Mace 4:9 - NQAARIIT NE ROOG

⁹ soo a layin ee: «O gooknooxangaa mbaambir es too faɗooxaam, xam ci’ong keene fop.»

Mace 4:9 Referans Kwoze

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

YEGIL MBAAX NE YEESU ne Saŋ a bindtuuna 16:11

a lal a den hate, yaam o maad adna feeke a hate’e boo a ƴut.

1 Timote 3:6

Waree o ref itam oxaa na sogaa o gim, yaam ndik o nga’atinax a rokin, ta yen no kate ne o ƈiƴ oxe a yenna.

A kim a tedu ke 72:11

Maad we fop xan a ngung mbaambir um, qeet ke fop a ndagooxin.

Mbeeñil 19:16

No ndoki ne ten fo na ñaal ale ten gon lene a binde: «O Maad oxe no maad we fo o Yaal oxe no yaal we.»

YEGIL MBAAX NE YEESU ne Saŋ a bindtuuna 14:30

Fa lay es fa nuun maykatee, yaam o maad adna feeke a inooxa, ndaa koy waaganiraam dara.

YEGIL MBAAX NE YEESU ne Saŋ a bindtuuna 13:3

Yeesu a and’a yee maa Roog a inooru, a wara o nomtoox maa ten. A anda itam ee Faap fee a doona fop na xa ƥay um.

YEGIL MBAAX NE YEESU ne Saŋ a bindtuuna 12:31

Ndiiki koy, adna feeke a hate’e, o maad adna feeke a deɓel tafil.

Mace 26:15

too a lay a den ee: «Xar nu ndabidkaxam yaa ɓoxotanuuma a nuun?» Maaga, a ndabdaan xa monjong qarɓeen tadik xaaliis fa nqoolu.

Dañel 4:32

Wiin we na adna fee fop ndefee tus mbaambir um. Kaa fesooraa fo xuu refna ne feltuuna, ta ref no malaaka ke mbaat no wiin we, too o leng waagee o xox katil um, mbaat ta soqin no ke ta fi’aa.

Xa peƭit axe 8:15

Na pexey es maad we a maadooraa, gelwaar we a ndalnaa kebil cofu.

Mace 4:10

Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »