Mace 4:4 - NQAARIIT NE ROOG

⁴ Yeesu a doonaan ee: «A binde yee: ‹O kiin ñoowitkee ngaaf soom, ndaa fo fa lay fuu sutoorna no don Roog.› »

Mace 4:4 Referans Kwoze

A cangatin ale 8:3

A cinj coono keene fo a cinj ye ta ñaatlanditna a nuun nqeex, a ci’a a nuun maan fee, ta ref ñaamel kaa nu and’eerna, daan nuun and’iran. Neene, a lala a nuun ee o kiin ñoowitkee ngaaf soom, ndaa fo fa lay fuu sutoorna no don no Yaal oxe.

YEGIL MBAAX NE YEESU ne Lik a bindtuuna 4:4

Yeesu a doonaan ee: «A binde yee: ‹O kiin ñoowitkee ngaaf soom.› »

YEGIL MBAAX NE YEESU ne Saŋ a bindtuuna 6:63

Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu.

O leetar ole Pool a bindna GIMU WE NGENNA ROM 15:4

Ke i soƥna kam a Pind a Tedu ke fop kaa mbind’el yaaga, ndax ta jangin a in o muñ, a ci a in a yaalax. Neene, xan i njeg yaakaar na pexey a Pind a Tedu ke.

Efees 6:17

Njaɓyo a muc ale Roog, ta ref o maxanda xire nuun. Njaɓyo itam fa lay fee Roog, refna laƥ ne no Yiif le ten.

A sutax ale 16:15

Ii-isra’el we fop a ƭeetooga, a laamtiraa yee: «Ndi xar kene?», yaam and’ee ke keene a refna. Moyiis a doona a den ee: «Mbuuru ne o Yaal oxe a ci’na a nuun oo, ndax nu ñaamin.

YEGIL MBAAX NE YEESU ne Lik a bindtuuna 4:8

Yeesu a doonaan ee: «A binde yee: ‹O Yaal oxe Roog of soom waro faɗoox too dagooxan.› »

A sutax ale 16:35

Ii-isra’el we kaa ñaamoogu maan boo xa kiid qarɓeen nahik, boo neen a mbadiidu no ŋat olaa no saax laa Kanaan genoogeena.

A sutax ale 16:8

Moyiis a dakooxahina o lay ee: «O yaar o Yaal oxe a ci a nuun a tegeƴ akaa nu ñaamna soo o feet nqes ta ci a nuun puuru kaa nu ñaamna boo ngiñ, yaam o Yaal oxe a nana o nqasan onqe nu nqasanuuna, too sax, kaa andiim ke i ndefna. Refee yee in nu nqasu, ndaa o Yaal oxe.»

Mace 4:10

Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »

Mace 4:7

Yeesu a layahinaan ee: «A binde itam ee: ‹Ɗeetlooxkiro o Yaal oxe Roog of muk!› »

YEGIL MBAAX NE YEESU ne Lik a bindtuuna 4:12

Yeesu a doonaan ee: «A laye kam a Pind a Tedu ke itam ee: ‹Ɗeetlooxkiro o Yaal oxe Roog of muk›!»

A sutax ale 23:15

Fa eetaand fee refu Xew fee no puuru canja’e ke. No ñaal ɓetuu ƭik ke ndameena no nqool onqe ne’eena Abiib, fat nu ñaamaa puuru canja’e, ne heblitanuuma a nuun, yaam no nqool onqeene nu sutooru Misira. Ba nu ngar fo xa ƥay xa ƥor me mi.

Mace 15:11

Refee yee ke na rokaa no don na roɗgandaa o kiin, ndaa ke na sutooraa teen na roɗgandan.»

Mark 7:20

A layahina yee: «Ke na sutooraa no kiin na roɗgandan.

YEGIL MBAAX NE YEESU ne Saŋ a bindtuuna 15:26

Boo o Yaayaal oxe um luliidkaa me nuun, yaa retuuma maa na Faap faa a garna, xan a lalit oxe refuuma. O Yaayaal oxeene refu Yiif le saqna ndigil ne, too na Faap fee a hatu.