Mace 10:3 - NQAARIIT NE ROOG

³ A jega itam a Filip fa Bartelemi fa Tomaa fa Mace fee rabdinooxoogna juuti, fa Saak fee o ƥiy Alfe fa Tade fa

Mace 10:3 Referans Kwoze

A pi ake 1:13

Yaa da mbadiidna, a ŋaaya no taax-took naa maa da mer’ina o mbokatoortaa. A ndeeƭa: Piyeer, Saŋ, Saak, Andare, Filip, Tomaa, Bartelemi, Mace, Saak fee o ƥiy Alfe, Simoŋ oxe na xoxtaa saax um fa Yudaa fee o ƥiy Saak.

Mark 3:18

A jila itam a Andare fa Filip fa Bartelemi fa Mace fa Tomaa fa Saak fee o ƥiy Alfe, a jil a Tade fa Simoŋ oxe na xoxtaa saax um

Mark 2:14

Ye ta waanaa, a ga’a a Lewi o ƥiy Alfe, ta moof maa wiin waa a ndabditoogna juuti. Yeesu a layaan ee: «Reefanaam!» Lewi a inooxa, a reefanin.

Mace 9:9

Yaa Yeesu a inoorna maaga, a ga’a o kiin oxaa moofna maa wiin waa a ndabditoogna juuti, too a ne’el Mace. Yeesu a layaan ee: «Reefanaam!» Mace a inooxa, a reefanin.

YEGIL MBAAX NE YEESU ne Saŋ a bindtuuna 21:2

Simoŋ Piyeer fa Tomaa fee na xoyeel Didiim fa Natana’el fee genna Kana no jegel olaa Galile fo xa ƥiy axe Sebede fo daalbe Yeesu ɗik lakas yoon’u.

YEGIL MBAAX NE YEESU ne Saŋ a bindtuuna 11:16

Maaga, Tomaa fee lastitoogeena Didiim, a laya daalbe lakas we yee: «Aca, i nqonik fo ten boog fe.»

Yudaa 1:1

Mi Yudaa, o paɗ Yeesu Kiristaa fo o ndeɓ Saak, mexe simnaa a nuun, nuun we Roog a xoyna. Kaa nu njegit o mbeq na Roog Faap fee, soo saytooxeel na pexey Yeesu Kiristaa.

Saak 1:1

Mi Saak, o paɗ Roog fo o paɗ no Yaal oxe Yeesu Kiristaa refum. Mexe simnaa a nuun, nuun ƥasil ne Roog pictooxna kam adna fee fop.

Galati 2:9

Ye Saak fa Kefaas fee refna ref Piyeer fa Saŋ we mbi’eena a toodook no mbokatax ne no gimu we a nga’na yirmande fee ci’eema, a nqaariitoora fa in, mi fa Barnabaas, ndax i nqot farna fo we ndefeerna Yaawuur, soo den, da nqot farna fo we nqucooxna.

Galati 1:19

Ga’’iim o lakas no apootar we, a refangee Saak fee refna o ndeɓ no Yaal oxe.

A pi ake 21:18

No feet olaa, Pool a yoona fa in, a ɗeetik a Saak, too maak we no mbokatax ne no gimu we fop a mbokatoora me ten.

A pi ake 12:17

Piyeer a caxa a den fo o ɓay um, ndax da tiim. Maaga, a wetandooxa a den ne o Yaal oxe a muclit’uuna na kaso faa, too a doona teen ee: «Mbetandooxeenoo a Saak fo fog gimu lakas we.» Cinj kaaga, a sutooxa, a ret o mbiñ o lakas.

YEGIL MBAAX NE YEESU ne Lik a bindtuuna 5:27

Cinj kaaga, Yeesu a sutooxa, too a ga’a oxaa fog’ina no waa ndabdinooxoogna juuti, too a ne’el Lewi, a moof maa wiin waa a ndabditoogna juuti. Yeesu a layaan ee: «Reefanaam!»

A pi ake 15:13

Ye da ƈutna fa lay, Saak a doona yee: «Fog we, nan-gilooxaamoo!

YEGIL MBAAX NE YEESU ne Saŋ a bindtuuna 14:22

Yudaa, fogree koy fa Yudaa o Iskariyot oxe, a layaan ee: «O Yaal oxe, xar taxu o fañ o lal adna fee oxe refoona, soo o lalan a in?»

YEGIL MBAAX NE YEESU ne Saŋ a bindtuuna 14:9

Yeesu a doonaan ee: «Filip, yaa refuuma fa nuun boo ndiik, too andiraamo! Oxuu ga’axama, Faap fee a ga’u. Nam waagaxamo o layit boog ee: ‹Lali a in a Faap fee?›

Mace 27:56

Mari-Magdala fa Mari fee refna ya Saak fa Yoseef fa ya na xa ƥiy Sebede a mbog’a no rew waaga.

Mace 18:17

A fañangaa o nan-giloox a den, layeen mbokatax ne no gimu we. Boo ta fañna o nan-giloox mbokatax ne no gimu we, fat o fi’in nen o kimaƭaru mbaat nen oxaa na rabdinooxaa juuti.»

Mark 15:40

A jeg’a itam rew waa mat’ina maaga, a ƭeetaa. Mari-Magdala fa Mari fee ya Saak fa ndeɓ fa Yoose fo o tew o ne’e Salome a mbog’a no rew waaga

YEGIL MBAAX NE YEESU ne Lik a bindtuuna 18:10

A laya yee: «Wiin ɗik a ndet’a no Mbind Roog naa, ndax da nqeɗ. O leng oxe, o Farisiya a reeƭu, o lakas oxe, a ref o taarabdinax juuti.

YEGIL MBAAX NE YEESU ne Lik a bindtuuna 18:11

O Farisiya xe a inooxa a geenoox, too a xeɗit nene yee: ‹Roog, mexe ɓoxotang tedaanga, yaam ne nandeeruuma fo wiin leng we ndefna guuɗ, a njofaƭar, a seeqaa mbaat nen o taarabdinax juuti xene sax.

YEGIL MBAAX NE YEESU ne Lik a bindtuuna 18:13

O taarabdinax juuti xe a foda a cinj, bug’ee sax o daxaaƴoox na asamaan. Kaa riqooxoogu no ngang, too a layaa yee: ‹Roog, yirmaam mi fee refna o paabakaad!›

YEGIL MBAAX NE YEESU ne Lik a bindtuuna 19:2

A jeg’a maaga o koor o mayu halal oxaa ne’eena Sake, a ref o aa-adax no waa ndabdinooxoogna juuti.

YEGIL MBAAX NE YEESU ne Saŋ a bindtuuna 1:48

Natana’el a layaan ee: «Ndi mam andtaxamo boo layaa kene?» Yeesu a doonaan ee: «Yaaga Filip xoyafulirang, a soƥ o ref yoora ndun naa ga’oong.»

YEGIL MBAAX NE YEESU ne Saŋ a bindtuuna 14:5

Tomaa a layaan ee: «O Yaal oxe kat, i andee me o jofaa. Nam i mbaagu o andit a ƭat ale koy?»