Mace 4:10 - NQAARIIT NE ROOG

¹⁰ Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »

Mace 4:10 Referans Kwoze

A cangatin ale 10:20

Fat nu saɗar o Yaal oxe Roog nuun, mbaɗooxan, ndamoox no ten soo ndaaɓooxaa no gon um.

Yosuwe 24:14

Ndiiki koy, saɗaryo o Yaal oxe too mbaɗooxin fo o ñak sik fo ngor. Mbatinyo roog ke daan nuun a mbaɗooxoogna, ye da ndefaa kaltaa Ofrat fo no saax laa Misira, soo mbaɗoox o Yaal oxe doŋ.

YEGIL MBAAX NE YEESU ne Lik a bindtuuna 4:8

Yeesu a doonaan ee: «A binde yee: ‹O Yaal oxe Roog of soom waro faɗoox too dagooxan.› »

1 Sami’el 7:3

Naaga, Sami’el a laya Ii-isra’el we fop ee: «A soƥangaa yee fo a qeeñ nuun fop nu nomtoortiidaa me no Yaal oxe, ndeɓyo roog can ke nu mbaɗooxaa fo xa taaƴ axe Astarte, soo ndam no Yaal oxe fo a qeeñ nuun fop too mbaɗooxan ten doŋ. Neene, xan a mucil a nuun na xa ƥay no Fiifilista we.»

Saak 4:7

Ten taxu, neewandooxyo paam Roog. Mbañyo o ƈiƴ oxe, too xan a riƈatoox a nuun.

1 Piyeer 5:9

Nqoxyo o ƈiƴ oxe, saƭik no ngim onqe, too and ee coono leng kut ke ndalu fog gimu we nuun kam adna fee.

Mace 16:23

Kaa koy, Yeesu a geleerooxa, soo a layin ee: «Saytaane, riƈatooxaam! Kaa o bugaam o tolofnoor, yaam a qalaat of mbogree fo a qalaat Roog, a qalaat no kiin oo.»

Ke bindeena no xe ne’eena YOB 2:1

Bes, malaaka ke Roog a ngarahina, a ngeenoox mbaambir no Yaal oxe, soo Saytaane, o caajamb oxe, a ref itam a ndeer den mbaambir no Yaal oxe.

Ke bindeena no xe ne’eena YOB 1:12

O Yaal oxe a laya a Saytaane yee: «O ten oo xeene, xaƴaaxoong fo o jeg ole ten fop. Kaa koy, baa o ɓay of a dal took um, ten fa xoox um.» Maaga, Saytaane a inooxa mbaambir no Yaal oxe.

1 Caloori ke 21:1

Bes, Saytaane a hebooxaa o fi a Isra’el paaxeer, soo a riñ a Dawid ta lim Ii-isra’el we.

Ke bindeena no xe ne’eena YOB 1:6

Bes, malaaka ke Roog a ngara, a ngeenoox mbaambir no Yaal oxe, soo Saytaane o caajamb oxe a ref itam a ndeer den.

A kim a tedu ke 109:6

Kaa da layanaxam ee: «Fat a fokatel fo o soxodu, o caajamb a fodin na ñamaak.

A sutax ale 23:25

Mi fee o Yaal oxe Roog nuun soom nu mbaru o ƥoxot tedaanga. Yaaga xam barke a nuun, ci a nuun ñaamel fo yerel soo saytoox a nuun na cir ake.

Esayi 30:22

Xan o ɗeet nen qoolaƭaru xaaliis fee muurna nitaal sexe ke wo fa wurus fee xa taaƴ xa cawe xe wo a soobteena. Xan o ɓax a den nen ƭaaq, lay a den ee: ‹Acayo tafil!›

Mark 1:13

A refa maaga boo ñaal qarɓeen nahik kaa Saytaane a fogan. A reeƭa fo ƥaaɓaan ke, too malaaka ke a ndagooxoogaan.

YEGIL MBAAX NE YEESU ne Lik a bindtuuna 10:18

Yeesu a laya a den ee: «Ga’aam a Saytaane ta yentiidaa na asamaan nen o hiiñ.

YEGIL MBAAX NE YEESU ne Lik a bindtuuna 11:18

Boo Saytaane a xaajoorna fa xoox um boog, nam mbind um a waagu miñit? Kaa nu layaa yee na pexey Belsebul um raxtaa cini ke?

YEGIL MBAAX NE YEESU ne Lik a bindtuuna 13:16

O tew oxeeke andoona yee o ndaan Abraham oo, too Saytaane a dam’un boo xa kiid xarɓaxay fo xa kiid ɓetaa tadaq, ndax waagaand o wodand na bes fee na ñootnax ale?»

YEGIL MBAAX NE YEESU ne Lik a bindtuuna 22:3

Maaga, Saytaane a roka na Yudaa fee xoyoogeena o Iskariyot oxe reeƭna o leng no xarɓaxay fo ɗik waa.

YEGIL MBAAX NE YEESU ne Lik a bindtuuna 22:31

O Yaal oxe a laya a Piyeer ee: «Simoŋ, Simoŋ, Saytaane kaa waaƭaa maa ta maafitna a nuun ndax ta fees a nuun nen bele.

YEGIL MBAAX NE YEESU ne Saŋ a bindtuuna 13:27

Yaa Yudaa a daawna o ɗeg ole, Saytaane a muura yiif um. Maaga, Yeesu a layaan ee: «Ke naroona o fi, fi’een no ñofu.»

A pi ake 5:3

Maaga, Piyeer a laamta a Anañaas ee: «Ndi xar taxu Saytaane a mayƭand xeeñ of boo o maaɓaa Yiif Tedu le? Xar taxu o ɗasin a seek a leng ale na xaaliis fee o qol ole a watna?

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

1 Korint 5:5

fat oxe fi’na keene a deɓel na xa ƥay Saytaane, cer um a saŋkoox ndax o laaw um a muc no ñaal naa o Yaal oxe a nomtooxiidkaa.

1 Korint 7:5

Ba o leng a goƭ o lakas oxe, a refangeerna kaa laytin, yaa da mbugna o nqeɗ. Cinj kaaga, fat a ndakoox na yoon, yaam ne da mbaagkateerna o ngarin a qoox den, soo Saytaane a rokatiloox, a fog a den.

2 Korint 2:11

ndax Saytaane ci’kaand o gom olaa ta jegitna doole took in, yaam pexey um fo a pi um mo’ee o leng na in.

2 Korint 11:14

Kaa koy, o njaaxɗataan jegee teen, yaam Saytaane fa xoox um sax kaa fi’ooxaa malaaka fa mbogu na qoolaand.

2 Korint 12:7

Neene koy, yaam com’andtu ke no peeñil keene, sooxaneem kam cer es a bej, ndax jimbooxkiim kam a magnandax. A bej aleene kaa fadtiidaa nen oxaa Saytaane a lulna, ndax ta xijlaam boo magnandooxkiim.