Mace 10:7 - NQAARIIT NE ROOG

⁷ Muu nu ndetna, mbaare’yo yee Maat ne na asamaan a matiida.

Mace 10:7 Referans Kwoze

A pi ake 28:31

Kaa waare’oogu kaa farna no Maat ne Roog, a jangnaa kaa farna no Yaal oxe Yeesu Kiristaa, a yoonandtin njambaar maak fo o yaadax.

Mace 3:2

Kaa layoogu yee: «Mbesyo pakaad nuun a cinj, yaam Maat ne na asamaan a matiida.»

YEGIL MBAAX NE YEESU ne Lik a bindtuuna 9:60

Kaa koy, Yeesu a layaan ee: «Xaƴi xon we a uup xon den, too wo o mat, o ret yegnitik Maat ne Roog.»

Mace 4:17

Na jamaane faaga, Yeesu a fera o waare, a lay ee: «Mbesyo pakaad nuun a cinj, yaam Maat ne na asamaan a matiida.»

YEGIL MBAAX NE YEESU ne Lik a bindtuuna 16:16

Kebil ke Moyiis fo duleer we a maad’a boo na Saŋ o Paabatiise xe. Cinj kaaga, Yegil mbaax ne no Maat ne Roog kaa waare’eel, too o kiin oo kiin kaa jeemaa fa doole um, ndax ta rok teen.

YEGIL MBAAX NE YEESU ne Lik a bindtuuna 9:2

A lula a den da mbaare’ik fa lay fee no Maat ne Roog, too a mbodand we njirna.

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

Mark 6:12

Daalbe we a ndeta, too a mbaare’aa wiin we da mbes pakaad den a cinj.

A pi ake 10:25

Yaa Piyeer a rokkaa, Korney a xetooxiidaan, a gooknoox na caf um, soo a ɓoxotin tedaanga.

A pi ake 4:2

Sawar’ee tus yaam ne Piyeeriin a njangnoogna xeet fee, a yegnitaa yee a qontax ale Yeesu xan a tax xon we a nqontoox.

YEGIL MBAAX NE YEESU ne Saŋ a bindtuuna 3:2

A gara a soƥiid a Yeesu o yeng o njeek, soo a layin ee: «O Caajangin oxe! I anda xil ee o caajangin o inooru na Roog refo, yaam o leng waagee o fi xa anddiloor axe o fi’aa, Roog a refangee fo ten.»

YEGIL MBAAX NE YEESU ne Lik a bindtuuna 9:6

A ndalfooxa o ndet, a ñaaƴaa ndeer saate fa saate, a yegnitaa Yegil mbaax ne, soo a mbodandaa jiru we muu refna.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Mace 21:43

Ten taxu, mexe layaa a nuun ee: Xan Maat ne Roog a watnel na xa ƥay nuun, soo a doxnel xeet faa na ƥoxotkaa xa tim axe ten. [

Mace 21:31

An no ɗik waaga fi’u ke faap um a bugna?» A ndoonaan ee: «O eetaand oxe.» Maaga, Yeesu a doona a den ee: «No ndigil, mexe layaa a nuun ee: We na ndabdinooxaa juuti fo we na seeqaa, xan a adoox a nuun no Maat naa Roog.

Mace 11:1

Yaa Yeesu a janginna daalbe xarɓaxay fo daalbe ɗik waa keene boo a ƴut, a inooxa maaga. Kaa jangnoogu, a waare’aa kam teeru kaa den fop.

Mace 10:8

Mbodandyo jiru we, nqontooxnoor xon we, nqooland we njegna a tik-a-maak, ndax cini ke. Kaa nu ci’el, ci’ityo boog!