Mace 3:2 - NQAARIIT NE ROOG

² Kaa layoogu yee: «Mbesyo pakaad nuun a cinj, yaam Maat ne na asamaan a matiida.»

Mace 3:2 Referans Kwoze

Mace 4:17

Na jamaane faaga, Yeesu a fera o waare, a lay ee: «Mbesyo pakaad nuun a cinj, yaam Maat ne na asamaan a matiida.»

Mark 1:15

Kaa layoogu yee: «Waxtu fee a fada, too Maat ne Roog a matiida. Mbesyo pakaad nuun a cinj, too njaɓ Yegil mbaax ne.»

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

YEGIL MBAAX NE YEESU ne Lik a bindtuuna 24:47

soo qeet ke fop a mbaare’el, a eetit Yeerusaleem, ndax da mbes pakaad den a cinj, a ndaaw a baasan ale no pakaad ke no gon um.

Mace 6:10

Yaasam maat of a fadiid! Yaasam ke bugoona a jeg na adna nen na asamaan!

2 Korint 7:10

Yaam naqad fee inoorna na Roog kaa gartaa o fes pakaad a cinj na ɓisaa na muc ale, too ricooxkaand boo muk. Naqad fee na adna fee koy, fa nqon soom a rimaa.

Mace 10:7

Muu nu ndetna, mbaare’yo yee Maat ne na asamaan a matiida.

A pi ake 3:19

Mbesyo pakaad nuun a cinj boog, too saktoox farna fa Roog, ndax pakaad nuun a mbortel.

YEGIL MBAAX NE YEESU ne Lik a bindtuuna 15:10

Neene itam, mexe layaa a nuun ee: Xan o ɗaay o maak a jeg mbaambir no malaaka ke Roog yaam o paabakaad o leng kut oxaa fesna pakaad um a cinj.»

YEGIL MBAAX NE YEESU ne Lik a bindtuuna 13:3

Ha’aa, mexe layan a nuun. Kaa koy, boo nu supteerna o ñoowooƭ, xan nu saŋkoox nuun fop nen lakas we.

YEGIL MBAAX NE YEESU ne Lik a bindtuuna 11:20

Kaa koy, a refangaa yee na pexey nqol Roog um raxtaa cini ke, yaaga Maat ne Roog a fadiida me nuun.

2 Piyeer 3:9

O Yaal oxe ñakkee o fadin muk a tegit um, ne leng-leng a mboogtuuna. Kaa koy, a jega o muñ na nuun, yaam bugee o leng a saŋkoox, ndaa kaa bug fop a mbes pakaad den a cinj.

A pi ake 17:30

Roog ɗeetatee camaane ke wiin we a ndeeƭna no ñak-o-and. Ndiiki koy, oxe xoyaa wiin we na adna fee fop, da mbes pakaad den a cinj,

A pi ake 11:18

Ye da nanna kaaga, a naangayo cel, a simataa a Roog, a lay ee: «Yaaga boog, Roog kaa ci we ndefeerna Yaawuur, da mbes pakaad den a cinj, ndax da njeg o ñoow ole.»

A pi ake 2:38

Piyeer a doona a den ee: «Mbesyo pakaad nuun a cinj, too oxuu refna fat a batiise’el no gon Yeesu Kiristaa, ndax pakaad um a mbaasanel, ta daaw Yiif Tedu le Roog a ci’taa.

YEGIL MBAAX NE YEESU ne Lik a bindtuuna 6:20

Maaga, Yeesu a faambra fo daalbe we ten, too a jangin a den ee: «Nuun we ñakna halal, nu ƭaaya, yaam Maat ne Roog nuun a refanu!

Mace 13:52

A dakooxa o lay a den ee: «Ten taxu boog, o caajangin no kebil ke Moyiis, a refangaa o taalbe no Maat ne na asamaan, kaa nand fo o yaal mbind oxaa na suttaa no ngeekand um qas fo kiid.»

Mace 13:47

«Maat ne na asamaan a waagahine o nandandit mbaal naa deɓeena kam o maag, soo a dam liƥ pogreer mayu.

Mace 13:33

Yeesu a dakooxa o lay a den a naxax a lakas alene: «Maat ne na asamaan kaa nand fo poɗaxnir kaa o tew a jangna, a jaxasin fo a saxal a tadak mbiɗel. Naaga, fop a dalfooxa o foɗax.»

Mace 12:41

Na bes faa no nqel naa Roog, xan Niininiif we a inoox mbaambir no xeet fene, a soq a den, yaam a mbes’a pakaad den a cinj ye Yoona a waare’na a den. Oxe na layaa fa nuun koy hupu a Yoona.

2 Timote 2:25

We ta fiŋqooraa, kaa war o lalaa a den a ƭat fo o muñ o maak, too a yaakaar ee xan Roog a fi da ƥek a yiif den na adna, a andnoor a den ndigil ne.

Kolos 1:13

Ten o mat muclu a in no niɓaan o jegu doole le, a ɓek a in no Maat no Ƥeem onqe ta fexna,

A pi ake 20:21

Jasnooraam fo Yaawuur we fo we ndefeerna Yaawuur, xoy a den ndax da ndamoox na Roog, too a ngim no Yaal oxe Yeesu.

YEGIL MBAAX NE YEESU ne Lik a bindtuuna 15:7

Neene itam, mexe layan a nuun ee: Xan a jeg o ɗaay olaa moƴna o magin na asamaan yaam o paabakaad o leng kut oxaa fesna pakaad um a cinj ee o ɗaay ole no wiin qarɓeen ɓetuu nahuk fo wiin ɓetuu nahuk waa soxla’eerna o mbes pakaad den a cinj.»

