Mace 2:16 - NQAARIIT NE ROOG

¹⁶ Yaa Herood a andna yee yaal-o-and waa kaa nax’un, a fuuxa fuux ɗomu. A lula wiin Betleheem fo no caate kaa mbiduuna fop, ndax da mbarik xa teɓandoong xa koor axe njeg’ina xa kiid xa ƭaq mbaat kaa moƴna o neew, a reefandin na waxtu faa yaal-o-and waa a lay’uuna.

Mace 2:16 Referans Kwoze

Esayi 59:7

O fi paaxeer doŋ a ƈufanaa, a ñofandooxanaa o mbar o cofu xe. Yuuɓee dara a refangeerna o mbi lakas we paaxeer. Muu da ndeefna, a mbaas maaga yaqe fo boom.

Xa peƭit axe 28:15

O soxodu xaa na maadooxaa took xeet fa neewu doole kaa nand nen njogoy naa na bumbaa mbaat nen ursu naa xeexeena.

Mbeeñil 17:6

Ga’aam ee o tew oxe kaa way’u na fo’oy le no we mbogna na Roog fo na fo’oy le no we seede’anoogna a Yeesu. Kaaga a bet’axam lool ye ga’anuuma.

Hoose 10:14

Ten taxu xan combol a jeg a ndeer xeet nuun, soo saŋe ke nuun fop a yaqel, ne Salmaan a gefit’ina a Bet-Arbel a koom alaa fa xire fee, maa yaay a duguñit’eena fo xa ƥeem.

Dañel 3:13

Maaga, Nebukadnesaar a fuuxa boo a buɓaa too a simta o ɓisaniidel a Sadrak fa Mesak fa Abed-Nego. Yaa da ngarna,

Esayi 26:21

yaam o Yaal oxe xey a sutooriidaa no ngenand um, ndax ta xaw we ngenna no lanq ke yaam tooñ den. Lanq ke xan a mbeeñil fo’oy le ɓaxooxna teen too singkatee we mbareena.

2 Maad we 8:12

Hasa’el a laamtaan ee: «O yaal es, xar taxu o loolaa?» Eliise a doonaan ee: «Yaam kaam and paaxeer ke o fi’kaa Ii-isra’el we. Xan o raaɓ teeru cegu saŋe ke den, xa pes axe den, o warit a den laƥ, duguñ xa teɓandoong axe den, soo rew we den na mbudkaa, o xiir a den.»

Haahate we 16:10

Dalila a laya a Samson ee: «Ga’aa, kaa o ŋastaxam, maaɓaam. Ndiiki koy, ngela layangaam xar waagee o humit.»

Mberaand 49:7

Fuux den a salooxe, yaam kam fa saasu fo o say den. Xam picit a den kam Yakoob, pasar a den kam Isra’el.

Xa peƭit axe 28:17

Oxe warna o lakas kaa ƴufanaa fa nqon um. Ba o leng a xañtin o ten.

Ke bindeena no xe ne’eena YOB 12:4

Kaam ref no qaariit es qaadnooxel, mi fee ƴufginooxoogna a Roog, ta jaaɓaam! Ke jofuuma fop oo, ñak soqel, yaqanee um ref calat!

A lim ale 24:10

Balak a fuuxana a Balam ƭomu, a foxrand xa ƥay um, a layin ee: «Um ɓisiidong mene, ndax o salooxanaam fañ es, soo o dek barke a den a caf a tadak.

A lim ale 22:29

Balam a doona o faam ole yee: «Kaa o fagiɗ kam es! Boo laƥ a reef’axama um warong ndiiki!»

Mberaand 39:17

Maaga, o tew oxe a layaan ee: «O paɗ o Hebre xe ɓisiidoona a in kaa gar’u ndax ta gignaam.

Mberaand 39:14

a reta a xoyik wiin we no mbind ne, a lay a den ee: «Nga’angyo, kaa ta ɓisiid a in o Hebre xene, ndax ta ŋasit a in. O koor oxe kaa gariid ndax ta gignaam soo um faɗoox.

Mace 2:1

Yaa Yeesu a rimteena Betleheem no lanq kaa Yudee, a jopir Herood a refaa o maad, yaal-o-and a inoora no batand, a ngar Yeerusaleem, too a lay ee:

Mace 2:7

Yaa Herood a nanna kaaga, a dalfooxa o xoyin yaal-o-and waa na pet, too a laamit a den a mbane da nga’’ina o xoor ole.

Mace 2:17

Maaga, kaa lay’eena na pexey o tuleer oxaa ne’eena Yeremi a fadnoortu:

Mbeeñil 12:4

A laca fo a las um na qaaj a tadkandeer ale na xa qoor axe na asamaan, a yurdiid a den a lanq. Niŋki-naŋka a geenooxa paam o tew oxe gaajooxoogna, ndax oxaa mucaa ta ƴax o nqeq onqe.