Mace 2:11 - NQAARIIT NE ROOG

¹¹ A ndoka kam mbind naa, too a soƥa maaga o ndeɓandoong onqe fa Mari fee ya um. A ngooknooxa, a mbaɗoox o ndeɓandoong onqe. Cinj kaaga, a apta a tog den, soo a ci’in wurus fa cuuraay fa miir.

Mace 2:11 Referans Kwoze

Esayi 60:6

Xan keeleemb pagkatar a muur saax of, da ndef xa lox keeleemb axe Majan fa Eefa, a inoortiid Saba, den fop. Xan a ƥislooxiid wurus fa cuuraay, a simataa o Yaal oxe.

A kim a tedu ke 72:10

Maad we Tarsis fo we na pimb ake xan a ƥisiidin ci’it, maad we Saba fo we Seeba a ƥoxotin a bateer.

YEGIL MBAAX NE YEESU ne Lik a bindtuuna 2:16

A ñofa o ndet, too a soƥa maaga a Mari fa Yoseef fo o nqeq onqe wondneena no mbalka ne.

Mace 2:2

«Taa o maad oxe no Yaawuur we sogeena o rim? Kaa i nga o xoor um no batand boo ten taxu i ngar ndax i mbaɗooxin.»

A kim a tedu ke 95:6

Ngaryo i ƈuug, ngooknoox, ngung mbaambir no Yaal oxe sakna a in,

A kim a tedu ke 72:15

Xan a ñoow soo a cooxel na wurus fee Saba. Xan a gen no xeɗeel soo a simateel cay.

1 Maad we 10:2

A fadiida Yeerusaleem, a yoon fo a ƭat a maak fo keeleemb kaa sufna pelu tuñ fa wurus fa mayu fo a ƥil a cafeñu. A gara me Salomo, a laamtin fop ke ta fof’ina no xeeñ um.

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

Mace 14:33

Waa ndeeƭna kam suk naa a ngara, a ngooknoox mbaambir Yeesu, a layin ee: «O Ƥeenqe Roog refo ndigil!»

Mbeeñil 5:8

Ye ta xotna a kayit ale, pindel nahik ke fo maak qarɓeen ƭik fo maak nahuk we a ndalfooxa o ngooknoox mbaambir no Mbaal onqe. Oxuu refna na den kaa saq’u o nqilimb fo o ndog wurus o yipe cuuraay boo muut. Cuuraay feene koy reeƭu a qeƭ ake no gimu we mbogna na Roog.

YEGIL MBAAX NE YEESU ne Lik a bindtuuna 2:38

Yaa ta fadiidna ten itam na waxtu faaga, a simatooga a Roog, too a layaa kaa farna na Yeesu paam wiin we cungoogna a bat ale Yeerusaleem.

1 Sami’el 10:27

A jeg’a koy wiin jaree tus waa layoogna yee: «Nam o mbindeef onqene a waagkaa o muclit a in?» A ndefa no ŋañan soo a mbañin o mbi’an ɗang leng.

A lim ale 7:86

A tokol aluu refna na tokol xarɓaxay fo a ƭak ake ndeeƭna wurus too a yip’u cuuraay boo a may, o meɗel um a reeƭa ngap a qaaj a ƥetkandeer liibar. Wurus fee jalit’eena a tokol ake fop a reeƭa ngap kilo fo genwal liibar.

A paɗax ale 6:15

O saasadax oxe na ɗuumkeel ndeer xa ƥiy axe Aaroon, ndax ta rondandin nen o saasadax o maak, fat a fi’aa itam sadax feene. A las no Yaal oxe a refkaa boo faw. Fat a doxel fop boo riw.

A sutax ale 30:34

O Yaal oxe a layahina a Moyiis ee: «Waaƭi no qeeñe-xeeñe keeke: mbiɗel ŋolotoot fo mbiɗel mbaambaar xa pako fa daakaande. Ɓaati teen cuuraay. Keene fop koy, fat a fodir.

Mberaand 43:11

Isra’el fee faap den a laya a den ee: «Feek neene yoo de, neeke nu mbi’kaa: Ƥisanyo o koor oxaaga ɗang no tikoorik ke nuun, ƥisloox teen no paax ke no saax le, teex ƭuumooxel, suum, qeeñe-xeeñe, miir, xa pistaas fo xa tim amaand.

Malaki 1:11

Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.

A kim a tedu ke 45:8

Cofu soom bugo too sibaa paaxeer, ten taxu Roog fee refna Roog of a ɗuumaang diwliin o ɗaay kupu gend of.

A kim a tedu ke 2:12

Siminyo o ƥeenqe, mboonin, ndik ta fuux, soo nu saŋkoor na ƭat nuun, yaam fuux um kaa yooɓ o biltoox. Kaa koy, we na njaɓnooxaa no ten a ƭaaya.

1 Maad we 10:10

Cinj kaaga, o maad o tew oxe Saba a ci’a o maad Salomo ngap parig qarɓeen nahik wurus fo pelu tuñ fo a ƥil a cafeñu mayu mayu. Qeeñe-xeeñe maytu naaga mos’ataand o ƥisiid kam saax le Isra’el.

A sutax ale 30:23

«Eedi no qeeñe-xeeñe ke moƴna o mbel: ngap kilo ƥetik na miir fee fi’na foofi, sinamom fa nqeeñu fee, o eed teen ngap kilo ƭik fa genwal, eed na kanel fa nqeeñu fee ngap kilo ƭik fa genwal

A kim ale na kim ake 3:6

An oo xeene na inoortiidaa na koƥ-a-ƥor ale kam fo ut ole nen eel fo suun, a suloox miir fa cuuraay fo ƭuumooxel qeeñe-xeeñe kuu ndefna?

Mace 1:18

Neeke o rimel ole Yeesu Kiristaa a xewit’u: Mari fee ya um, o toog Yoseef a reeƭu. Yaaga yoonafulee, Mari a fud’a na pexey Yiif Tedu le.

Mace 12:46

Ye Yeesu a maadna o layaa fo wiin waa, ya um fo xa teɓ um a ngara, a ngeenoox tafil faa ee yaam kaa mbug’u nga’ir fo ten.

YEGIL MBAAX NE YEESU ne Saŋ a bindtuuna 19:39

Nikodeem fee mos’ina o ret maa Yeesu o yeng a gara itam, a ɓislooxiid ngap kilo qarɓeen tadik fo kilo tadik miir faa jaxaseena fa alowes.