Mace 26:11 - NQAARIIT NE ROOG

¹¹ Rool we owe fa nuun bes fuu refna, ndaa mi, refkiim fa nuun boo faw.

Mace 26:11 Referans Kwoze

A cangatin ale 15:11

Rool ñakkee kam saax le nuun. Ten taxu um hebil a nuun, nu letnan xa ƥay nuun fog nuun toroxu weene ndoolna.»

Mark 14:7

Rool we, owe fa nuun bes fuu refna, too nu mbaaga mbi’an a den paax a mbanuu nu mbugna, ndaa mi, refkiim a ndeer nuun boo faw.

YEGIL MBAAX NE YEESU ne Saŋ a bindtuuna 12:8

Rool we owe fa nuun bes fuu refna, ndaa mi o mat, refkiim fa nuun boo faw.»

YEGIL MBAAX NE YEESU ne Saŋ a bindtuuna 16:28

Kaam inoor na Faap fee, gar na adna, ndiiki, um nar o sutoox na adna fee, ret maa na Faap faa.»

YEGIL MBAAX NE YEESU ne Saŋ a bindtuuna 16:5

Ndiiki koy, mexe waajaa o nomtoox maa no xe luliidaxama, too o leng na nuun laamtiraam me um jofaa.

YEGIL MBAAX NE YEESU ne Saŋ a bindtuuna 14:19

Miñkatee dara, adna fee nga’katiraam, ndaa nuun, xan nu nga’aam, yaam mexe ñoowaa, too nuun itam xan nu ñoow.

YEGIL MBAAX NE YEESU ne Saŋ a bindtuuna 13:33

Nuun we xa teɓandoong es, miñkatiim dara fa nuun. Xan nu mbaaƭaam, too ne laytanuuma Yaawuur we, mexe layaa a nuun itam ee: Nu mbaagkee o ndet me um jofaa.

A pi ake 3:21

Ndiiki koy, Yeesu a wara o moof na asamaan boo na jamaane faa Roog a xembandatinkaa fop, ne ta layit’uuna yaaga, a reefandin no duleer tedu we ten.

YEGIL MBAAX NE YEESU ne Saŋ a bindtuuna 17:11

Refatiim na adna fee, too den o mat, owe na adna fee. Ndiiki mexe garaa na wo. Faap fa Tedaan fee, koo xoxtiti a den doole fee no gon of, gon leene ci’axamoona, ndax da mbokatoor, a ndef o leng nen a in.

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Mace 18:20

Muu ɗik mbaat daduk a mbokatoorna no gon es, mexey a ndeer den.»

1Saŋ 3:17

O kiin a jegangaa kalal adna, too a ga o pog um a ref na soxla, soo ta ɓalgin laaw um, nam o mbeq onqe Roog a gentu no ten?

Galati 2:10

A maƭooxa a in sax ee i mbara o mbetandoox rool we, too kaaga o mat, topatoox’aanum yaaga.

Mace 26:10

Yeesu a yegaan, soo a lay a den ee: «Xar taxu nu njom’andaa o tew oxene? Tig paax a fi’anaxam.