Mace 24:2 - NQAARIIT NE ROOG

² Maaga, Yeesu a laya a den ee: «Nu nga’a nga keene fop de? No ndigil, mexe layaa a nuun ee: Yoqkee muul leng took muul gend um laa yenkeerna.»

Mace 24:2 Referans Kwoze

YEGIL MBAAX NE YEESU ne Lik a bindtuuna 19:44

Xan a ngefong tuƈ, a saŋik we ngenna me wo, too nqaƴkee na wo muul leng took gend um, yaam andiro waxtu fee xalatooxiidee’oona.»

Yeremi 26:18

«Mise fee genna Moreset a yegnit’a padafuleer na jamaane Hiskiya fee o maad Yudaa too a layooga xeet fee Yudaa fop ee: ‹Keeke o Yaal oxe Hupna fop a layu: Siyoŋ xan a guurel a refat o qol, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.›

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

2 Piyeer 3:11

Feek keene fop xan a yaqtel neene, a pesoorooƭ nuun fo o reef a Roog nuun boog a mbara o ted.

Mbeeñil 21:22

Ga’iim Mbind Roog leng kam teeru fee, yaam o Yaal oxe Roog fa njegu katil fee refu Mbind Roog um, ten fo o Mbaal onqe.