Mace 13:5 - NQAARIIT NE ROOG

⁵ A seek a lakas a yena maa fi’na ƭeŋkeleer too mayee mbuuƴ. A looƴ’a no ñofu, yaam ne mbuuƴ ne a mayeerna.

Mace 13:5 Referans Kwoze

Heseki’el 11:19

Xam ci a den xeeñ leng kut soo ɓek na den yiif xas. Xam watin no ngiin den xeeñ den le saƭkitna nen ɓil soo ci a den xeeñ hiihiin,

Heseki’el 36:26

Xam ci a nuun xeeñ xas soo ɓek na nuun yiif xas. Xam watin no ngiin nuun xeeñ nuun le saƭkitna nen ɓil soo ci a nuun xeeñ hiihiin.

Mace 13:20

Ax ke samna no ƭeŋkeleer ne tektu o kiin oxe andoona yee kaa nan fa lay fee, a jaɓin ndak fo ndak fo o ɗaay.

Sakari 7:12

A saƭkanda a qeeñ den koŋ nen jamaa, ndax nan-gilooxkee a cangin es fo fa lay es, mi o Yaal oxe Hupna fop, lultiiduuma na pexey Yiif es, reefandin no duleer we yaaga. Keene garu fo fuux ɗomu le mi, mi o Yaal oxe Hupna fop.

Amos 6:12

«Ndax pis a naaga ƴufneel kam a ƥil? Ndax o kiin a mosa o humin naak a xooxik o maag? Ten nu mbi’u toox de, yaam kaa nu tax gon o cofel a sibel, a pi o cofel nu mbi’in xa tim ndali.

Mace 13:4

Ye ta sulaa, a seek a leng no ax ke a sama kam a ƭat ale, soo tiiƭ ke a ngar a ñaamin.

Mace 13:6

Yaa njeeƈ naa a sumna, a leeƥa too a weera, yaam jeg’ee a paƴ.

Mark 4:5

A seek a lakas a sama maa fi’na ƭeŋkeleer, too mayee mbuuƴ. A looƴ’a no ñofu yaam ne mbuuƴ ne a mayeerna.

Mark 4:16

Lakas we itam neene: We ndaawna ax ke samna no ƭeŋkeleer ne ndefu we nanna fa lay fee, a njaɓin ndak fo ndak fo o ɗaay,