Mace 3:10 - NQAARIIT NE ROOG

¹⁰ Ndiiki, ɓaax le a sipe na puƭ ake no taxar ke. Ndaxar nuu rimkeerna xa tim xa paax, xan a godel, a deɓel kam fiɗel laa.

Mace 3:10 Referans Kwoze

YEGIL MBAAX NE YEESU ne Saŋ a bindtuuna 15:6

Oxuu saxeerna na mi, xan a deɓel tafil nen o par o ɗege, too xan a weer. A weerangaa koy, xan a deɓel na fiɗel, a doxik.

YEGIL MBAAX NE YEESU ne Lik a bindtuuna 3:9

Ndiiki, ɓaax le a sipe na puƭ ake no taxar ke. Ndaxar nuu rimkeerna xa tim xa paax xan a godel, a deɓel kam fiɗel laa.»

Mace 7:19

Ndaxar nuu rimkeerna xa tim xa paax, xan a godel, a deɓel kam fiɗel laa.

YEGIL MBAAX NE YEESU ne Saŋ a bindtuuna 15:2

O par oluu saxna na mi, soo a fañ o rim, xan a ɗegin. Oluu na rimaa teen koy, xan a calasin, ndax ta moƴ o rim.

Yeremi 17:8

Kaa nand nen ndaxar njimbe paam poofi, a joobnaa a paƴ um farna fo a ƈufnand ale. Saɗaree yaa a sumaan ale a garna, soo saqit um a gen no neepaa. No hiid o feñ sax naagee jaaxɗaa, too kaa gen no rimaa.

Hebre 6:8

Kaa koy, boo da saxna kiƈ fo qooc, njegkee o njiriiñ o leng. Xan Roog a saloox lanq keene, too mujum-mujum kaa ndoxkeel.

Mace 21:19

A ƴooka ndun paam a ƭat ale, a matiidin, ndaa soƥee taaga o jala leng a refangee a naf a ƥor, too a layaan ee: «Yaasam baa o rim o leng sax a feeñat took of boo faw!» Ndak fo ndak, ndun naa a naaga ŋayam a weer.

A kim a tedu ke 1:3

Oxeene kiin kaa ref nen ndaxar njimbe paam o ƈufnand foofi, a rimaa na waxtu um, a gen no neepaa kili. No kuu ta rokna rek, xan a ñaaƴ.

YEGIL MBAAX NE YEESU ne Lik a bindtuuna 23:31

Yaam kene a fi’ange ndaxar ñoow, xar beeru ne a cungtateel?»

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.

2 Sami’el 23:7

ndaa o lokir njelem mbaat a caangir soom a nduqteel soo a ndoxel fop ndak fo ndak.

A kim a tedu ke 92:12

Kaam fuudaa fañ es we maafeena, nof es a nanaa xa paɗax no soxodu we songiid’axama.

A kim a tedu ke 140:10

Fat njofaƭar ne we mbidaxama a layaa a sagoox a den.

Dañel 4:14

Malaaka tedu ke ndalnu keene, ndax fop we na ñoowaa a and ee Roog fee Took-ee-took kelfa’u maat ke no wiin we, a ci’an oxuu feluuna too a waaga coox maat oxe moƴna hees no wiin we sax.›