Mace 3:11 - NQAARIIT NE ROOG

¹¹ Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

Mace 3:11 Referans Kwoze

YEGIL MBAAX NE YEESU ne Lik a bindtuuna 3:16

Kaa koy, Saŋ a laya a den den fop ee: «Mi, mexe batiise’taa a nuun foofi, ndaa oxe na garaa moƴaxam o jeg doole, too fekit xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

Esayi 4:4

Yaa o Yaal oxe a fortitkaa Yiif o cofel fo fiɗel ndoƭ ke na xa ƥiy xa tew axe Siyoŋ, soo a ɓogditin a Yeerusaleem no fo’oy le ɓaxuna teen,

A pi ake 1:5

Mee ndax Saŋ, foofi a batiise’toogu, ndaa nuun koy, ndeer mene fo a pe a mayeer, xan nu mbatiise’tel Yiif Tedu le.»

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Tiit 3:5

a mucla a in, refee koy ee yaam i mbi a pi a cofu kaa njaruuna, ndaa kaa mucil a in na yirmande um na pexey a ƥogax ale no rimel o xas ole fo Yiif Tedu le, a fi’in ndax i njeg o ñoowooƭ o xas.

1 Korint 12:13

In fop, no Yiif leng kut le i mbatiise’e, ndax i mbog, ndefat njer leng kut na Kiristaa, ta ref o Yaawuur mbaat o tefee o Yaawuur, o paɗ mbaat jaambuur. In fop, no Yiif leng le i yerne.

Mace 3:6

Saŋ a batiise’ooga a den kam Yordaan, yaa da mbeejilna pakaad den boo a ƈut.

A pi ake 19:4

Pool a laya a den ee: «We njaɓ’ina o mbes pakaad den a cinj, Saŋ a batiise’oogu. Kaa layoogu xeet fee da ngim no xe na reefankan, ta ref Yeesu.»

YEGIL MBAAX NE YEESU ne Lik a bindtuuna 1:17

Xan a adooxiid o Yaal oxe, a saq yiif no tuleer le fa katil fee Eliya. Neene, xan a xuriid paap ke da njeg jam na xa ƥiy den. Xan a ɗox jofaƭaru we itam da njegat a qalaat a cofu. Neene, xan a fi’an o Yaal oxe xeet fa njagande.»

YEGIL MBAAX NE YEESU ne Saŋ a bindtuuna 1:30

Oxeene mat ne’oogum ye layuuma yee: ‹A jega oxaa na reefaniidaxam ndaa o ten hupaxam, yaam yaa ta refna yaaga rimafulaandeem.›

Mark 1:4

Saŋ a feeña kam a koƥ-a-ƥor alaa, a batiise’aa, too a waare’aa yee: «Mbesyo pakaad nuun a cinj, mbatiise’el, too xan Roog a waasan a nuun.»

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

Esayi 44:3

yaam xam balin poofi took no xe hoɗomeena soo fi a banj took lanq ke mbeerna koroŋ. Xam fudin Yiif es took xa ƥeef, fa barke es took xa taan of.

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

YEGIL MBAAX NE YEESU ne Saŋ a bindtuuna 1:15

Saŋ a seede’anaan a qool qac ee: «Oxeeke mat ne’oogum ye layuuma yee: ‹Oxe na reefaniidaxam hupaxam yaam yaa ta refna yaaga rimafulaandeem.› »

YEGIL MBAAX NE YEESU ne Lik a bindtuuna 3:3

Saŋ kaa retoogu no caate kaa mbidna o xuluɓ ole Yordaan fop, a waare’aa. Kaa layoogu yee: «Mbesyo pakaad nuun a cinj, mbatiise’el, too xan Roog a waasan a nuun.»

A pi ake 8:36

Ye da maadna o ndetaa koy, a ndaawa o mbiñ onqaa jegna foofi, too jawdiin faa a layaan ee: «Mee ndax keeke foofi yoo, xar yaqanu o batiise’aam?» [

A pi ake 8:38

A cinj kaaga, a geenna a sareet ale. Filip fa jawdiin faa a mbudooxa kam foofi le den ɗik fop, too Filip a batiise’aan.