Mace 4:3 - NQAARIIT NE ROOG

³ O poofog oxe a matiidaan, too a layin ee: «O refangaa o Ƥeenqe Roog, supti a kac akeeke da ndef puuru.»

Mace 4:3 Referans Kwoze

1 Tesalonik 3:5

Ten taxu, ye waag’ateeranuuma o muñ, luliidaam a Timote me nuun, ndax ta feednaam o ngim nuun, yaam kaam saɗaroogu yee xan o poofoog oxe a nax a nuun boo calel ƭomu in a ndef kasaara.

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

Mace 3:17

O ñuxur a nannoorta na asamaan ee: «Oxene refu o Ƥees onqe fexuuma fex, no ten felakinoortum.»

Hebre 12:16

Ba o leng a ref saasaay, too ba o leng a niwaƭar ke jofna na Roog. Neene Esawu a fi’’u boo a jikoox a las taaw ale ten yaam a put a leng soom.

A sutax ale 16:3

Kaa layoogu yee: «Ke moƴan’ina a in, i patoor no ɓay no Yaal oxe kam saax le Misira, ye i ndeeraa a kaleera tegeƴ ake, ñaamaa puuru boo ngiñ. Kaa koy, kaa nu ƥisiid a in kam a koƥ-a-ƥor alene, ndax i nqonit teen fo nqeex, in fop.»

A pi ake 9:20

Ndak fo ndak, a waare’ooga kam pind a qeƭ kaa yee Yeesu refu o Ƥeenqe Roog.

YEGIL MBAAX NE YEESU ne Lik a bindtuuna 4:9

O ƈiƴ oxe a ɓisaan Yeerusaleem itam. A sipaan took Mbind Roog naa, soo a layin ee: «O refangaa o Ƥeenqe Roog, foolti mene, sipoox a lanq,

YEGIL MBAAX NE YEESU ne Lik a bindtuuna 4:3

Maaga, o ƈiƴ oxe a matiidaan ee: «O refangaa o Ƥeenqe Roog, supti gac leeke ta ref mbuuru.»

Mace 14:33

Waa ndeeƭna kam suk naa a ngara, a ngooknoox mbaambir Yeesu, a layin ee: «O Ƥeenqe Roog refo ndigil!»

Mace 16:16

Maaga, Simoŋ Piyeer a doonaan ee: «Wo refu Kiristaa fee o Muumucil oxe regteena refna o Ƥeenqe Roog fa ñoow jok fee.»

Mace 26:63

Yeesu kaa tiimoogu. O saasadax o maak oxaa a dakooxaan o lay ee: «Mexe daaɓoortan a Roog fa ñoow jok fee! Layi a in ndax wo refu Kiristaa fee o Muumucil oxe regteena, refna o Ƥeenqe Roog?»

Mark 1:1

Keeke refu mberaandoong ne no Yegil mbaax ne na laytaa kaa farna na Yeesu Kiristaa, o Ƥeenqe Roog.

Mark 3:11

A mbanuu cini ke a nga’uuna, a yenooga na caf um, soo a mbuuqaa yee: «Wo refu o Ƥeenqe Roog!»

Mark 5:7

too a wuuq a maak ee: «Wo fee refna o Ƥeenqe no xe Took-ee-took, xar i nqetu? Waay waay, ɗeeti a Roog, fañaam o xijil.»

YEGIL MBAAX NE YEESU ne Lik a bindtuuna 1:35

Malaaka fee a doonaan ee: «Xan Yiif Tedu le a fudoox took of, too xan katil fee no xe Took-ee-took a muurong fo yook um. Ten taxu, o ƥiy o tedu nqe o ñootkaa xan a xoyeel o Ƥeenqe Roog.

YEGIL MBAAX NE YEESU ne Lik a bindtuuna 4:41

Cini mayu itam a sutoora no wiin waa, a mbuuqaa yee: «Wo refu o Ƥeenqe Roog!» Kaa koy, Yeesu a ŋala a den, too ci’’atee a den o ñootand, yaam a and’a yee ten refu Kiristaa fee o Muumucil oxe regteena.

YEGIL MBAAX NE YEESU ne Lik a bindtuuna 22:70

Maaga, fop a laya yee: «Wo refu o Ƥeenqe Roog boog?» Yeesu a doona a den ee: «Nuun na laykataa oxe refuuma.»

YEGIL MBAAX NE YEESU ne Saŋ a bindtuuna 1:34

Ga’aam, too seede’anaanum ee o ten refu o Ƥeenqe Roog.»

YEGIL MBAAX NE YEESU ne Saŋ a bindtuuna 1:49

Natana’el a doonaan ee: «O Caajangin oxe! Wo o mat refu o Ƥeenqe Roog, ref o maad Isra’el.»

YEGIL MBAAX NE YEESU ne Saŋ a bindtuuna 9:35

Yeesu a yega yee o qoyaa kaa rax’el. Yaa ta xetna fo ten, a layaan ee: «Ndax gimaa no xe na xoyeel o Ƥeenqe no kiin oxe?»

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

2 Korint 1:19

Kaam ee, Yeesu Kiristaa fee o Ƥeenqe Roog i mbaare’na a nuun, too waare feene a hat na mi Pool fa Silwe fa Timote, ndax «ii» fa «ha’aa» a refu, mee ndax «ii» soom saxu no ten?

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

Hebre 4:14

Fat i saƭik boog no ngim onqe i mbeejlaa, yaam i njega o saasadax o maak oxaa hupna fop. Ten refu Yeesu o Ƥeenqe Roog, o ten oxe ŋaayna boo paam Roog.

Hebre 7:3

O leng andanee a Melkisedek a faap mbaat a yaay mbaat o taan. O rimel um fo fa nqon um laytaand sen kam a Pind a Tedu ke. Kaa nand fo o Ƥeenqe Roog: O saasadax a mosu mos o refaa boo faw.

1Saŋ 3:8

Oxuu genna no fi’aa bakaad, no ƈiƴ oxe a fogu, yaam o ƈiƴ oxe kaa bakaadaa, yaa fo mberaandoong naa boo ndiik. O Ƥeenqe Roog koy, a feeña ndax ta yaq calel ke no ƈiƴ oxe.