Mace 2:3 - NQAARIIT NE ROOG

³ Yaa o maad Herood a nanna kaaga, a jaaxiɗ’a lool too Yeerusaleem fop itam a njaaxiɗ’a nen o ten.

Mace 2:3 Referans Kwoze

Mace 23:37

«Yeerusaleem, Yeerusaleem, wo fee na saŋkaa duleer we, wartaa a kac we luliideena me wo, a caf a mayu bug’aam o fokat xa ƥeef ne a cek a fokatta xa ñeek um yoora a nafir um, too nu mbañ!

Mace 8:29

A laya a maak ee: «Wo fee refna o Ƥeenqe Roog, xar bugo fi a in? Ndax kaa o xijliid a in boo waxtu fee a helko fo fadaa?»

A pi ake 4:2

Sawar’ee tus yaam ne Piyeeriin a njangnoogna xeet fee, a yegnitaa yee a qontax ale Yeesu xan a tax xon we a nqontoox.

Mace 2:2

«Taa o maad oxe no Yaawuur we sogeena o rim? Kaa i nga o xoor um no batand boo ten taxu i ngar ndax i mbaɗooxin.»

Mace 2:4

A fokata saasadax maak waa fo jaajangin waa no kebil kaa Moyiis ndeeƭna kam xeet faa fop too a laamit a den ee: «Mam o Muumucil oxe regteena a ware o rimit?»

Mace 24:6

Boo nu nanna coow xire, nan wiin we a laytaa kaa farna na xire, ba nu njaaxiɗ, yaam keene a wara o xew, ndaa refkafulee muukandoong ne.

Mark 13:7

Boo nu nanna coow xire, nan wiin we a laytaa kaa farna na xire, ba nu njaaxiɗ, yaam keene a wara o xew, ndaa refkafulee muukandoong ne.

2 Maad we 6:11

O maad oxe Araam a jaaxiɗ’a lool no kaaga. A xoya aa-adax we, a lay a den ee: «Layangaamoo a karaɓaane fee kam in farna fo o maad oxe Isra’el!»