Mace 3:16 - NQAARIIT NE ROOG

¹⁶ Yaa Yeesu a batiise’eena boo a ƴut, a sutooxa foofi laa. Asamaan fee a wetooxa too a ga’a Yiif le Roog a fudooxiidaa took um, a saxit nen a nuukuur.

Mace 3:16 Referans Kwoze

Esayi 11:2

Xan Yiif le no Yaal oxe a ref took um, a ref yiif o and fo yiif deyu, a ref yiif aa-as fo yiif jegu doole fo yiif andu o Yaal oxe too a saɗarin.

Mark 1:10

Ndak fo ndak, yaa Yeesu a sutooxaa foofi laa a ga’a asamaan fee a xaajoox. Yiif le Roog a fudooxiida took um, a saxit nen a nuukuur.

Esayi 42:1

«O tag es oxe um ci’aa a caf oxey. O ten jilum, too no ten o laaw es a felakinoortu. Kaam fudin Yiif es took um, ta ɓisiidaa qeet ke o cofel.

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

A pi ake 7:56

A laya yee: «Ga’aam asamaan fee a wetoox, soo o Ƥeenqe no kiin oxe a geenoox na ñamaak Roog.»

Heseki’el 1:1

No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.

YEGIL MBAAX NE YEESU ne Saŋ a bindtuuna 3:34

Oxe Roog a lulna, a ƭelem Roog a layaa, yaam Roog naagee o hendaƭooxaa yaa ta ci’taa Yiif le ten.

Esayi 59:21

O Yaal oxe kaa tee: «Keeke refu ngiɓoor ne dalnuuma fa den: Yiif es le fudooxna na wo fo fa lay es fee ɓekuuma no don of, suqitkiim a den no don of muk mbaat no don na xa ƥeef mbaat no don na xa taan of no ke xotitna ndiiki boo faw. Mi o mat layun.»

YEGIL MBAAX NE YEESU ne Saŋ a bindtuuna 1:51

Yeesu a doona taaga yee: «No ndigil, no ndigil, xan nu nga’ataa asamaan a wetoox, soo malaaka ke Roog a ŋaayaa, a mbudooxaa me o Ƥeenqe no kiin oxe a refna.»

A pi ake 1:22

no kaa xotitna yaa Saŋ a batiise’uuna boo a koom alaa ta yoɗteena a ndeer in, yaam a wara o jeg oxaa refna fa in nen o seede xaa na laytaa a qontax ale ten.»

1Saŋ 5:6

O ten o mat oo, Yeesu Kiristaa, ten reefu na foofi fo fo’oy, refee yee na foofi soom, ndaa na foofi fo fo’oy. Yiif le Roog refna ndigil a seede’anaan.