Mace 6:2 - NQAARIIT NE ROOG

² Boo o sadaxtaa, ba o laltan ne yememaar we a mbi’tan kam pind a qeƭ ke mbaat kam ped ke, ndax wiin we a simat a den. Mexe layaa a nuun no ndigil ee: A ndaawa ndabid den boo a ƈut.

Mace 6:2 Referans Kwoze

Mace 6:5

«Boo nu nqeɗaa, ba nu nand fo yememaar we mbexna ngeenoox a nqeɗaa kam pind a qeƭ ke fo na xa salit axe no ped ke, ndax wiin we a nga a den. No ndigil, mexe layaa a nuun ee: A ndaawa ndabid den boo a ƈut.

Mace 6:16

«Boo nu ngoorna, ba nu yuɗaanooxaa nen yememaar we na ngiɓaa a tagid den, ndax wiin we a nga ee kaa ngoor. Mexe layaa a nuun no ndigil ee: A ndaawa ndabid den boo a ƈut.

YEGIL MBAAX NE YEESU ne Saŋ a bindtuuna 5:41

O ndam es, naaginum o suqtitaa no wiin we.

Hebre 13:16

Ba nu mbeecit muk o mbi’aa ke faaxna, ndimle’raa a ndeer nuun. Sadax nandu neene ndefu ke mbelna a Roog.

YEGIL MBAAX NE YEESU ne Lik a bindtuuna 20:46

«Mbootooxyo boog jaajangin we no kebil ke, mbexna o ndokooxaa ndoki maak, too a mbex o simnel no qel ke. Kaa mbaaƭaa maa da mboditna mbaambir kam pind a qeƭ ke fo moofir ke moƴna o niwnoox no qew ke.

YEGIL MBAAX NE YEESU ne Saŋ a bindtuuna 7:18

Oxe na kañaa a xoox um, gon um a bugu o jootand, ndaa oxe na waaƭaa gon no xe luluuna a joot, oxaaga ndigil kak a layaa, too njofaƭar leng refee no ten.

1 Piyeer 4:11

Nuun waawaare we, fat a ƭelem nuun a njagir fo fa lay fee Roog. Nuun we ndefna diidimle itam, fat nu ndimle’taa fa doole fee Roog a cooxna a nuun, ndax no kuu ta waagna waag o ref, Roog a ɓoxotel o ndam na pexey Yeesu Kiristaa fee jegna o ndam fa katil bo na moos boo moos. Amiini.

A kim a tedu ke 37:21

O soxodu xe kaa rawaa too rabidkee, o cofu xe o mat a yirmaa soo a ci’taa.

Efees 4:28

Fat oxe guuɗoogna a fañat o guuɗ. Fat a jalik, ndax ta jegan a xoox um o ñoow um no tig lewetu. Neene, xan a jeg kaa ta dimle’taa we neewna doole.

Galati 2:10

A maƭooxa a in sax ee i mbara o mbetandoox rool we, too kaaga o mat, topatoox’aanum yaaga.

A pi ake 10:4

Korney a naaga malaaka faa jak a kid kam a kid, a diid bo. A doonaan ee: «O Yaal oxe, xar oo koy?» Maaga, malaaka fee a layaan ee: «A qeƭ ake wo fo sadax ke wo a mbadiida boo mbaambir Roog, too a wetandooxa a den.

Hoose 8:1

O Yaal oxe kaa tee: «Jibni a tuluɓ ale! O njakad onqey yaaraa took Mbind es nen a canjiik, yaam xeet es kaa ƭeg ngiɓoor es, a mbañ a cangin es.

1 Timote 6:18

Regdinooxi a den, da mbi’aa paax, a ndef siide na pi a paax, kam den a yaaj, da nqaajraa fo lakas we ke da njegna.

O leetar ole Pool a bindna GIMU WE NGENNA ROM 12:8

Oxe jegna ci’it o saƭakinaa lakas we, fat a saƭakin a paax. Oxe na ci’taa, fat a fi’in no fud o letu. Oxe na ɗoxaa, fat a jaflax no ke ta ɗoxaa. Oxe na dimle’aa rool we, fat a fi’an fo o ɗaay.

A pi ake 24:17

Ne rok’uuma a koƥ boo xa kiid xa mayu, too gariim kam Yeerusaleem, ten taxu um nomtooxiid, ɓislooxiid xaaliis ndax um dimle xeet es, soo ɓoxotiid a Roog sadax.

