Mace 3:9 - NQAARIIT NE ROOG

⁹ Ba nu mboog ee nu mbaaga o lay na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

Mace 3:9 Referans Kwoze

YEGIL MBAAX NE YEESU ne Lik a bindtuuna 3:8

Saqyo boog a pi akaa lalitna yee nu mbesa pakaad nuun a cinj. Ba nu layat na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

YEGIL MBAAX NE YEESU ne Saŋ a bindtuuna 8:33

A ndoonaan ee: «In de, xa taan Abraham i ndefu, too i mosee o ndef o paɗ no kiin. Yaaga koy, nam waago o layit ee xan i mbatel?»

O leetar ole Pool a bindna GIMU WE NGENNA ROM 4:1

Xar i laykaa boog na Abraham fee o taan in? Xar a daawu nen o kiin?

A pi ake 13:26

Fog es, nuun we xa taan Abraham fo nuun we ndefeerna Yaawuur, too saɗar a Roog! In o mat taxu fa lay feene na muc ale a lultiidel.

YEGIL MBAAX NE YEESU ne Lik a bindtuuna 16:24

Yaa ta ga’uuna, a wuuqa yee: ‹Heey, o taan es Abraham! Ngela yirmaam! Luliidi a Lasaar, ndax ta suup nqol um na foofi, a xuƥandanaam ɗelem es, yaam kaam coono’aa lool no fiɗel lene.›

YEGIL MBAAX NE YEESU ne Saŋ a bindtuuna 8:53

Ii, wo hupu o taan in Abraham fee xonna? Duleer we sax a nqona! Ndi mam doono a xoox of?»

YEGIL MBAAX NE YEESU ne Lik a bindtuuna 5:22

Kaa koy, Yeesu a anda a qalaat den, too a laya a den ee: «Xar taxu nu njeg a qalaat akeene na yiif nuun?

Mark 7:21

Yaam a qalaat a paaxeer ake, no xeeñ no kiin a sutooraa, den fo pesanir ke fo kuuƭ ke fo barir ke

Heseki’el 33:24

«Wo fee o ƥiy no kiin, we ngenna no kefatin kene no fiisel ole Isra’el kaa layaa yee: ‹Abraham o leng a reeƭu, too a jaɓa saax le, too in we mayna gañ cooxe saax le, njegkin.›

A pi ake 15:14

Simoŋ a wetandooxa ne Roog a ɗeetit’ina no mberaand naa kam no we ndefeerna Yaawuur, ndax ta jilit a ndeer den xeet faa refanuuna.

YEGIL MBAAX NE YEESU ne Lik a bindtuuna 19:40

Kaa koy, Yeesu a doona a den ee: «Mexe layaa a nuun ee a tiimangaa sax, xan a kac ake a mbalaloox!»

YEGIL MBAAX NE YEESU ne Lik a bindtuuna 7:39

Yaa o Farisiya xe xoy’ina a Yeesu a ga’na kaaga, a laya taa no yiif um ee: «O kiin oxene a reeƭangaa o tuleer, a andkooga oxe o tew oxeeke na duqan a refna fo ke ta refna no wiin we. A andkooga yee o paabakaad oo.»

YEGIL MBAAX NE YEESU ne Lik a bindtuuna 12:17

A xalaata taa no yiif um ee: ‹Xar warum o fi, yaam jegiim maa geekuuma saxade le mi?›

YEGIL MBAAX NE YEESU ne Saŋ a bindtuuna 8:37

Andaam xil ee xa taan Abraham nu ndefu, ndaa kaa nu mbaaƭaa maa nu njangitna o ñis es, yaam nu mbugee o njaɓ ke um jangnaa.