5 Weene ndefu xarɓaxay fo ɗik we Yeesu a lulna, too a as a den ee: «Ba nu nqot farna fo we ndefeerna Yaawuur, too ba nu ndok no teeru ke no Saasamari we.
O tew o Saasamari xaa a layaan ee: «Nam wo o Yaawuur o mat o mat waagaxamo o xeɗit foofi, mi fee refna o tew o Saasamari?» O nanangaan koy, kaa Yaawuur we fo Saasamari we ne’roogee.
Kaa ndikaand a in, ndax i mbaagkee o mbaare we ndefeerna Yaawuur boo da njeg a muc ale. Keene koy, mayƭandu eedir ke saqna pakaad ke da mosna o mbi. Ten taxu a qaw ale Roog a dalat took den boo faw.
Gimu we mbogna na xeet fee no Yaawuur we fop, too a yooniid fa Piyeer, kaa njaaxiɗ’u yaam ne Roog a fudinna Yiif Tedu le took no we ndefeerna Yaawuur, a ci’in a den.
Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»
Naaga, Yaawuur we a layra yee: «Ndi mam a rokkaa boo i mbaagkiran o nga? Ndax kaa retaa kam teeru ke no Geegeres we, maa ta waagna o soƥ xeet fee in pictoorna, soo a jangin itam we ndefeerna Yaawuur?
Sool a yoon’a na bar ale Eceen. No ñaal naaga ñagadil maak a rope took o fog ole no gimu we ndefna Yeerusaleem. Gimu waa fop bo ta yoqaa apootar waa, a pictoox’a kam o jegel olaa Yudee fo saax laa Samari.
Cinj kaaga, o Yaal oxe a jila daalbe qarɓeen ɓetuu ɗik [fo daalbe ɗik], soo a lul a den ɗik-ɗik, da adookin no teeru ke fo fop me ta narna o ret ten fa xoox um.