Mace 5:5 - NQAARIIT NE ROOG

⁵ We ƥuuɓna a ƭaaya, yaam xan a lam adna fee!

Mace 5:5 Referans Kwoze

A kim a tedu ke 37:11

Neewandooxu we xan a lam lanq ke, a njeg jam fa ndeyu sik.

Esayi 29:19

O Yaal oxe xan a ref no we neewandooxna a cur o ɗaay o maak, we moƴna o ndool no wiin we a mbiltoox fa baneex no Tedu xe Isra’el,

Saak 3:13

O kiin na nuun a jegangaa o and fo yiif, fat a fi a pi a paax, a laltin na pesoorooƭ um a paax, a pi akaa yoonna fo o ɓuuɓ fo o and.

A kim a tedu ke 149:4

O Yaal oxe a fexa xeet um. Kaa ci’aa ñaatu we a muc ale, ta ref mosandoor den.

Galati 5:23

ƥuuɓ, too ndamoox. Keene koy, kebil leng xañtiran.

Saak 1:21

Ten taxu, mbaasyo paaxeer ke ndefna kam a qeeñ nuun fop, mbootoox bakaad. Fat nu neewandoox paam Roog, ndax nu njaɓ fa lay fee duufeena na qeeñ nuun. Fa lay feene waagu o mucil xa laaw nuun.

A kim a tedu ke 25:9

Kaa ñaaƴnooraa no cofel we neewandooxna, a aqatinaa a den a ƭat um.

A lim ale 12:3

Moyiis koy, o koor o neewandooxu tigi a reeƭu, a moƴ o neewandoox oxuu ta waagna o ref took lanq ke.

Kolos 3:12

Neene itam, nen waa Roog a jilna nu mbog no ten, ta fex a nuun, fat nu mbof yirmande fo o paaxel fo a neewandax fo o ɓuuɓ fo o muñ.

Mace 11:29

Ngadooxyo kadoor ke cooxuuma a nuun, too njangit na mi, yaam kaam ɓuuɓ, too xeeñ es magnandooxee. Nu mbi’angaan, xan xa laaw nuun a ñootnoox.

Efees 4:2

Neewandooxyo, ƥuuɓ, njeg o muñ, kaam ee ngatliryo fo o mbeq.

1 Piyeer 3:15

Kaa koy, niwyo a Kiristaa kam a qeeñ nuun nen o Yaal nuun. Njagandooxyo kili, ndax nu mbaag o ndoonaa a paax oxuu laamitna a nuun ke taxna yaakaar neene a ref na nuun.

Sofoni 2:3

Mbaaƭyo o Yaal oxe, nuun neewandooxu we no saax le fop, nuun we na ndeefaa kebil ke ten. Mbaaƭyo o cofel, ngen na neewandax, yaaga xeƈa xan nu mbuusel, yaa fuux le no Yaal oxe a biltooxkaa.

Tiit 3:2

Baa da mben o leng. Fat a ndef wiin jam, a mbod, a ƥuuɓ no fop.

A kim a tedu ke 37:22

We o Yaal oxe a barke’na xan a njeg lanq ke, soo we ta salooxna a saŋkel.

A kim a tedu ke 37:9

We na mbi’aa paaxeer xan a saŋkel, we yaakaarna o Yaal oxe o mat a njegik lanq ke.

1 Piyeer 3:4

ndaa fat a ref a qendandax alaa inoorna na qeeñ nuun, a ref yiif damooxu laa ɓuuɓna. O mosel o nandu neene waagee o yaqoox, too a jega o njiriiñ o maak mbaambir Roog.

Esayi 11:4

O cofel rek a bugko hate’taa fo mboƭomsogor ne, soo rool we, ta ɓoxot a den wargal den. Fa lay um a faditkaa nen o loq o kiin balu-balu xe, too haaƭ um soom a saŋkitkaa o soxodu xe.

A kim a tedu ke 25:13

Xan a ñoowaa no ɗaay, soo xa ƥeem a njegik lanq ke.

1 Timote 6:11

Wo o mat, wo fee refna o kiin Roog, ƴufi keene. Waaƭki maa o cofel a farna, ten fo o reef a Roog fo o ngim fo o mbeq fo o muñ fo o ɓuuɓ.

A kim a tedu ke 69:32

Keene moƴu fel o Yaal oxe ee nqoox, sund fo xa can um fo xa poxos um.

A kim a tedu ke 37:29

Jofu we o mat xan a njeg lanq ke, too xan a ngen teen boo faw.

A kim a tedu ke 37:34

Ɗagi yaakaar of no Yaal oxe, reef a ƭat um, too yaaga xan a yoɗong, o jeg lanq ke, soxodu we a saŋkeel na kid of.

2 Timote 2:25

We ta fiŋqooraa, kaa war o lalaa a den a ƭat fo o muñ o maak, too a yaakaar ee xan Roog a fi da ƥek a yiif den na adna, a andnoor a den ndigil ne.

O leetar ole Pool a bindna GIMU WE NGENNA ROM 4:13

Yaaga boog, refee yee yaam ne Abraham a reefna kebil ke taxu Roog a regin lam ne na adna fee, ten fo xa taan um. Roog kaa reg’un o ten yaam o cofel ole na pexey o ngim um.

A kim a tedu ke 147:6

O Yaal oxe kaa yoɗaa ñaatu we, ndaa soxodu we o mat, kaa maafaa a den junjang.

Mace 21:5

«Layyo a Siyoŋ, o ndoog onqe yee: O maad of oxey a garaa me wo, kaa ɓuuɓ, too took o faam a ŋaayu, took o mol, o ƥiy no faam o jalir.»

Esayi 60:21

Xeet of fop xan a ndef jofu, a njeg saax le boo kili, den we ndefna tuufe-duufe kaa na saxaa kam a ƭing es, a ndef we saktuuma xa ƥay es ndax da lalit o ndam es.

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

A kim a tedu ke 22:26

O Yaal oxe, wo um bugko simataa kam mbokatax maak ne no gimu we. Xam fadin a tegit es fa wo mbaambir no we saɗaroonga.