Kaa koy, Herood a doona yee: «Ɗegnooraam xoox le Saŋ. Yaaga boog, an refu o kiin oxe nanuuma ta fi’aa keene?» Maaga, a waaƭooga maa ta ga’itna a Yeesu.
Yaa jaajangin we no kebil ke Moyiis fo Farisiya we a nanna fa lay faaga, a laya na yiif den ee: «An oo xene na wenaa a Roog? An waagu o waasanit pakaad a refangee Roog?»
Ndi an oo o ñaañaaƴ oxeene na inoortiidaa Edoom, a sutoortiidaa Bosra refna teeru fa maak fee, toki ke a yaxig coy? Kaa rokoox sabadoor um, a ñaaƴaa o cok um took soo a hooloox doole um. «Mi fee na layaa cofu yoo soo jeg sañ-sañ o mucil.»
Sami’el a fi’a ke o Yaal oxe a lay’uuna. Ye ta rokaa Betleheem, maak waa na teeru faa a nqetooxiidaan, a sendaa soo a laamtin ee: «Mbaar a kar ale wo mene jam soom oo?»
Wiin mayu we adoox’ina a Yeesu fo we ndeefan’uuna kaa mbalalooxoogu yee: «Hoosiyana, o Ndaan Dawid! Oxe na garaa no gon le no Yaal oxe a hela simatel. Hoosiyana took-ee-took asamaan!»