Mace 18:3 - NQAARIIT NE ROOG

³ soo a lay a den ee: «No ndigil, mexe layaa a nuun ee: Nu saktooxangee boo nand nen xa teɓandoong xa tutuuñ, nu ndokkee no maat ne na asamaan.

Mace 18:3 Referans Kwoze

1 Piyeer 2:2

Nandyo nen xa qeq axaa sogeena o ndim, ñoowtaa fa lay fa nqoolu fee Roog ne da ñoowtitaa fo ɗeen, ndax nu maakaa too muc.

Mace 19:14

Yeesu a laya a den ee: «Nqaƴyo xa teɓandoong axe! Ba nu mbañit a den da ngar me mi, yaam we nandna fa den njegu Maat ne na asamaan.»

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

A kim a tedu ke 131:2

Ndaa kañ, kaam fod o mbid, o laaw es a dal nen o njaaƈ o ndoɓne nqaa ɓopnooxna a ya um. O laaw es kaa nand kam es nen o njaaƈ o ndoɓne.

YEGIL MBAAX NE YEESU ne Saŋ a bindtuuna 3:5

Yeesu a doonaan ee: «No ndigil, no ndigil, mexe layang ee: O kiin waagee o rok no Maat ne Roog, too rimtaand foofi fo Yiif le Roog.

YEGIL MBAAX NE YEESU ne Saŋ a bindtuuna 3:3

Yeesu a doonaan ee: «No ndigil, no ndigil, mexe layang ee: O kiin waagee o ga Maat ne Roog a refangee kaa rimel o rimel o xas olaa inoorna na asamaan.»

YEGIL MBAAX NE YEESU ne Lik a bindtuuna 13:24

«Ngoorgoorlooxyo o ndokit no don-maax o ŋooɓu le, yaam mexe layan a nuun, xan mayu a njeem o ndokit teen too mbaagkiran.

A pi ake 3:19

Mbesyo pakaad nuun a cinj boog, too saktoox farna fa Roog, ndax pakaad nuun a mbortel.

A pi ake 28:27

Xeet feene kaa ŋajaa. Kaa sux nof den, a mup a kid den, yaam ndik da nga’it a kid den, a nanit nof den, a andit a qeeñ den, soo da saktooxiid me mi, um wodand a den.› »

YEGIL MBAAX NE YEESU ne Saŋ a bindtuuna 1:51

Yeesu a doona taaga yee: «No ndigil, no ndigil, xan nu nga’ataa asamaan a wetoox, soo malaaka ke Roog a ŋaayaa, a mbudooxaa me o Ƥeenqe no kiin oxe a refna.»

Mace 5:20

Mexe layaa a nuun ee o cofel nuun a hupangee ole no jaajangin we no kebil ke Moyiis fo ole no Farisiya we, nu ndokkee no Maat ne na asamaan.»

YEGIL MBAAX NE YEESU ne Lik a bindtuuna 22:32

Kaa koy, xeɗanaaxoong, ndax o ngim of ñufkee. Boo nomtooxiidoona, fat o saƭkand xa teɓ of.»

Mark 4:12

Neene, a naangangaa o ƭeetaa, nga’kee, too a naangangaa o nanaa itam, andkee, yaam ndik da saktoox na Roog, soo a mbaasanel pakaad den.»

2 Piyeer 1:11

Boo nu mbi’taa neene, xan nu ci’el maa nu ndokitna kam Maat mbagkeer ne no Yaal in fo o Muumucil in Yeesu Kiristaa.

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

Mace 19:23

Maaga, Yeesu a laya daalbe um ee: «No ndigil, mexe layaa a nuun ee: Xan o yaal halal a ɗom o rok no Maat ne na asamaan.

Mace 13:15

A qeeñ ake na xeet feeke kaa ndir. Kaa sux nof den, a mup a kid den, yaam ndik da nga’it a kid den mbaat da nanit nof den mbaat da andit a qeeñ den, soo a saktoox me mi, um wodand a den.›

Mace 6:16

«Boo nu ngoorna, ba nu yuɗaanooxaa nen yememaar we na ngiɓaa a tagid den, ndax wiin we a nga ee kaa ngoor. Mexe layaa a nuun no ndigil ee: A ndaawa ndabid den boo a ƈut.

Mace 6:5

«Boo nu nqeɗaa, ba nu nand fo yememaar we mbexna ngeenoox a nqeɗaa kam pind a qeƭ ke fo na xa salit axe no ped ke, ndax wiin we a nga a den. No ndigil, mexe layaa a nuun ee: A ndaawa ndabid den boo a ƈut.

Esayi 6:10

Ŋajnoori xeet feene, sux nof den soo mup a kid den, yaam ndik da nga’it a kid den, a nanit nof den, a andit a qeeñ den, soo a saktooxiid me mi, a mbodandel.»

Mace 6:2

Boo o sadaxtaa, ba o laltan ne yememaar we a mbi’tan kam pind a qeƭ ke mbaat kam ped ke, ndax wiin we a simat a den. Mexe layaa a nuun no ndigil ee: A ndaawa ndabid den boo a ƈut.

Mace 5:18

No ndigil, mexe layaa a nuun ee: Boo asamaan fo lanq a mbaafeerna, bind le moƴna moƴ o neew mbaat o ɗelem o leng sax watkee no kebil ke boo yaa fop a fadnooxna.

Mace 18:2

Yeesu a xoya o ndeɓandoong o ndutuuñ, a geennin a ndeer den,

Mace 18:4

Ten taxu oxuu neewandooxna boo nen o ndeɓandoong onqene, xan a ref oxe hupna no maat ne na asamaan.