Yaa o yaal mbind ne a inooxkaa boo a weg begax ne fo o jaafu, xan nu mbod tafil koŋ-koŋnaa begax ne too layaa yee: ‹O Yaal oxe, wetani a in!› Xan a doon a nuun ee: ‹Mosiim o and me nu ngenna.›

A kim a tedu ke 34:4

Ngaryo i tagas o Yaal oxe. Fat i simatandoor gon um.

A kim a tedu ke 37:4

Fat o ɗaay of a ref no Yaal oxe, too xan a ci’ong ke xeeñ of a yuxmaa.

Esayi 30:19

Wo xeet fee Siyoŋ, wo fee na ñoowaa Yeerusaleem, loolkatiro boo muk. A mbanuu ƴufginooxoona o Yaal oxe, xan a yirmong, ten fa naneerong yaqanu ta jaaɓong.

Mberaand 26:32

No ñaal leng kut ne, dag we Isaak a ngara a yegniidin paru na ngas ale da mbaqoogna yee a ngas ale a yula.