Mace 10:2 - NQAARIIT NE ROOG

² A kon ake no apootar xarɓaxay fo apootar ɗik we ndefu: Oxe eetna refu Simoŋ fee na lastiteel Piyeer, soo Andare fee o ndeɓ um a doonoox, cinj kaaga, Saak o ƥiy Sebede fa Saŋ fee o ndeɓ um.

Mace 10:2 Referans Kwoze

A pi ake 1:13

Yaa da mbadiidna, a ŋaaya no taax-took naa maa da mer’ina o mbokatoortaa. A ndeeƭa: Piyeer, Saŋ, Saak, Andare, Filip, Tomaa, Bartelemi, Mace, Saak fee o ƥiy Alfe, Simoŋ oxe na xoxtaa saax um fa Yudaa fee o ƥiy Saak.

Mace 4:21

Yaa Yeesu a retna boo a yaac o goƭ, a ga’a fog ɗik lakas, Saak o ƥiy Sebede fa Saŋ fee o ndeɓ um. Kaa ndeeƭu kam suk fa Sebede fee reeƭna faap den, a nqendandaa paal den. Yeesu a xoya a den,

YEGIL MBAAX NE YEESU ne Saŋ a bindtuuna 12:22

Filip a reta a layin a Andare, da yoon den ɗik, a njo’tin a Yeesu.

YEGIL MBAAX NE YEESU ne Saŋ a bindtuuna 6:8

O leng no daalbe we ten oxaa ne’eena Andare, a ref o ndeɓ Simoŋ Piyeer, a layaan ee:

YEGIL MBAAX NE YEESU ne Lik a bindtuuna 5:10

Naaga o mat a refit’u fo yoon we ten, Saak fa Saŋ, we xa ƥiy Sebede. Cinj kaaga, Yeesu a laya a Simoŋ ee: «Ba o saɗar dara! Taa paam, o paafaal no wiin o refkaa.»

Mace 4:18

Yaa Yeesu a ñaaƴaa na ƥeeraamb alaa no Maag olaa Galile, a ga’a fog ɗik, Simoŋ fee na lastiteel Piyeer fa Andare fee o ndeɓ um. Kaa ndeɓoogu mbaal kam o maag olaa, yaam faafaal a ndeeƭu.

YEGIL MBAAX NE YEESU ne Lik a bindtuuna 11:49

Ten taxu, oxe na xoyeel o Jeg-yiif ole Roog a laya yee: ‹Xam ɓisiid a den duleer fo apootar. Xan a mbar leng we, lakas we da ñagadil a den.›

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

2Saŋ 1:1

Mi fee refna o maak kam mbokatax ne no gimu we na bindang o leetar oleeke, wo fee refna yaay na mi, wo fee Roog a jilna, wo fo xa ƥeef axe fexuuma tigi. Refee yee mi doŋ fexu a nuun, ndaa fop we andna ndigil ne.

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

1 Piyeer 1:1

Mi Piyeer fee apootar Yeesu Kiristaa na simnaa a nuun. Roog jilu a nuun, nuun we ndefna xa kataakoon xa pictooxu kam xa cegel axeeke: Pont fa Galati fa Kapados fa Asi fa Bitini.

Hebre 3:1

Ten taxu, nuun o fog ole no tedu we, nuun we Roog a xoyna, ƭeetyo na Yeesu fee Roog a luliidna, ndax ta ref o saasadax o maak no ngim onqe i mbeejlaa.

Efees 4:11

O ten cooxu wiin we ci’it pogreer ke. Kaa ci leng we, da ndef apootar, wene, ta ci a den, da njo’tanan, waana waawaare Yegil mbaax ne mbaat gaynaak no gimu we mbaat jaajangin.

1 Korint 15:7

Ye keene a faafna, a feeñooxa a Saak, a feeñooxahin apootar lakas we fop.

A pi ake 12:2

A warnoora a Saak fee o maag Saŋ fo laƥ.

A pi ake 3:1

Farna fo waxtu kirandax, Piyeer fa Saŋ a ndeta no Mbind Roog naa, a maadik a qeƭ kirand alaa.

A pi ake 1:26

A mbanjanga, too a yena took Macaas fee fokat’ateena no apootar xarɓaxay fo apootar o leng oxaa.

YEGIL MBAAX NE YEESU ne Saŋ a bindtuuna 21:24

O taalbe xeene o mat seede’u keene, soo a bindin. I anda itam ee seede um a saƭka.