A pi ake 10:31

a layaam ee: ‹Korney, Roog a nana a qeƭ of, too a wetandooxa sadax ke o fi’aa.

A pi ake 10:2

O koor oxaaga kaa reefoogu a Roog, a saɗarin, ten fo ƥasil um fop. Kaa dimle’oogu rool mayu ndeer no Yaawuur we, soo a gen no xeɗaa a Roog kili.

A pi ake 9:36

Kam teeru faa Yope, a jega ndeer no daalbe waa o tew oxaa ne’eena Tabita (kaa layeel Dorkas no ɗelem gerek, ta tekit «mbat ne»). Oxeene kaa fi’oogu a pi a paax a mayu, a sadaxtaa.

YEGIL MBAAX NE YEESU ne Saŋ a bindtuuna 13:29

Ne Yudaa a geekoogna xaaliis fee da njegoogna, a tax’a lakas we a mboogaa yee Yeesu kaa layin soom ee: «Jiki ke i soxla’na na xew fee», mbaat ta siman ta dimle teen rool we.

YEGIL MBAAX NE YEESU ne Saŋ a bindtuuna 5:44

Kaa koy, nam nu mbaagu o ngimit sax, nuun we na ƈufanaa o ndam o ngatu no wiin we, mbañ o naaɓ o ndam o ngatu na Roog?

YEGIL MBAAX NE YEESU ne Lik a bindtuuna 6:42

Mbaat nam waago o layit o kend of ee: ‹O pog es, xaƴi um watnanong njulmbax ne refna na ngid ale wo›, wo fee waageerna o ga a toodook ale refna kam a ngid of? Wo soo ref o yememaar! Pañtu o eet o watin a toodook ale refna na ngid of, soo sogkaa waag o ga a paax ne o watnitkaa njulmbax ne refna kam a ngid no kend of?»

Mark 12:39

Kaa mbaaƭaa maa da mboditna mbaambir kam pind a qeƭ ke fo xa moofand xa paax axe no qew ke.

Xa peƭit axe 20:6

Jaaku kaa yegnitaa o waag den, ndaa oxe woorna a ɗome o and.

Xa peƭit axe 19:17

Oxe na yirmaa o ndool onqe, o Yaal oxe a rawnaa, too xan a rabdin a pi um.

A kim a tedu ke 112:9

Kaa mos kam, a ci’aa rool we, too o cofel um xan a maadaa boo faw. O cok um ole took kam o ndam onqe.

Filemon 1:7

O pog es, o mbeq of a ɗaaynooraxam lool, too a saƭakinaxam, yaam na wo, xeeñ le no tedu we a daltu.

1 Tesalonik 2:6

Yaag oo toox de, nen waa Kiristaa a lulna i mbaag’a o ngeblaa a nuun fa doole, ndaa i mbi’iran, yaam i mbaaƭee o ndam onqaa inoorna no wiin we, refee me nuun, too refee mbaambir no lakas we. Kaa i ƥuuɓ’u kañ, yaa i ndefna a ndeer nuun, boo ne o ƥasil a teeteeltaa xa ƥeem.

A pi ake 11:29

Daalbe we a ngebooxa yee oxuu refna xan a cooxit poyaa na doole um, ta dimle’tikel fog gimu waa ndefna Yudee.

YEGIL MBAAX NE YEESU ne Lik a bindtuuna 13:15

O Yaal oxe a doonaan a ƭelem akene yee: «Yememaar we nu ndefna ndef! Mee ndax na bes fee na ñootnax ale, oxuu refna na nuun kaa woktitaa naak um mbaat o faam um na sanqul um, a yernikin?

YEGIL MBAAX NE YEESU ne Lik a bindtuuna 12:56

Yememaar we nu ndefna! Xar taxu nu mbaag o njekit ke na xewkaa a lanq fo na asamaan, too nu mbaagee o njekit jamaane fene sax?»

YEGIL MBAAX NE YEESU ne Lik a bindtuuna 12:33

Njikooxyo ke nu njegna fop, soo ndimle’tin rool we. Mbaaƭanyo a qoox nuun o geekand o yaqukeer muk, ndax halal nuun a miñ na asamaan maa guuɗ we a matiidkeerna fo maa max ke a naangeerna o yaqtaa tus.

