Mace 5:8 - NQAARIIT NE ROOG

⁸ We njegna xeeñ xoolu a ƭaaya, yaam xan a nga a Roog!

Mace 5:8 Referans Kwoze

A kim a tedu ke 24:4

Ten refu oxe xa ƥay um a lewetna, too xeeñ um a xool, gaañitkee gon no Yaal oxe na xa koɓong too daaɓooxkee na xa maaƥ.

A kim a tedu ke 51:10

Felakinaam too ɗaaynooraam, ndax cer es ke leeƈ’oona a mbecoox.

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

Hebre 12:14

Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.

Xa peƭit axe 22:11

Oxe fexna o yaal xeeñ xoolu, a waag fa lay, o maad oxe xan a ref xaariit um.

Saak 4:8

Matiidyo me Roog, too xan a matiid a nuun. Nuun baabakaad we, mbaasyo bakaad. Nuun wiin a yiif-a-ƭak, sutyo paaxeer na qeeñ nuun.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.

Tiit 1:15

We nqoolna, kaa fop a xool na den. We andoona koy ee kaa ndef no ndoƭ, too a ngimaƭar, dara xoolee na den.

A kim a tedu ke 15:2

Ten refu oxe jegeerna ƥanjel, a fi’aa cofu soo a layaa ndigil ne refna no xeeñ um doŋ.

A pi ake 15:9

Roog koy, fi’ee njektir leng a ndeer in fa den, yaam o ngim a xoolandtu a qeeñ den.

A kim a tedu ke 73:1

A kim a tedu laa fogna na ke Asaf oo. No ndigil, Roog a faaxa na Isra’el, no we njegna xeeñ xoolu.

Hebre 9:14

A reftangaa neene, nam fo’oy le Kiristaa a moƴitkeerun o waag o fi! Na pexey Yiif le na refkaa boo faw, a ɓoxota a xoox um a Roog nen sadax fa njegee sik. Fo’oy um xan a xooland a qeeñ in na pi a qonu ke, ndax i mbaag o njalan a Roog fa ñoow jok fee.

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

A kim a tedu ke 18:26

O Yaal oxe, kaa o gore no xe gore’na too ŋañkiro oxe ñakna ŋañel.

1 Korint 13:12

Ke i nga’aa ndiiki, kaa nand nen no ɗeendoor i nga’aa, xoolee qac, ndaa a koom xan i njasnoor fo xe i ƈookna no ɗeendoor ole. Xaye, a seek a leng rek um ga’aa, ndaa na bes faaga, xam and ne Roog a andtaxama.

Mbeeñil 22:4

Xan a nga mukit um, too gon um xan a bindel took a tagid den.

Mberaand 32:30

Yakoob a laamtaan ee: «Nam ne’ee koy?» O koor oxe a doonaan ee: «Xar o laamtaa no gon es?» Cinj kaaga, a barke’taan maaga.

A kim a tedu ke 51:6

Tooñaaxoong, wo soom, fi paaxeer na kid of. O hate’angaam, kaa war, too o xawangaam, a ƭat oo.

2 Sami’el 22:27

Kaa o faax no xe jegna xeeñ xoolu, soo fañraa fo xe moseerna kam.