Mace 7:2 - NQAARIIT NE ROOG

² Ne nu ngate’taa wiin we, Roog a hate’itkaa a nuun, too xan nu eedantel eedir ke nu eedtaa.

Mace 7:2 Referans Kwoze

Saak 2:13

Oxe yirmeerna o kend um, na bes faa na hate faa, Roog yirimkiran itam. Kaa koy, o yirmangaa wiin lakas we, saɗarkiro mbaambir no Kaahate xe.

Mark 4:24

Yeesu a layahina a den ee: «Mbootooxyo no ke nu nanaa. Xan nu eedantel ke nu eedtaa boo mbuuña’el.

YEGIL MBAAX NE YEESU ne Lik a bindtuuna 6:38

Ci’ityo, too yaaga xan Roog a ci a nuun. Xan nu yiƥadooxanel eedir kaa soqeena, a yo’nel, soo a may boo a ɓaxooxaa. Xan nu eedantel eedir ke nu eedtaa.»

Abjaas 1:15

Ñaal ne o Yaal oxe a hate’kaa qeet ke fop a matiida. A koom, xan o fi’el leng kut ke fi’oona lakas we, nomtel paaxeer ke fi’oona.

Mbeeñil 18:6

Mbesooryo fa Babilon ne ta fesooritna fa nuun, ndabdin boo a caf a ƭak ke ta fi’na a nuun. Yipyo o mbeeƭ onqe ten a yer alaa moƴna o xaaɗ a caf a ƭak a yer ale ta fi’an’ina a nuun.

2 Korint 9:6

Fat nu and kene: Oxe duufna o ndik, o ndik rek a saxadkaa, ndaa oxe duufna mayu o mat, mayu a saxadkaa.

Haahate we 1:7

Maaga, Adoni-Beseq a laya yee: «Maad qarɓeen ɓetuu ɗik waa qol maak ke na xa ƥay axe fo ke na caf ake den a ƭegeena kaa ngisoogu ke samtoogna no roon es. Roog kaa rabdaxam deŋ ke fi’uuma!» A ƥisaan Yeerusaleem, too maaga a xontu.

Yeremi 51:24

Xan nu nga ne um rabditkaa a Babilon, fop we ngenna Kalde, paaxeer ke da mbi’na a Siyoŋ. Mi o Yaal oxe layun.

1 Sami’el 15:33

Sami’el a layaan ee: «Ne laƥ of a sambranditna rew fo xa ƥiy den, neene ya of a sambranditkeel itam fo o ƥeem.» A ɗega a Agag teɓ-reɓ mbaambir no Yaal oxe kam Gilgal.

A kim a tedu ke 109:17

Feek a salax rek fel’un, a salax a yena took um. Feek barke jem’iran, a xañe o ten.

Esayi 33:1

Sabab took of, wo xe na yaqaa, too yaq’aandee, hodaa, too mosaandee o hod. O yaqangaa boo ƴut, xan o yaqel, o hodangaa boo ƴut, xan o hodel.

Yeremi 34:17

Ten taxu, mi o Yaal oxe um lay a nuun ee: Nu nan-gilooxiraam, ndax oxuu refna na nuun a yegnit a bat ale no pog um fo no kend um. Yaaga koy, mi o Yaal oxe, mexe yegnitaa yee xam waas xire fee, piste fee fo biim le, da yen took nuun, ndax maat ke na adna fee fop a ndiid, yaa da nga’kaa a nuun.

Mace 6:14

Nu naangangaa o mbaasanaa we tooñna a nuun, Faap nuun fee na asamaan xan a waasan a nuun itam.

A sutax ale 21:24

a ngid a rabdaa a ngid, ñiiñ a rabdaa ñiiñ, o ɓay a rabdaa o ɓay, a caf a rabdaa a caf,

Haahate we 5:27

A berengooxa na caf Ya’el, a yen, a firkiloox a lanq. A berengooxa na caf um, a yen. Me ta berengooxna, a yen maaga, a xona.

2 Sami’el 21:5

Maaga, a laya o maad oxe yee: «O kiin oxaaga kaa bug’u o moocand a in, a heboox o xuuf xa ñis in no fiisel ole Isra’el fop.