12 Boo nu ndokaa no mbind naa, fat nu salanin jam.
layin ee: ‹Yaasam o hiid ole a fel! Yaasam jam a jeg a ndeer ƥasil of fop fo no jeg ole fop.
In ndefu we Kiristaa a lulna, soo ta nand nen Roog fa xoox um na layaa fa nuun na pexey in. In we nqeɗaa a nuun no gon Kiristaa nu njaɓ o njofoorandel fa Roog.
Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.
Kaam bug o cung bo i njasnoor, yaam Roog a fi’angaan, ndiiki um ɗeetiid a nuun. A koom, xan i mbaag o layit fop.
Yaasam jam fee a ref kam saŋe ke wo, o yaadax a gen kam pind mosu ke wo!
Yaam fog es fo qaariit es xam lay boog ee: «Yaasam o jeg jam!»
Ta ref ee a nan-gilooxa mbaat da mbañ o nan-giloox, yaam xeet fa mbaafañ a ndefu, xan da and ee o tuleer oxey a ndeer den.
Na teeru mbaat na saate fuu nu ndokna, laamityo ndax a jega oxaa jombeerna o genar a nuun. A jegangaa, fat nu ndal maa ten boo yaa a tet nuun a fadna.
A sal nuun a jombangee mbind naaga, fat jam nuun a fudoox took um, ndaa a jombangaan, fat jam nuun a nomtooxiid na nuun.
