Mace 2:2 - NQAARIIT NE ROOG

² «Taa o maad oxe no Yaawuur we sogeena o rim? Kaa i nga o xoor um no batand boo ten taxu i ngar ndax i mbaɗooxin.»

Mace 2:2 Referans Kwoze

A lim ale 24:17

Kaam ga’an, ndaa refee ndiiki. Kaam ɗeetan, ndaa matee. O xoor oley a feeñtiidaa ndeer xa taan axe Yakoob, kaam ee o samb oley a sutoortiidaa ndeer xeet fee Isra’el. A fada Moomowaab we no xoox, soo xa taan axe Set fop, ta maaf a den.

Yeremi 23:5

O Yaal oxe kaa tee: «Nga’yo, ñaal key a ngaraa, kaa um sutitkaa no kurcala le Dawid dugatin jofu. Xan a maadoox fo o xool yiif, a ñaaƴnaa a ƭat fo o cofel kam saax le.

Mbeeñil 22:16

«Mi Yeesu, mi lulu malaaka es, ndax ta yegin a nuun keene fop kam pokatax ke no gimu we. O ndaan Dawid refum fo o xoor o maak ole ne’eena o Mbuŋa.»

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

Esayi 60:3

Qeet ke fop na qoolaand of a njaginkaa, soo maad we a nqot no meleƈ le na yoɗoortaa na wo.

YEGIL MBAAX NE YEESU ne Saŋ a bindtuuna 18:37

Pilaat a layaan ee: «O maad refo boog?» Yeesu a doona yee: «Ne’aano boo ƴut, o maad refum tigi. Kaam rimel, gar na adna fee, ndax um seede’anaa ndigil ne. Oxuu fogna no ndigil ne kaa nan-gilooxaa o ñuxur es.»

Hebre 1:6

Kaa koy, na waxtu fee ta luliidna a Taaw um kam adna fee, Roog a laya yee: «Malaaka ke Roog fop a mbaraan o mbaɗoox.»

YEGIL MBAAX NE YEESU ne Lik a bindtuuna 23:38

Keeke bind’e took a kurwaa le, a yoorooxin: «Oxene refu o maad oxe no Yaawuur we.»

YEGIL MBAAX NE YEESU ne Lik a bindtuuna 23:3

Pilaat a laamtaan ee: «Wo refu o maad oxe no Yaawuur we?» Yeesu a doonaan ee: «Wo ne’un!»

A kim a tedu ke 2:6

«Mi dalnu o maad es took Siyoŋ fee o joong o tedu le mi.»

YEGIL MBAAX NE YEESU ne Saŋ a bindtuuna 5:23

ndax fop a niwit o Ƥeenqe ne da niwitna a Faap fee. Oxe niweerna o Ƥeenqe, niwee a Faap fee luliiduuna.

YEGIL MBAAX NE YEESU ne Saŋ a bindtuuna 1:49

Natana’el a doonaan ee: «O Caajangin oxe! Wo o mat refu o Ƥeenqe Roog, ref o maad Isra’el.»

YEGIL MBAAX NE YEESU ne Lik a bindtuuna 19:38

Kaa layoogu yee: «O Maad oxe na garaa no gon le no Yaal oxe a hela simatel! Jam took asamaan fo o ndam took-ee-took!»

YEGIL MBAAX NE YEESU ne Lik a bindtuuna 2:11

Kam o yeng olene, na teeru faa Dawid, nu ndimane o Muumucil. Ten refu Kiristaa, o Yaal oxe.

Yeremi 30:9

Xan Ii-isra’el we a ndagoox o Yaal oxe Roog den fa Dawid fee um dalnatinankaa a den nen o maad.»

A kim a tedu ke 45:11

Ndoog, rungi nof of, ɗeet too nan-giloox a paax. Weecti xeet of fo mbind faap of.

YEGIL MBAAX NE YEESU ne Saŋ a bindtuuna 9:38

O qoyaa a laya yee: «O Yaal oxe, gimaam», too naaga a faɗooxaan.

YEGIL MBAAX NE YEESU ne Saŋ a bindtuuna 19:19

Ndax ta lalit ke taxna ta rengel, Pilaat a dalfooxa o bindin ee: «Yeesu o Naanasaret oxe, o maad oxe no Yaawuur we», soo ta daaƴel took a kurwaa le.

YEGIL MBAAX NE YEESU ne Saŋ a bindtuuna 12:13

a njanga a naaq keec, a mbod mbaambir um a simatan too a layaa yee: «Hoosiyana! Oxe na garaa no gon le no Yaal oxe a hela simatel, ten fee o Maad Isra’el!»

Mace 27:11

Yaa Yeesu a ɓisiideena mbaambir gofornoor faa, oxeene a laamtaan ee: «Wo refu o maad oxe no Yaawuur we?» Yeesu a doonaan ee: «Wo ne’un!»

YEGIL MBAAX NE YEESU ne Saŋ a bindtuuna 20:28

Tomaa a doonaan ee: «O Yaal es, Roog es!»

Mace 21:5

«Layyo a Siyoŋ, o ndoog onqe yee: O maad of oxey a garaa me wo, kaa ɓuuɓ, too took o faam a ŋaayu, took o mol, o ƥiy no faam o jalir.»

Mace 2:3

Yaa o maad Herood a nanna kaaga, a jaaxiɗ’a lool too Yeerusaleem fop itam a njaaxiɗ’a nen o ten.