«Cinj kaaga, deɓooxaam a lanq mbaambir no Yaal oxe soo yoqahin maaga boo ñaal qarɓeen nahik fo xa yeng den kaa ñaameeruuma, yeriim. Fi’aam keene yaam bakaad fee nu mbi’’ina. Kaa nu mbi’’u kaa faaxeerna na kid no Yaal oxe, mbuuxnoorin tigi.
Eliya a inooxa, a ñaam, a yer, too fa doole fee ta jegitna no ñaamel kaaga a ñaaƴa ñaal qarɓeen nahik fo xa yeng den soo a fadiid Horeb, o joong ole Roog.
Moyiis a reeƭa maaga fo o Yaal oxe ñaal qarɓeen nahik fo xa yeng den too ñaamee, yeree. Yaa a pe akaaga a mbaafna, a binda took a alfa ƥil ake xa ƭelem axe no ngiɓoor ne ndefna ndef kebil xarɓaxay ke.
Ŋaay’aam took o joong olaa, ndax um daaw a alfa ƥil ake saq’ina ngiɓoor ne o Yaal oxe a dalinna fa nuun. Yoq’aam maaga ñaal qarɓeen nahik fo xa yeng den kaa ñaameeruuma, yeriim.
A ngas ale Yakoob, maaga a reeƭu itam. Yeesu kaa xij’u bo yaam a ñaaƈ a koƭu le, too a gara a moof paam duutung le na ngas ale, a soƥ njeeƈ ne a fod ndeer xoox.