Mace 11:5 - NQAARIIT NE ROOG

⁵ Fuul we owe nga’aa, ɓoof we a ñaaƴaa, we njegna a tik-a-maak ale a nqoolandeel, ram we a nanaa, xon we a nqontooxaa, soo Yegil mbaax ne a yegneel rool we.

Mace 11:5 Referans Kwoze

YEGIL MBAAX NE YEESU ne Lik a bindtuuna 4:18

«Yiif le no Yaal oxe xe took es. Kaa ɗuumaam ndax um yegnik rool we Yegil mbaax ne, a lulaam ndax um yegin faɗ we a bat ale, yegin we mbuulna o ga ole, soo wokit we toroxandeena,

Esayi 29:18

A koom, xan ram we a nan ke layeena kam safe le, soo fuul we a ƭeet, yaa da sutteena no ɓaal-ee-ɓaal le no niɓaan ole.

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

Mace 21:14

Fuul fo wiin waa na laƴaa, a matiida a Yeesu kam Mbind Roog naa, too a wodanda a den.

YEGIL MBAAX NE YEESU ne Saŋ a bindtuuna 10:38

Kaa koy, a soƥangaa yee a pi um saqum, koo nu ngimangiraam oo, ngimyo a pi akeene, ndax nu mbaag o nga xil ee Faap fee oxe na mi, mi, um ref no ten.»

YEGIL MBAAX NE YEESU ne Saŋ a bindtuuna 10:25

Yeesu a doona a den ee: «Um layin a nuun, nu ngimiran! Ke fi’uuma no gon Faap es a lalta a qool qac oxe refuuma,

YEGIL MBAAX NE YEESU ne Saŋ a bindtuuna 5:36

Seede es koy hupu ne Saŋ, yaam a pi ake Faap fee a doxnaxama ndax um fi a den, ndefna ndef ke um fi’aa ndiiki, kaa laltaa yee Faap fee lulaxam.

YEGIL MBAAX NE YEESU ne Saŋ a bindtuuna 3:2

A gara a soƥiid a Yeesu o yeng o njeek, soo a layin ee: «O Caajangin oxe! I anda xil ee o caajangin o inooru na Roog refo, yaam o leng waagee o fi xa anddiloor axe o fi’aa, Roog a refangee fo ten.»

YEGIL MBAAX NE YEESU ne Saŋ a bindtuuna 2:23

Ye Yeesu a refna Yeerusaleem na Xew fee na colandax ale, mayu a ngima no ten, ye da nga’na xa anddiloor axe ta fi’oogna.

Mark 9:25

Yaa Yeesu a ga’na wiin mayu waa a ƈufiidaa, a ŋala jini faa, soo a layin ee: «Jini fa muumu, too a ram, mexe heblang o ten, sutooxi o ndeɓandoong onqene, too ba o rokat no ten!»

Mark 7:37

Den fop kaa njaaxiɗ’u lool, too a layooga yee: «No ndigil, ke ta fi’aa fop paax oo, kaa nannooraa ram we, a laynooraa muum we.»

Mace 10:8

Mbodandyo jiru we, nqontooxnoor xon we, nqooland we njegna a tik-a-maak, ndax cini ke. Kaa nu ci’el, ci’ityo boog!

Mace 9:30

A kid akaa den a mbetooxa. Yeesu a maƭooxa a den ee: «Mbootooxyo o lakas a yegin!»

Esayi 66:2

Keene fop o ɓay es fi’un, too neene a sakoortu. Kaa koy, ke haalaxama refu o toroxu xe gooyna, a nan-gilooxaa fa lay es fo diid soo a sendaa.

Esayi 43:8

Sutiidi xeet feene mbuulna, ke da njegna a kid fop oo, a ndam, ke da njegna nof fop oo.

A kim a tedu ke 146:8

O Yaal oxe kaa wetaa a kid no we mbuulna, a inaa we maafeena, a fex jofu we.

A kim a tedu ke 22:26

O Yaal oxe, wo um bugko simataa kam mbokatax maak ne no gimu we. Xam fadin a tegit es fa wo mbaambir no we saɗaroonga.

2 Maad we 5:14

Maaga, Naaman a fudooxa no xuluɓ olaa Yordaan, a mudnoox taaga boo a caf ɓetaa ƭaq, ne o kiin Roog oxaa a heblit’uuna o ten, soo cer um a suptoox, a nandat nen cer no njaaƈ, ta xool.

2 Maad we 5:7

Yaa o maad oxe Isra’el a jangna o leetar ole boo a ƴut, a faara toki um, a lay ee: «Ndax kaam ref Roog, boo waag o war o kiin mbaat um ñoownin, boo a tax ta lultiidaxam o kiin ee ndax um wodandin na tik-a-maak um. Refee xire rek a bugu, a waaƭaa maa ta jegitna a ƭat na mi.»

Mace 5:3

«We ñakna halal yiif a ƭaaya, yaam Maat ne na asamaan den a refanu!

A pi ake 2:22

Nuun wiin we Isra’el, nan-gilooxyo ke um layiidaa a nuun. Yeesu o Naanasaret oxe a reeƭa o kiin oxaa andoona yee Roog feeñlun mbaambir nuun. Roog fa xoox um koy, a fi’a a pi katil fo comlaand fo xa anddiloor na pexey o kiin oxeene, ne nu andtuuna nuun fa qoox nuun.

Sakari 11:7

Gaykaam boog paal ke no teefaŋke ke mbaajoogeena o ƥis no warand, pokoox xa loq xa ƭaq axaa ne’uuma, oleeke «Yirmande», olaana «Ngiɓoor», gaytik a den paal ke.

A sutax ale 4:11

O Yaal oxe a doonaan ee: «An fi’u o don no kiin? An na muumnaa, ndi an na ramnaa, an na ga’naa, ndi an na fuulnaa o kiin? Ndax refee mi o Yaal oxe?

Esayi 29:19

O Yaal oxe xan a ref no we neewandooxna a cur o ɗaay o maak, we moƴna o ndool no wiin we a mbiltoox fa baneex no Tedu xe Isra’el,

Mace 11:4

Yeesu a doona a den ee: «Ndetyo mbetandoox a Saŋ ke nu nanaa fo ke nu nga’aa.

Mace 12:13

Cinj kaaga, Yeesu a laya o koor oxaa yee: «Letni o ɓay of!» A letnaan, too o ɓay ole a woda boo ceŋ nen o lakas olaa.

YEGIL MBAAX NE YEESU ne Saŋ a bindtuuna 9:7

a layin ee: «Reti muktook no Ul olaa Silowe.» (Silowe kaa tekit «Oxe luleena».) O qoyaa a reta, a muktoox, too yaa ta gatna, a kid um a ƭeeta jar.