YEGIL MBAAX NE YEESU ne Lik a bindtuuna 11:43

Ndaw sabab took nuun, nuun Farisiya we! Kaa nu mbex o mbodaa mbaambir kam pind a qeƭ ke, too mbex o simnel no qel ke.

YEGIL MBAAX NE YEESU ne Lik a bindtuuna 11:41

Kaa nu mbar o sadax rool we kañ ke refna kam fee, too yaaga xan fop a xool na nuun.

YEGIL MBAAX NE YEESU ne Lik a bindtuuna 6:24

Ndaw sabab took nuun, nuun yaal kalal ke, yaam nu yaale boo ƈut!

Mark 7:6

Maaga, Yeesu a doona a den ee: «Yememaar we nu ndefna! Esayi a laya ndigil, ye ta jo’tanna a Roog no kaa farna na nuun. Neene a binda yee: ‹Xeet fene xa ton den soom a niwtaxam, ndaa a qeeñ den kaa ngoƭaam.

Mace 24:51

Xan a ɗegin teɓ-reɓ, a fokat a las um fo yememaar we, maa xa lool fo ƈaxrand a ñiiñ a ndefkaa.»

Mace 23:6

Kaa mbex o mbodaa no moofir ke moƴna o niwnoox no qew ke, a mbex o mbodaa mbaambir kam pind a qeƭ ke.

Mace 22:18

Yeesu a anda coxod naa den, too a doona a den ee: «Nuun soo ndef yememaar! Xar taxu nu mbogaxam?

Mace 16:3

Nqes ne itam kaa nu layaa yee xaye ta deɓ, yaam asamaan fee mosee.]

Mace 15:7

Nuun soo ndef yememaar! Esayi a lay’a ndigil ye ta jo’tanna a Roog no kaa farna na nuun ee:

Esayi 58:7

Ten refu itam o xaajir fo xe xeexeena ñaamel of, rool we njegeerna maa njaɓnooxna, o wetan a den mbind of, oxe ɓangdeena, o cooxin ñirax, soo fañ o fes a cinj o pog of.

Esayi 9:17

A woora yee, kañaan ne xan a dox nen takar-ñiig fo tomb kaa fiɗel a raaɓaa. Xan a kaƥ nen o ñaay olaa na raaɓaa suungaan niɓu, soo a fi a eel fo suun akaa na yoɗooxaa.

O baawaare xe 11:2

Xaaji o jeg of no fo mbiñ ɓetuu ƭik mbaat sax no fo ɓetuu tadik, yaam andiro taamaala kum na nqewkaa took lanq ke.

1 Sami’el 15:30

Sawul a ɓaataan o lay ee: «Bakaadaam! Ndiiki koy, kaam xeɗang o niwaam mbaambir maak we na xeet es fo mbaambir Ii-isra’el we fop, gar yoon fa mi, ndax um gung mbaambir no Yaal oxe Roog of, faɗooxin.»

Mace 7:5

Wo soo ref o yememaar! Pañtu o eet o watin a toodook ale refna na ngid of, soo sogkaa waag o ga a paax ne o watnitkaa njulmbax ne refna kam a ngid no kend of!

Mace 5:18

No ndigil, mexe layaa a nuun ee: Boo asamaan fo lanq a mbaafeerna, bind le moƴna moƴ o neew mbaat o ɗelem o leng sax watkee no kebil ke boo yaa fop a fadnooxna.

Esayi 10:6

Ɓoxotaanum xeet fa njofaƭaru fee, ɓakandin farna fa xeet feene na fuuxnooraxam, ndax ta jofnoox no yaqin soo a jaɓ paax ke den, a duutin nen lopopooƈ le no ped ke.

Mace 6:3

Boo o sadaxtaa, ba o ɓay of o janoon a and ke o ñamaak ole a fi’aa.

Mace 23:5

Kuu da mbi’aa, kaa mbug soom wiin we a nga a den. Kaa ndokooxaa a safe yaaju fo a ndoki maak akaa njegna pic.

1 Korint 13:3

Waag’aam o lasit ke jeguuma fop itam, ndax rool we a njeg kaa da ñaamna boo um fakooxaa, ndaa um jegangee o mbeq, keene fop ɗaxkoogee dara.