Mace 4:1 - NQAARIIT NE ROOG

¹ Maaga, Yiif le Roog a ɓisa a Yeesu kam a koƥ-a-ƥor alaa ndax o ƈiƴ oxe a fogin.

Mace 4:1 Referans Kwoze

Hebre 2:18

Me ta refna koy, Yeesu a waaga o dimle we na ƭeetlooxeel, yaam ten fa xoox um a ɗeetloox’e kam coono um.

O leetar ole Pool a bindna GIMU WE NGENNA ROM 8:14

We Yiif le Roog a ɗoxaa fop, xa ƥiy Roog a ndefu.

Heseki’el 43:5

Maaga, Yiif le a gifaxam soo a ɓisaam no maax-kam ole. Ga’aam o ndam onqe no Yaal oxe mayƭand’ina Mbind ne fop.

YEGIL MBAAX NE YEESU ne Saŋ a bindtuuna 14:30

Fa lay es fa nuun maykatee, yaam o maad adna feeke a inooxa, ndaa koy waaganiraam dara.

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

A pi ake 8:39

Ye da sutooxna foofi laa, Yiif Tedu le a gifa a Filip. Jawdiin faa ga’atiran, ndaa a xota a ƭat um, a ɗaay bo.

Heseki’el 3:12

Maaga, Yiif le a gifaxam, too nantaam a cinj es fangax combol maak ee: «O ndam onqe no Yaal oxe a hela o simattel no ngenand um!»

Heseki’el 40:2

soo ta ɓisaam maaga. No peeñax Roog, a ɓisaxam no saax laa Isra’el, soo a doonaam took o joong o jiig olaa jeg’ina no ɓemb-roog o ñamaak nandu nen maq teeru.

1 Maad we 18:12

Cinj yaa um retkaa xaƴong, xan Yiif le no Yaal oxe a gifong, a ɓisong maa andeeruuma. Um retkaa koy, yegnin a Ahab, too ga’kirang soo ta waraam. Yaag oo toox de, no kaa xotitna no ndeƥandoong es boo ndiik kaam saɗar o Yaal oxe.

2 Maad we 2:16

A layaan ee: «Ga’angi, a jega mene a ndeer no dag of goor qarɓeen ƥetik waa ndefna cambaar. Fat i lul a den, da mbaaƭik o yaal mbind of. Xeƈa Yiif le no Yaal oxe kaa gifin, a deɓkin no joong o leng mbaat na yulanq.» Eliise a doona a den ee: «Ba nu lul a den.»

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

Heseki’el 11:24

No mbeeñil, Yiif le a gifaxam soo a nomtiidaam Kalde paam no we ƥiseena took o hup doole. Cinj kaaga, mbeeñil ne lal’eema a naaga mes.

Heseki’el 11:1

Yiif le a gifaxam soo a ɓisaam no don-maax batand olaa no Mbind ne no Yaal oxe, no laa jasnoorna fo batand. A jeg’a no ndokand naa no don-maax ole goor qarɓeen ƭik fo goor ɓetuk. A ndeer den, ga’aam a Yaasaniya fee o ƥiy Asur fa Pelatiya fee o ƥiy Benaya, gelwaar we na xeet fee.

Heseki’el 8:3

A letna kaa saxitna nen o ɓay, a pok joƥ wiil no xoox es. Yiif le a gifaxam, a yoɗaam ndeer asamaan fo lanq, soo a ɓisaam Yeerusaleem no peeñil katu na Roog, farna fo ndokand ne no don-maax kam ole faambirna fo o ɓemb-roog o janoon, me nitaal roog fa naalu fee a sipeena, ten oxe na gartaa naal ne.

Saak 1:14

Kaa koy, a yuxum a paaxeer ake ndefna no xeeñ taxu o kiin a fi’aa paaxeer.