YEGIL MBAAX NE YEESU ne Saŋ a bindtuuna 21:20

Yaa Piyeer a reefanaa a Yeesu, a wiƈaqilooxa, a ga o taalbe xe Yeesu a fex’ina a reefanaa a den. Oxeene reeƭu oxe moof’ina paam Yeesu na cu’ax a palakaand alaa, too a laamit’un ee: «O Yaal oxe, an na ɓoxotkang?»

YEGIL MBAAX NE YEESU ne Saŋ a bindtuuna 21:2

Simoŋ Piyeer fa Tomaa fee na xoyeel Didiim fa Natana’el fee genna Kana no jegel olaa Galile fo xa ƥiy axe Sebede fo daalbe Yeesu ɗik lakas yoon’u.

YEGIL MBAAX NE YEESU ne Saŋ a bindtuuna 20:2

A ƴufa a ret maa Simoŋ Piyeer fo maa no taalbe xe Yeesu a fex’ina bo, a lay a den ee: «O Yaal oxe a sute na mboy alaa de, too i andee me ta dooneena.»

YEGIL MBAAX NE YEESU ne Saŋ a bindtuuna 13:23

O leng no daalbe we refna ref oxe Yeesu a fex’ina bo, kaa moof’u paam Yeesu.

YEGIL MBAAX NE YEESU ne Lik a bindtuuna 22:14

Yaa waxtu faa a fadiidna, Yeesu a reera fo apootar waa ten.

YEGIL MBAAX NE YEESU ne Lik a bindtuuna 22:8

Yeesu a lula a Piyeer fa Saŋ, too a lay a den ee: «Ndetyo njawanik a in a cu’ax ale na bes fee na Colandax ale, ndax i ñaam!»

YEGIL MBAAX NE YEESU ne Lik a bindtuuna 9:10

Yaa apootar waa a nomtooxiidna, a mbetandooxa a Yeesu ke da mbi’’ina fop. A ɓisa a den no mbiñ o mbootu farna fa teeru faa ne’eena Betsayda.

Mark 13:3

Yeesu a moofa took o Joong olaa no taxar oliiw kaa, jasnoorna fo Mbind Roog naa. Piyeer fa Saak fa Saŋ fa Andare waa ndeeƭna fo ten soom, a laamtaan ee:

Mark 1:29

Yaa Yeesu fo daalbe we ten a sutooxna mbind a qeƭ naa, a ndeta no mbind Simoŋ fa Andare, a yoon fa Saak fa Saŋ.

Mace 26:37

A ɓislooxa a Piyeer fo xa ƥiy xa ƭaq axe Sebede. A dalfooxa o naqadiloox, a jaaxiɗ,

Mace 20:20

Maaga, ya na xa ƥiy axe Sebede a yooniida fo xa ƥeem, a gar me Yeesu. Yaa ta matiiduuna, a gooknooxa ndax ta xeɗin tig.

Mace 17:1

A cinj ñaal ɓetuu fa leng, Yeesu a ɓislooxa a Piyeer fa Saak fa Saŋ fee o ndeɓ um, soo a ŋaay fa den no joong o goƭu took maa da ndeeƭna den soom.

Mbeeñil 22:8

Mi Saŋ, mi nanu keene, too ga’in. Ye nananuuma, ga’in, naagaam giriƥriƥ na caf ake na malaaka fee lal’axama a den, ndax um faɗooxin.

Mbeeñil 1:1

Safe leeke refu ke Yeesu Kiristaa a feeñilna. Roog ci’un o ten, ndax ta lal dag we ten ke na xewkaa no miñeer. Keene koy, Kiristaa a andnooraan a Saŋ fee o tag um, ye ta luliidna malaaka um me ten.

3Saŋ 1:1

Wo Gayus fee fexuuma tigi, mi fee refna o maak no mbokatax ne no gimu we na bindang o leetar oleeke.

Mbeeñil 18:20

Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»

Mark 6:30

Apootar we a mbokatoora paam Yeesu, a mbetandooxin ke da mbi’’ina fop fo ke da njangin’ina fop.

YEGIL MBAAX NE YEESU ne Saŋ a bindtuuna 6:67

Yeesu a laya xarɓaxay fo ɗik we yee: «Nuun koy, ndax kaa nu mbugee o ndet?»

YEGIL MBAAX NE YEESU ne Saŋ a bindtuuna 6:70

Yeesu a doona a den ee: «Nuun xarɓaxay fo ɗik we, ndax refee yee mi jilu a nuun? A jega na nuun koy oxaa fogna no ƈiƴ oxe.»

YEGIL MBAAX NE YEESU ne Saŋ a bindtuuna 6:71

Yudaa o Iskariyot oxe o ƥiy Simoŋ a ne’oogu, yaam o ten na ɓoxotkan, too no xarɓaxay fo ɗik we a fogu.