Mace 10:1 - NQAARIIT NE ROOG

¹ Yeesu a xoyna daalbe xarɓaxay fo daalbe ɗik waa ten, a ci a den sañ-sañ faa da mbaagna o ndaxit cini, a mbodandaa jir fo o ƭomel oluu refna.

Mace 10:1 Referans Kwoze

YEGIL MBAAX NE YEESU ne Lik a bindtuuna 10:19

Nan-gilooxyo: Ci’aam a nuun sañ-sañ faa nu ñaaƴtaa took ƥood ke fo a beex ake fa katil ke no pañ oxe fop, too dara waagkee o gaañ a nuun.

YEGIL MBAAX NE YEESU ne Lik a bindtuuna 24:49

Yaaga boog, xam fudniid took nuun ke Faap es a regitna. Kaa koy, yoqyo kam teeru fene boo yaa nu muurkeel doole fee took.»

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

YEGIL MBAAX NE YEESU ne Saŋ a bindtuuna 3:27

Saŋ a doona a den ee: «O kiin waagee o jang colu muud fee ta daawitna na Roog.

YEGIL MBAAX NE YEESU ne Lik a bindtuuna 6:13

Yaa mbeet naa a xoolna, Yeesu a xoya daalbe we ten, too a jil teen xarɓaxay fo ɗik waa ta ne’na apootar, den ndefu weeke:

YEGIL MBAAX NE YEESU ne Lik a bindtuuna 21:15

yaam xam coox a nuun ke nu mbarna o lay fo o and olaa taxna fañ we nuun mbaagkee o maaf a nuun mbaat da ƥur a nuun.

A pi ake 19:15

Kaa koy, jini faa a doona a den ee: «Andaam a Yeesu, too andaam a Pool itam, ndaa nuun o mat, aniin nu ndefu?»

YEGIL MBAAX NE YEESU ne Saŋ a bindtuuna 17:2

Ci’aano sañ-sañ took pindel ke fop, ndax ta waag o coox we doxnanoona o ñoow o fagkeer ole.

YEGIL MBAAX NE YEESU ne Saŋ a bindtuuna 6:70

Yeesu a doona a den ee: «Nuun xarɓaxay fo ɗik we, ndax refee yee mi jilu a nuun? A jega na nuun koy oxaa fogna no ƈiƴ oxe.»

YEGIL MBAAX NE YEESU ne Saŋ a bindtuuna 3:35

Faap fee kaa fex o Ƥeem boo a xaƴtin fop.

Mbeeñil 12:1

O anddiloor o maak a feeña na asamaan: Ga’aam o tew oxaa hulooxna njeeƈ ne, a qoor ale a ref ɗuga a caf um, soo a rokoox o ndip onqaa saqna xa qoor xarɓaxay fo xa qoor xa ƭaq.

Mace 26:47

Yaa Yeesu a maadna o layaa, Yudaa fee reeƭna o leng no xarɓaxay fo ɗik waa a fadiida, a yoon fo faan maak laa saqna laƥ fo xa ƭong. Saasadax maak we fo maak we na xeet fee ngebil’u a den.

Mace 26:20

Yaa tigaa yaarna, Yeesu a reera fo xarɓaxay fo ɗik waa.

Mace 19:28

Yeesu a laya a den ee: «No ndigil, mexe layaa a nuun ee: Boo adna fee a sakatineena, soo o Ƥeenqe no kiin oxe a moof kam o ndam onqe no maat ne ten, nuun we ndeefanaxama, xan nu njeg a kamb xarɓaxay fo a kamb a ƭak, too xan nu ngate a carind xarɓaxay fo a carind a ƭak ake Isra’el.

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Mace 4:23

Yeesu a widooga Galile fop, too a jangnaa kam pind a qeƭ kaa den. A waare’ooga Yegil mbaax ne no Maat ne na asamaan. A wodandooga jir luu refna fo o ƭomel oluu dam’ina wiin waa.

Mace 9:35

Yeesu a reefanooga teeru ke fo caate ke, a jangnaa kam pind a qeƭ kaa, too a waare’aa Yegil mbaax ne no Maat ne Roog. A wodandooga jir luu refna fo nqiiboon nuu refna.

Mace 9:38

Nqeɗyo o Yaal a saxad ale boog, ndax ta luliid jaajal na saxad ale ten.»