Mace 23:3 - NQAARIIT NE ROOG

³ Mbi’yo too ngay ke da layaa a nuun, ndaa ba nu mbi ke da mbi’aa, yaam kaa layaa too mbi’kee.

Mace 23:3 Referans Kwoze

2 Timote 3:5

Xan a ne’ooxaa reereef a ƭat Roog, ndaa njaɓkee ke refna doole o reef a Roog. Yufi wiin nandu naaga!

Tiit 1:16

Kaa ne’ooxaa andu a Roog, too yaaga fop oo a pi den a ñufaa gon Roog. Wiin faaxaƭaru a ndefu, a nanaƭar, a pi a paax a xox a den sup.

A pi ake 5:29

Piyeer fo apootar waa a ndoona a den ee: «Ndax Roog i mbaru o nanan ndi wiin we?

O leetar ole Pool a bindna GIMU WE NGENNA ROM 13:1

Fat oxuu refna a nanan we na maadooxaa no saax le, yaam jegee maat naa inooreerna na Roog. Maat ke ndalneena fop, na Roog a inooru.

Mace 21:30

A laya o ƥiy o lakas onqe leng kut ke. Ten o mat, a doonaan ee: ‹Iyo faap, xam ret›, ndaa retee.

2 Caloori ke 30:12

O Yaal oxe a duqa a qeeñ ake na xeet fee kam Yudaa itam soo da njaɓ ke o maad oxe fo kelfa ke a ngeblitna too ta inoor no Yaal oxe.

A cangatin ale 5:27

Wo na matikkaa boog, o nan-giloox ke o Yaal oxe Roog in a laykaa, cinj kaaga o daawin a in fop ke ta laykang. Maaga, xan i nan-gilooxin soo mbi’in.›

A cangatin ale 4:5

Nga’angyo, mexe jangnaa a nuun bargal fo kebil, ne o Yaal oxe Roog es a heblitaxama o ten, ndax nu ndeef a den a paax kam saax le nu ndokkaa, njegkin.

A sutax ale 18:23

O fi’angaa keene, too Roog a heblong o ten, lorooxkiro. Neene, xan fop a njofoor, a nqaad na jam.»

Mace 23:2

«Jaajangin we no kebil ke fo Farisiya we a moofa no gamb le Moyiis.

Mace 23:4

Kaa ngumaa toq meɗu kaa ƭomeena ndoxondoox, a mbug wiin we a ngadoox a den, too den fa qoox den mbugee nqol den a duq teen.