Mace 3:1 - NQAARIIT NE ROOG

¹ Na jamaane faaga, Saŋ o Paabatiise xe a feeña, soo a waare’aa kam a koƥ-a-ƥor alaa Yudee.

Mace 3:1 Referans Kwoze

YEGIL MBAAX NE YEESU ne Lik a bindtuuna 1:76

Wo o mat o ƥees, xan o xoyeel o tuleer no xe Took-ee-took. Xan o ñaaƴaa mbaambir no Yaal oxe, ndax o jagandanin a ƭat um.

Mace 11:11

No ndigil, mexe layaa a nuun ee: No we rew a ndimna fop, feeñee o leng oxaa hupna a Saŋ o Paabatiise xe, too yaaga fop koy, oxe moƴna o neew no Maat ne na asamaan hupun.

Mark 1:15

Kaa layoogu yee: «Waxtu fee a fada, too Maat ne Roog a matiida. Mbesyo pakaad nuun a cinj, too njaɓ Yegil mbaax ne.»

Mace 16:14

A ndoonaan ee: «Leng we kaa layaa yee Saŋ o Paabatiise xe, lakas we a layaa yee Eliya. A jega itam lakas waa na layaa yee Yeremi mbaat o lakas no duleer we.»

A pi ake 1:22

no kaa xotitna yaa Saŋ a batiise’uuna boo a koom alaa ta yoɗteena a ndeer in, yaam a wara o jeg oxaa refna fa in nen o seede xaa na laytaa a qontax ale ten.»

YEGIL MBAAX NE YEESU ne Lik a bindtuuna 7:24

Yaa waa Saŋ a lul’ina a nqaadataa, Yeesu a refa no layaa wiin mayu waa no kaa farna na Saŋ ee: «Xar nu ƭeetik’u na koƥ-a-ƥor alaa? Ndax o siind olaa nqeñ ne a yo’naa nu ƭeetik’u?

Mace 11:7

Yaa da nqaadatna, Yeesu a laya wiin mayu waa no kaa farna na Saŋ o Paabatiise xe yee: «Xar nu ƭeetik’u na koƥ-a-ƥor alaa? Ndax o siind olaa nqeñ ne a yo’naa nu ƭeetik’u?

Mace 3:8

Saqyo boog a pi akaa lalitna yee nu mbesa pakaad nuun a cinj.

Mace 21:32

Yaam Saŋ o Paabatiise xe a gara me nuun, a lal a nuun a ƭat ale no cofel ole, ndaa nu ngimee fa lay um. We na ndabdinooxaa juuti fo we na seeqaa a ngima no ten. Ke nu nga’na keene fop oo, taxee nu ndicoox too ngim.»

Haahate we 1:16

Keekeni we ndefna xa taan no seemir Moyiis a inoora na Teeru fee no keec ke a yoon fo xa taan axe Yudaa boo na koƥ-a-ƥor alaa Yudaa no ɓemb-roog o ñamaak ole Araad, soo a ngenik a ndeer no Aa-amalek waa.

Yosuwe 14:10

Me ta refna koy, o Yaal oxe a ci’axam um maad o ñoowaa ne ta regtit’uuna. Yaa o Yaal oxe a layna keene fa Moyiis, a gar fa xaye, a fi’a xa kiid qarɓeen nahik fo xa kiid xa ƥetaq no camaane kaa Ii-isra’el we a nqaañiidna a koƥ-a-ƥor alaa. Ndiiki koy, jegaam xa kiid qarɓeen ɓetuu tadik fo xa kiid xa ƥetaq.

1 Maad we 2:34

Benaya fee o ƥiy Yehoyada a dalfooxa o nomtoox maa Yowab, a warin. Cinj kaaga, a gase no mbind um ne reeƭna kam a koƥ-a-ƥor alaa.

Mark 1:2

Neene ke bind’eena no safe le no tuleer Esayi a fadnoortu, ye ta layna yee: «Mexe heblaa o tuleer es ta adooxong, a jagandanong a ƭat.