Mace 5:1 - NQAARIIT NE ROOG

¹ Yaa Yeesu a ga’na wiin mayu waa, a ŋaaya took o joong olaa a moof, too daalbe we ten a matiidaan.

Mace 5:1 Referans Kwoze

Mark 3:13

Cinj kaaga, Yeesu a ŋaaya took o joong olaa, a xoy we ta bugna, too a ngara me ten.

Mace 15:29

Yeesu a inooxa maaga, soo a joon o Maag olaa Galile. A ŋaaya took o joong olaa, soo a moof.

Mark 4:1

Yeesu a dakooxa o ret na ƥeeraamb alaa no Maag olaa Galile, a jangnaa. Yaa wiin mayu a mbokatoorna paam um, a roka no suk, a moof. Suk naa koy, kam o maag olaa a reeƭu. Wiin waa fop na ƥeeraamb alaa a ngeenoox’u.

Mark 3:20

Cinj kaaga, Yeesu a nomtooxiida no mbind naa, too wiin mayu a ndakooxa o mbokatoor, boo Yeesu fo daalbe we mbaag’ee o ñaam sax.

Mace 4:25

Wiin mayu a ndeefanaan, a inoortiid Galile fa Dekapol fa Yeerusaleem fa Yudee fo kaltaa Yordaan.

Mace 13:2

Yaa wiin mayu a mbokatoorna paam um, a roka no suk, a moof. Wiin waa fop na ƥeeraamb alaa a ngeenoox’u.

Mace 5:2

Maaga, Yeesu a refa no jangnaa a den ee:

YEGIL MBAAX NE YEESU ne Lik a bindtuuna 6:12

Na pe akaaga, Yeesu a reta took o joong olaa ndax ta xeɗ. A fe’a no xeɗaa a Roog boo neen a feedu.

YEGIL MBAAX NE YEESU ne Lik a bindtuuna 6:17

Maaga, Yeesu a fudoortiida no joong olaa, a gar no joor fee, a yoon fo apootar we ten. Daalbe mayu fo wiin lakas mayu a inooriid’a muu refna na Yudee fo na Yeerusaleem boo no teeru maak kaa Tiir fa Sidoŋ a ndabiid a Yeesu.

YEGIL MBAAX NE YEESU ne Lik a bindtuuna 6:20

Maaga, Yeesu a faambra fo daalbe we ten, too a jangin a den ee: «Nuun we ñakna halal, nu ƭaaya, yaam Maat ne Roog nuun a refanu!

YEGIL MBAAX NE YEESU ne Lik a bindtuuna 9:28

A cinj ngap ñaal ɓetuu tadik yaa ta layna fa lay faaga, Yeesu a ɓislooxa a Piyeer fa Saŋ fa Saak, soo a ŋaay took o joong olaa ndax ta xeɗ.

YEGIL MBAAX NE YEESU ne Saŋ a bindtuuna 6:15

Yaa Yeesu a andna koy ee kaa mbugin o ngif, a ndodkin o maad, a dalfooxa o inoox, a ret no joong olaa, ten doŋ.