YEGIL MBAAX NE YEESU ne Lik a bindtuuna 13:5

Ha’aa, mexe layan a nuun. Nu suptangee o ñoowooƭ, xan nu saŋkoox nuun fop nen a den.»

YEGIL MBAAX NE YEESU ne Lik a bindtuuna 9:2

A lula a den da mbaare’ik fa lay fee no Maat ne Roog, too a mbodand we njirna.

Mark 6:12

Daalbe we a ndeta, too a mbaare’aa wiin we da mbes pakaad den a cinj.

Mark 1:4

Saŋ a feeña kam a koƥ-a-ƥor alaa, a batiise’aa, too a waare’aa yee: «Mbesyo pakaad nuun a cinj, mbatiise’el, too xan Roog a waasan a nuun.»

Mace 5:10

We na ñagadileel yaam o cofel ole Roog a ƭaaya, yaam Maat ne na asamaan den a refanu!

Mace 5:3

«We ñakna halal yiif a ƭaaya, yaam Maat ne na asamaan den a refanu!

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Ke bindeena no xe ne’eena YOB 42:6

Ten taxu um naag ɓot no ke layuuma fop, ricooxaa tigi, moof no fo ut fo kam ndaw.

Mbeeñil 2:21

Ci’aanum maa ta fesitna pakaad um a cinj, ndaa bugee o fes a cinj ceeq ne ta fi’aa.

Mace 13:31

Yeesu a dakooxa o coox a den a naxax a lakas, a lay a den ee: «Maat ne na asamaan kaa nand fo o xonq seneew, too o kiin a jangin, a duufin kam o qol um.

Mace 13:11

Yeesu a doona a den ee: «Kaa nu ci’el o and kunpa ke no Maat ne na asamaan, ndaa den o mat ci’aand o ten.

Mace 6:33

Eetyo mbaaƭ Maat ne Roog fo ke ta bugna, too keene fop, xan nu ndoonanel o ten.

Mbeeñil 2:5

Wetandooxi boog me toloftoona! Fesi pakaad of a cinj, reefatin o jaf o eetaand of. O fi’angiran, xam yen took of, too xam in a pagal xa lampa ale wo na seek um. Xam fi’in, o fesangee pakaad of a cinj.

Hebre 6:1

Yaaga boog, fat i nqaƴ a cangin a koƭeer ale jaginna na fa lay fee Kiristaa. Kaam ee fat i suur na cangin ale maak we a ndaawaa, mbañ o ndalnahin a cangin ale na layaa kaa farna no fes a cinj a pi a qonu ke, soo ngimat na Roog.

A pi ake 26:20

Kaa koy, kaam eet o waare we ngenna Damaas fo we Yeerusaleem. Cinj kaaga, waare’aam we ngenna no jegel olaa Yudee fop fo we mbogna no qeet lakas ke. Xeɗaam a den da supit o ñoowooƭ, a nomtoox farna fa Roog, too a mbi’aa a pi akaa lalitna yee a suptooxa tigi.

Mace 22:2

«Maat ne na asamaan kaa nand fo o maad oxaa na roofandaa ngulook no ƥeem o ngoor,

Mace 25:1

«Yaaga koy, xan Maat ne na asamaan a nand fo roog xarɓaxay waa njangna xa lampa soo a nqetik fo o kor-no-kulook oxe.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Mace 20:1

«Maat ne na asamaan kaa nand fo o yaal mbind oxaa sutooxna ƥiiɓ teel, ndax ta waaƭ waa njalanuuna na ƭing biiñ um.

Mace 18:23

Ten taxu Maat ne na asamaan kaa nand fo o maad oxaa bugna laac dag um ke da saqanuuna.

Mace 11:20

Yeesu a refata no xasanaa teeru kaa maa ta moƴ’ina o lalit a pi katil um, yaam mbes’ee pakaad den a cinj. Kaa lay’u yee:

1 Maad we 8:47

kam saax le da ƥiseena took o hup doole, a nomtiidangaa a yiif den, a saktooxiid me wo, a nqeɗooxong ee: ‹I mbakaada, tooñong soo mbi kaa faaxeerna›,

YEGIL MBAAX NE YEESU ne Lik a bindtuuna 21:31

Neene itam, boo nu nga’na keene fop a xew, andyo yee Maat ne Roog a matiida.

YEGIL MBAAX NE YEESU ne Lik a bindtuuna 16:30

Maaga, a doona yee: ‹O taan es Abraham! Keene soom deyee! Kaa koy, boo o leng no xon we a retna maaga, xan a mbes pakaad den a cinj.›

Mace 25:14

«Xan a refahin nen o kiin oxaa andoona yee kaa ñaaƴkaa, soo a xoy faɗ um ndax ta doxin a den halal fee ten.

Mace 13:24

Yeesu a dakooxa o coox a den a naxax a lakas too a lay a den ee: «Maat ne na asamaan kaa nand fo o kiin oxaa duufna ax paax kam o qol um,

Mace 4:23

Yeesu a widooga Galile fop, too a jangnaa kam pind a qeƭ kaa den. A waare’ooga Yegil mbaax ne no Maat ne na asamaan. A wodandooga jir luu refna fo o ƭomel oluu dam’ina wiin waa.

YEGIL MBAAX NE YEESU ne Lik a bindtuuna 1:16

Xan a xuriid wiin mayu na xeet fee Isra’el maa no Yaal oxe Roog den.

Ke bindeena no xe ne’eena YOB 39:12

Ndax xan o ɗag no ten yaakaar of, ta ruuñiid saxade of? Foogaa moos ee xan o fokattiidin a kusax of no cukand ne?