Mace 26:21 - NQAARIIT NE ROOG

²¹ Yaa da ñaamaa, Yeesu a laya yee: «No ndigil, mexe layaa a nuun ee: Xan o leng na nuun a ɓoxotaam.»

Mace 26:21 Referans Kwoze

YEGIL MBAAX NE YEESU ne Saŋ a bindtuuna 13:21

Yaa Yeesu a layna naaga boo a ƴut, o njaaxɗand o maak a rokaan, boo ta lay a qool qac ee: «No ndigil, no ndigil, mexe layaa a nuun ee: Xan o leng na nuun a ɓoxotaam.»

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

Mace 26:2

«Nu anda yee Xew fee na colandax ale ñaal ƭik soom yoqu ta fadiid, too teen o Ƥeenqe no kiin oxe a ɓoxotitkeel soo a rengel na kurwaa.»

Mace 26:22

Daalbe we a naqadiloox’a lool, too oxuu refna na den a laamtoogaan ee: «O Yaal oxe, mbaar refee mi?»

YEGIL MBAAX NE YEESU ne Saŋ a bindtuuna 13:18

Refee koy ee nuun fop taxu um layaa, andaam we jiluuma. Kaa koy, kaa a Pind a Tedu ke a mbar o mbadnoox: ‹Oxe fogtooguuma o roon, a falaxam.›

YEGIL MBAAX NE YEESU ne Saŋ a bindtuuna 13:22

Daalbe we a ƭeetra, o leng andee oxe ta ne’aa.