Mace 27:1 - NQAARIIT NE ROOG

¹ No nqes naa, yaa mbeet naa a xoolaa, saasadax maak waa fo maak waa na xeet faa fop a mbokatoora, ndax da mbar a Yeesu.

Mace 27:1 Referans Kwoze

Mark 15:1

No nqes naa, yaa mbeet naa a xoolaa, saasadax maak waa a mbokatoora fo maak waa fo jaajangin waa no kebil ke fo Mal maak ne fop, ndax da ƭaap pexey den. Yaa da ngumna a Yeesu boo a ƈut, a ƥisaan, soo a ƥoxotin a Pilaat.

YEGIL MBAAX NE YEESU ne Saŋ a bindtuuna 18:28

A inoorta maa Kayif fa Yeesu, soo a ndet no xeloorand olaa, refna ref me gofornoor fee a genoogna. Mbeet naa a xoola, too den Yaawuur we koy mbad’ee kam faa, yaam a mbañaa soɓe a daawit a den no xeloorand olaa, a yaqan a den da ñaam njaw ne na bes fee na Colandax ale.

YEGIL MBAAX NE YEESU ne Lik a bindtuuna 22:66

Yaa mbeet naa a xoolna, maak waa na xeet faa fo saasadax maak waa fo jaajangin waa no kebil kaa a mbokatoora, a ƥis a Yeesu mbaambir Mal maak ne den,

Mise 2:1

Sabab took no we na yuuɓaa paaxeer, a ƭaapaa njofaƭar, yaa da mbondooxna o yeng sax! Njeeƈ ne xaa wataa, da mbadnin, yaam a mbaagin.

A kim a tedu ke 2:2

Kaam ee xar taxu maad we na adna fee a mbapoox, kelfa ke a ngukranaa o Yaal oxe fo xe ta ɗuumna?

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

A pi ake 5:21

Apootar waa a nanana, too nqes teelu, a ndeta no Mbind Roog naa, a njangnaa maaga. O saasadax o maak oxaa fo we yoon’ina fo ten a nqoyna maak waa na xeet fee Isra’el fop, ndax da mbokat Mal maak ne. Cinj kaaga, a lulta apootar waa na kaso faa.

1 Sami’el 19:11

Sawul a lula wiin da yetook mbind Dawid, ndax da mbarin, yaa roog a feedna. Mikal fee o tew Dawid a ñu’aan ee: «O ƴufangee daɗ kam o yeng olene, roog feedkirang.»

Haahate we 16:2

Wiin we na teeru fee a yegne yee: «Samson a fadiida mene.» A ndeeraan soo a ƥengin o yeng ole fop no ndokand ne na teeru fee. A yaadoox’ata o yeng ole fop, a layaa yee: «Roog oxaa feedaa, i mbarin.»

A kim a tedu ke 31:13

Kaam weecel nen o qon, nen o ƥaxañ o yaqooxatin.

A kim a tedu ke 71:10

Fañ es mi a laytataa, we na ƥeedaxam, ndax da njang o ñis es, a nga’raa.

YEGIL MBAAX NE YEESU ne Lik a bindtuuna 13:1

Na waxtu faaga sax, wiin leng-leng no waa ndeeƭna maaga a ngara maa Yeesu. A mbetandooxaan kaa farna no ke dal’ina Gaagalile waa Pilaat a warin’ina, yaa da ƥoxotaa a Roog sadax, a fokat fo’oy den fo fo’oy le na sadax fee.