Mace 4:6 - NQAARIIT NE ROOG

⁶ soo a layin ee: «O refangaa o Ƥeenqe Roog, foolti mene, yaam a binde yee: ‹Xan a heblanong malaaka ke ten, too xan a meeɓong, yaam ndik o kamas ɓil.› »

Mace 4:6 Referans Kwoze

Hebre 1:14

Xar malaaka ke a ndefu? Den fop a yiif akaa na mbaɗooxaa a Roog a ndefu, ta lulaa a den ndax da ƥisaa o ndimle me no we na ndaawkaa a muc ale.

A kim a tedu ke 34:7

Mi fee o ñaatu xe, wuuqaam, too o Yaal oxe a nanaxam soo a muclaam no naqad es fop.

2 Korint 11:14

Kaa koy, o njaaxɗataan jegee teen, yaam Saytaane fa xoox um sax kaa fi’ooxaa malaaka fa mbogu na qoolaand.

A kim a tedu ke 34:20

Paaxeer mayu a naanga o ndalaa o cofu xe, ndaa o Yaal oxe kaa muclan kili.

Mace 4:4

Yeesu a doonaan ee: «A binde yee: ‹O kiin ñoowitkee ngaaf soom, ndaa fo fa lay fuu sutoorna no don Roog.› »

Ke bindeena no xe ne’eena YOB 5:23

yaam xan o hiɓoor fo a ƥil ake na xa qol axe soo reer jam fo ƥaaɓaan ke no lanq ke.

Ke bindeena no xe ne’eena YOB 1:10

Mee ndax wo na saytooxan o saax oo saax, ten fo wiin mbind um fo o jeg um fop. Kaa o barke’an no kuu ta rokna, too xa siir um axe gañ kam saax le.