Mace 11:11 - NQAARIIT NE ROOG

¹¹ No ndigil, mexe layaa a nuun ee: No we rew a ndimna fop, feeñee o leng oxaa hupna a Saŋ o Paabatiise xe, too yaaga fop koy, oxe moƴna o neew no Maat ne na asamaan hupun.

Mace 11:11 Referans Kwoze

YEGIL MBAAX NE YEESU ne Lik a bindtuuna 7:28

Mexe layaa a nuun ee: No we rew a ndimna fop, jegee o leng oxaa hupna a Saŋ, too yaaga fop koy, oxe moƴna o neew no Maat ne Roog hupun.»

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

YEGIL MBAAX NE YEESU ne Saŋ a bindtuuna 1:15

Saŋ a seede’anaan a qool qac ee: «Oxeeke mat ne’oogum ye layuuma yee: ‹Oxe na reefaniidaxam hupaxam yaam yaa ta refna yaaga rimafulaandeem.› »

Mace 5:19

Oxe na xuufkaa leng ne moƴna neew no kebil keeke, soo a jangin wiin we kaaga, xan a xoyeel oxe moƴna neew no we ndefna kam Maat ne na asamaan. Oxe na reefkaa a den koy, soo a jangin wiin we da ndeef a den, xan a xoyeel o maak no Maat ne na asamaan.

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

YEGIL MBAAX NE YEESU ne Lik a bindtuuna 9:48

a lay a den ee: «Oxuu genarna o ndeɓandoong o ndutuuñ o mbodu nene yaam mi, mi a genaru, too oxuu genaraxama, a genara oxe luliidaxama. Oxe moƴna o neew a ndeer nuun koy, refu oxe moƴna o magin.»

1 Piyeer 1:10

Duleer we yaaga yegnitna no kaa farna na yirmande fee nu ngeekaneena, a mbaaƭa soo a ƥaal kaa jofna na muc aleene.

Hebre 11:40

Roog koy, a waajana a in kaa moƴna. Ten taxu, mbar’ee o mbad no ñak-sik, too i mbogee teen.

1 Korint 15:9

moƴ o neew no apootar we. Andaam ee xoyeel apootar sax a jombaxam, yaam kaam ñagadiloogu o fog ole no we ngimna na Roog.

1 Korint 6:4

Xar taxu o kiin a xetange tig, a xeloortikel a ndeer no wiin waa mbokatax ne no gimu we a andeerna, ñaal o yeng a jalan?

YEGIL MBAAX NE YEESU ne Saŋ a bindtuuna 10:41

Mayu a ngara no ten, a layaa yee: «Saŋ o Paabatiise xe fi’ee o anddiloor o leng, ndaa fop ke ta layna no kiin oxeeke ndigil kak oo.»

YEGIL MBAAX NE YEESU ne Saŋ a bindtuuna 3:30

Ten fa xoox um kaa war o yoɗoox, mi o mat um fudoox.»

A kim a tedu ke 51:5

Anddilooxaam tooñ es, too bakaad es oxey cay mbaambir es.

Ke bindeena no xe ne’eena YOB 15:14

Xar o kiin a refu bo tee kaa xool, kaam ee xar o ƥiy no kiin a refu bo tee kaa jof?

Ke bindeena no xe ne’eena YOB 14:4

Kaa xoolna waagee o suttel muk no kaa xoolaƭaritna nen o kiin!

Ke bindeena no xe ne’eena YOB 14:1

O kiin kaa rimel fo o neew doole too waaganee a xoox um dara. O ñoow um kaa raƥ soo a may coono.

YEGIL MBAAX NE YEESU ne Saŋ a bindtuuna 5:35

Saŋ reeƭu o jam ole na kaƥaa, a meleƈaa, too nu mbug’a o moof o ndik sax, mbelakinoox yoora kaƥ ne ten.

YEGIL MBAAX NE YEESU ne Saŋ a bindtuuna 1:27

Ten refu oxe na reefaniidaxam, too fekit xa ñaaƭ um sax a jombaxam.»

Sakari 12:8

A koom, xan o Yaal oxe a saytoox we ngenna Yeerusaleem, too oxe moƴna neew doole na den xan a nand nen a Dawid, soo mbind Dawid a ref nen a Roog, nen malaaka fee no Yaal oxe mbaambir den.

YEGIL MBAAX NE YEESU ne Saŋ a bindtuuna 7:39

Yeesu koy, Yiif Tedu le na ci’keel we na ngimkaa no ten a ne’oogu, ye ta layna keene. Na waxtu faaga, Yiif Tedu le ci’it’afulaand, yaam ne Yeesu a ɓoxot’afulandeena o ndam.

Esayi 30:26

A qoolaand ale na qoor ale xan a nandat fo ale no njeeƈ ne, soo ale no njeeƈ ne a ɓaatoox a caf ɓetaa ƭaq boo nen a qoolaand ñaal ɓetuu ƭik, a koom alaa o Yaal oxe a laxaskaa kaañax ke na xeet um soo a wodand a uut ake na pad ake ta fadeena.

Ke bindeena no xe ne’eena YOB 25:4

Nam o kiin a ɓuritkaa a Roog? Kaam ee nam o ƥiy no kiin a xoolitkaa mbaambir um?

1 Sami’el 2:30

Feek neene yoo koy, kene refu ke um yegnang, mi o Yaal oxe Roog fee Isra’el: Kaam reg’u ƥasil of, na carind ale fogoona yee: Saasadax es nu mbugko ndefaa boo kili, ndaa ndiiki koy, kaam yegnang a qoolu yee refkatee neen boo muk, yaam o mat, kaam niwaa we na niwaxam, ndaa we ndeɓaxama, kaam deɓatinaa a den itam.

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

2 Timote 1:10

Ndiiki, ye Kiristaa Yeesu o Muumucil in a garna na adna, yirmande feene a fadiida. Yeesu kaa ñuf fa nqon, soo a geennit o ñoow fo nqonaƭar Yegil mbaax ne.

YEGIL MBAAX NE YEESU ne Lik a bindtuuna 1:15

yaam xan a ref o kiin o maak mbaambir no Yaal oxe. Yerkee biiñ mbaat a yer alaa waagna o way o kiin, too boo ta helko fo rimeel, xan a soƥ ta may fo Yiif Tedu le.

Mace 3:1

Na jamaane faaga, Saŋ o Paabatiise xe a feeña, soo a waare’aa kam a koƥ-a-ƥor alaa Yudee.

Mace 11:10

Ten refu oxe ne’oogeena ye ta bindeena yee: ‹Mexe heblaa o tuleer es ta adooxong, a jagandanong a ƭat.›

Mace 11:12

No kaa xotitna na jamaane faa Saŋ o Paabatiise xe boo fa ndiik, Maat ne na asamaan kaa bugel o gef fa doole, too yaal toole ke na njeeman o njang.