Mace 2:4 - NQAARIIT NE ROOG

⁴ A fokata saasadax maak waa fo jaajangin waa no kebil kaa Moyiis ndeeƭna kam xeet faa fop too a laamit a den ee: «Mam o Muumucil oxe regteena a ware o rimit?»

Mace 2:4 Referans Kwoze

A pi ake 23:9

Coow maak a jeg’a, too leng-leng no jaajangin waa no kebil kaa mbog’ina no Farisiya we a inooxa. Kaa mbuuqoogu yee: «I nga’ee pariƴ leng no kiin oxene, xeƈa a waaga o ref ee yiif faax mbaat malaaka layu fo ten.»

A pi ake 6:12

Keene a taxa boo xeet faa fo maak waa fo jaajangin waa no kebil kaa Moyiis a mbuuxan a Eceen. A yena took um, a ndamin, too a ƥisin no Mal maak naa.

Mace 21:23

Yeesu a roka no Mbind Roog naa. Yaa ta jangnaa, saasadax maak waa fo maak waa na xeet faa a ngara, a laamtin ee: «Sañ-sañ fum o fi’taa kene? An ci’ong sañ-sañ fene?»

Mace 7:29

Kaa jangnitoogu nen oxaa jegna sañ-sañ, too refee nen jaajangin we no kebil ke Moyiis.

A pi ake 4:5

No feet olaa, kelfa ke no Yaawuur we fo maak we fo jaajangin we no kebil ke a mbokatoora Yeerusaleem.

YEGIL MBAAX NE YEESU ne Saŋ a bindtuuna 18:3

Yudaa a inooxa, a yoon fo alkaati ke saasadax maak we fo Farisiya we a ngebil’ina. A saq’a xa cam fo xa lampa fo ƥonax.

YEGIL MBAAX NE YEESU ne Saŋ a bindtuuna 8:3

Jaajangin we no kebil ke Moyiis fo Farisiya we a ƥisiida o tew oxaa beteena fo xaa refeerna o kor um.

YEGIL MBAAX NE YEESU ne Saŋ a bindtuuna 7:32

Kaa wiin waa a layoogna na Yeesu a naaga xot no nof no Farisiya waa. A ndalfooxa o nga’ir fo saasadax maak waa, soo a lul alkaati, ndax da ndet a ndam a Yeesu.

YEGIL MBAAX NE YEESU ne Saŋ a bindtuuna 3:10

Yeesu a doonaan ee: «Coo, o ref o caajangin o maak oxe Isra’el, too andiro keene!

YEGIL MBAAX NE YEESU ne Lik a bindtuuna 23:10

Saasadax maak waa fo jaajangin maak waa no kebil kaa Moyiis a ndeeƭa maaga, too kaa moƴ’un o njambaa rek.

YEGIL MBAAX NE YEESU ne Lik a bindtuuna 20:19

Jaajangin waa no kebil ke Moyiis fo saasadax maak waa a and’a a paax ee den taxu Yeesu a laytaa a naxax alaaga. Ten taxu kaa mbaaƭoogu maa da ndoonitna a Yeesu o ɓay na waxtu faaga sax sax ta layoogna, ndaa kaa saɗar’u xeet faa.

Yeremi 8:8

«Nam nu mbaagu o layit ee: ‹Yaal-o-and i ndefu, kebil ke no Yaal oxe key fa in›? Yaam no ndigil, a pindir ale no jaajangin we no kebil ke a naɗa kebil ke no Yaal oxe.

Mark 8:31

Maaga, Yeesu a fertu o jangnaa daalbe we ten ee: «O Ƥeenqe no kiin oxe a wara o ñagadilel. Xan maak we fo saasadax maak we fo jaajangin we no kebil ke Moyiis a mbañin. Xan a warel, ndaa cinj ñaal tadik xan a xontoox.»

Mace 27:1

No nqes naa, yaa mbeet naa a xoolaa, saasadax maak waa fo maak waa na xeet faa fop a mbokatoora, ndax da mbar a Yeesu.

Mace 26:47

Yaa Yeesu a maadna o layaa, Yudaa fee reeƭna o leng no xarɓaxay fo ɗik waa a fadiida, a yoon fo faan maak laa saqna laƥ fo xa ƭong. Saasadax maak we fo maak we na xeet fee ngebil’u a den.

Mace 26:3

Saasadax maak we fo maak we fop a mbokatoora no mbind ne no saasadax o maak oxaa ne’eena Kayif.

Mace 21:15

Saasadax maak waa fo jaajangin waa no kebil kaa Moyiis a mbuux’a lool, yaa da nga’na comlaand kaa ta fi’na fo xa teɓandoong axe mbuuqoogna kam Mbind Roog naa yee: «Hoosiyana, o Ndaan Dawid!»

Mace 13:52

A dakooxa o lay a den ee: «Ten taxu boog, o caajangin no kebil ke Moyiis, a refangaa o taalbe no Maat ne na asamaan, kaa nand fo o yaal mbind oxaa na suttaa no ngeekand um qas fo kiid.»

Malaki 2:7

Ke o saasadax oxe a cungteel refu ta andnoor wiin we a Roog, too no don um a cangin ale a waru o sutooraa, yaam kaa ref o tuleer no Yaal oxe Hupna fop.

A kim a tedu ke 2:2

Kaam ee xar taxu maad we na adna fee a mbapoox, kelfa ke a ngukranaa o Yaal oxe fo xe ta ɗuumna?

Nehemi 12:7

Salu, Amok, Hilkiya fa Yedaya. Weene ndeeƭu kelfa ke no saasadax we fo fog den, na jamaane Yesuwa.

Esdaraas 10:5

Maaga, Esdaraas a inooxa, a daaɓooxnoor aa-adax we no saasadax we, we no Leelewi we fo we na xeet fee fop ee xan a mbi ke layeena, too a ndaaɓooxaan.

Esdaraas 7:6

Esdaraas feene a inoortiida Babilon. Kaa reeƭu o piibind oxaa andna a paax kebil ke Moyiis o Yaal oxe Roog fee Isra’el a cooxit’ina. O maad oxe a ci’ooga a Esdaraas fop ke ta xeɗoogna, yaam o Yaal oxe Roog um a reeƭa fo ten.

2 Caloori ke 36:14

Aa-adax we no saasadax we fop fa xeet faa kaa moƴ’u o ngore’aƭaraa, a ndeefaa a pi a cednooxu ke no qeet lakas ke. A nqoolaƭaranda Mbind ne no Yaal oxe kam Yeerusaleem ta tedland’ina.

2 Caloori ke 34:15

Maaga, Hilkiya a kafa fa lay faa, a lay a Safan fee o piibind oxe yee: «Ga’aam safe le no kebil ke kam Mbind ne no Yaal oxe.» Cinj kaaga, a cooxaan o ten.

2 Caloori ke 34:13

too den yetooxoogu rooroxondax we, a ngadoox fop we njaloogna. A jeg’a itam Leelewi lakas: Biibind we, we saq’ina a ñaaƈnooƭ ale fo yeeyetax we na xa ton-maax axe.

Mace 2:3

Yaa o maad Herood a nanna kaaga, a jaaxiɗ’a lool too Yeerusaleem fop itam a njaaxiɗ’a nen o ten.

Mace 2:5

A ndoonaan ee: «Betleheem no jegel olaa Yudee, yaam kene o tuleer oxe a bind’u: