Mace 6:1 - NQAARIIT NE ROOG

¹ «Mbootooxyo lalit mbaambir no wiin we yee kaa nu njof, ndax da ƭeet a nuun soom. Nu mbi’angaan, nu njegkee ndabid leng paam Faap nuun fee refna na asamaan.

Mace 6:1 Referans Kwoze

Mace 23:5

Kuu da mbi’aa, kaa mbug soom wiin we a nga a den. Kaa ndokooxaa a safe yaaju fo a ndoki maak akaa njegna pic.

YEGIL MBAAX NE YEESU ne Saŋ a bindtuuna 12:43

Kaa o ngidim no wiin we a moƴan’u a den o ngidim Roog.

Hebre 6:10

Roog jofaƭaree. Weeckee calel ke nuun muk fo o mbeq onqe nu lalitna no gon um ye nu ndimle’aa fog gimu we nuun, too maad o mbi’an boo ndiik.

YEGIL MBAAX NE YEESU ne Lik a bindtuuna 16:15

Yeesu a laya a den ee: «Kaa nu mbi’ooxaa wiin jofu mbaambir no wiin we, ndaa Roog a anda ke refna kam a qeeñ nuun. Ke wiin we a ƭeetaa nen tig maak, Roog a sibu.

Galati 6:12

We andoona yee kaa mbaaƭaa o mbaagir fo wiin we, na seraa a nuun nquc. Keene da mbi’aa fop, kaa mbañaa wiin we a ñaatland a den, yaam ne da ngoolooxna a Kiristaa fee rengeena na kurwaa.

YEGIL MBAAX NE YEESU ne Saŋ a bindtuuna 5:44

Kaa koy, nam nu mbaagu o ngimit sax, nuun we na ƈufanaa o ndam o ngatu no wiin we, mbañ o naaɓ o ndam o ngatu na Roog?

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

2Saŋ 1:8

Fat oxuu refna a ɗeetaqin a xoox um, yaam ndik calel in no Yaal oxe a ndef kasaara. Mbootooxyo boog, ndax nu mbaag o ndaaw saɗig ne Roog a geekanna a nuun.

Mark 8:15

Yeesu a maƭooxa a den kene: «Mbootooxyo too yetoox no poɗaxnir ke no Farisiya we fo ke Herood.»

Mace 6:16

«Boo nu ngoorna, ba nu yuɗaanooxaa nen yememaar we na ngiɓaa a tagid den, ndax wiin we a nga ee kaa ngoor. Mexe layaa a nuun no ndigil ee: A ndaawa ndabid den boo a ƈut.

Mace 16:6

Yeesu a laya a den ee: «Mbootooxyo too yetoox no poɗaxnir ke no Farisiya we fo ke no Sadusiya we!»

YEGIL MBAAX NE YEESU ne Lik a bindtuuna 12:15

Yeesu a laya a den ee: «Yetooxyo too mbootoox o mbeq halal, yaam o ñoow no kiin refee no jeg halal, kuu ta mayna may halal oo.»

Mace 5:48

Fat nu ñak sik boog ne Faap nuun fee na asamaan a ñakitna sik.»

Mace 5:16

Neene a qoolaand ale nuun a waru o xoolit mbaambir no wiin we, ndax da mbaag o nga a pi a paax ake nuun, soo a ƥoxot a Faap nuun fee refna na asamaan o ndam.»

YEGIL MBAAX NE YEESU ne Lik a bindtuuna 11:35

Wootooxi boog yaam ndik a qoolaand ale refna na wo a ref o niɓaan.

A kim a tedu ke 112:9

Kaa mos kam, a ci’aa rool we, too o cofel um xan a maadaa boo faw. O cok um ole took kam o ndam onqe.

YEGIL MBAAX NE YEESU ne Lik a bindtuuna 12:1

Na waxtu faaga, wiin cuni-cuni a mbokatoora, a ndakraa. Yeesu a fera o maƭoox daalbe we ten, too a lay a den ee: «Mbootooxyo poɗaxnir ke no Farisiya we! Kaa tekit yememaar.

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

Mace 5:46

Nu mbexangaa we mbexna a nuun, ndabid num nu mbaru o njeg? Mee ndax we na ndabdinooxaa juuti sax kaa mbi’an!

Sakari 7:5

«Layi xeet fee no saax le fop fo saasadax we yee: ‹Ye nu ngooraa soo ƭomatooxaa no nqool o ƥetkandeer fo no ɓetuu ƭikandeer onqe boo xa kiid qarɓeen ɓetuu ƭik a gar fa xaye, ndax no ndigil mi nu ngooranoogu?

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Mace 6:9

Yaaga koy, neeke nu mbaru o nqeɗtaa: ‹Faap in fee na asamaan, Yaasam gon of a tedleel!

A cangatin ale 24:13

Fat nu ƥoxotin ngaasnit ne boo njeeƈ ne a helko fo mudaa, ndax ta jeg kaa ta hulooxna soo a xeɗan a nuun barke. Kaaga nu mbi’na xan a ref a pi a cofu mbaambir no Yaal oxe Roog nuun.»

Hebre 2:1

Ten taxu i ngela o ndamloox a paax no tigil ke i nanna, ndax i saƭtirkee fa den, soo mo.

Dañel 4:27

too a laya yee: «Ndax meeke refee Babilon fa maak fee maxtuuma doole es, ta ref teeru no maad fee mi, a laltaa o niwel es fo o ndam es?»

Hebre 11:26

Jeerel nen a Kiristaa fee o Muumucil oxe regteena, hupu no ten o njiriiñ ee kalal ke ndefna kam Misira fop, yaam kaa doon’u a kid um took tabid ke na ngaraa.

Mace 16:27

O Ƥeenqe no kiin oxe xan a gar kam o ndam Faap um, a yoon fo malaaka um, soo a ɓoxot o kiin oo kiin a pi um.

2 Maad we 10:31

Kaa koy, Yehu reef’ee kebil ke no Yaal oxe Roog fee Isra’el no xeeñ um fop. A damooxa no pakaad ke Yerobowam a bakaadnoortoogna xeet fee Isra’el.

2 Maad we 10:16

A layaan ee: «Gari yoon fa mi, too xan o ga o jaflax es no Yaal oxe.» Naaga, a ɓisaan na sareet-xire le ten.

Sakari 13:4

A koom duleer we xan a sed o yegnitik padafuleer mbaat da mbetandoox peeñil den, too ndokooxkatee ndoki ƭool, ndax da naxtin o kiin.

A pi ake 3:12

Ye Piyeer a ga’na kaaga, a laya xeet faa yee: «Nuun wiin we Isra’el, xar taxu nu njaaxiɗ no kene? Xar taxu nu naang a in jak a kid, wee ndax na sañ-sañ a qoox in mbaat na teef ale i ndeefaa a Roog i ñaaƴnoortu o qoyene?