Mace 1:6 - NQAARIIT NE ROOG

⁶ Isay rimu o maad Dawid, soo Dawid a rim fo xaa reeƭna o tew Uriya a Salomo.

Mace 1:6 Referans Kwoze

1 Maad we 15:5

yaam Dawid kaa fi’oogu ke jofna na kid no Yaal oxe too mosee o ɗap ke ta heblooguuna no ñoow o ñis um fop, bo ta yoqaa no kaa farna na Uriya, o Heeheet oxe.

1 Sami’el 17:12

Dawid koy, o ƥiy Isay, o Ee-efrata xe gen’ina Betleheem fee Yudaa a reeƭu. Isay a jeg’a xa ƥiy xa koor ɓetaa tadaq, too na jamaane Sawul a soƥ’a ta nogoyat lool.

1 Caloori ke 14:4

Keeke ndefu a kon ake na xa ƥiy xa koor axe Dawid ndimteena Yeerusaleem: Samuwa, Sobab, Natan, Salomo,

1 Caloori ke 3:5

A jeg’a maaga itam xa ƥiy. A rima fa Batseeba fee o ƥiy o ndew Ami’el xa ƥiy xa nahaq, da ndef: Simeya, Sobab, Natan fa Salomo.

2 Sami’el 23:1

Keeke refu yegnit mbalakaand ne Dawid: Nan-gilooxyo fa lay es, mi Dawid fee o ƥiy Isay, mi o koor oxe yoɗeena took-ee-took, oxe Roog fee Yakoob a ɗuumna o maad, too xeet fee Isra’el a nqaananan fo o ɗaay.

1 Sami’el 16:1

O Yaal oxe a laya a Sami’el ee: «Kaa o naqadilooxkaa na Sawul boo a mban? Mi o mat deɓaanum, ndax maadooxankatee a Isra’el. Mayƭandti o jan ole wo diwliin too retanaam Betleheem no mbind Isay, yaam jilaam na xa ƥeem o maad oxe deyaxama.»

O leetar ole Pool a bindna GIMU WE NGENNA ROM 8:3

Ke xoxna kebil ke Moyiis yaam o neew doole le no cer ke in, Roog a fadnaan ye ta luliidna o Ƥeem ŋaƈit, ta ɓoxot o ñis um, ndax ta forit bakaad fee. Kaa heblin ta saq cer nandu nen cer no paabakaad. Neene o mat Roog a xawtu bakaad fee no cer no kiin.

Esayi 11:1

Xan dugatin a sutoor no fanq le Isay, saqit a hat na paƴ um.

A kim a tedu ke 72:20

Meeke a qeƭ ake Dawid fee o ƥiy Isay a ndayu.

1 Caloori ke 28:5

Ndiiki koy, na xa ƥiy xa mayu xe o Yaal oxe a ci’axama, a jila teen a Salomo, ndax ta moof no uum-maamaad le no Yaal oxe kam Isra’el.

1 Caloori ke 11:41

Uriya o Heeheet oxe, Sabad fee o ƥiy Ahlay,

1 Caloori ke 2:15

Oseem fa Dawid.

2 Sami’el 23:39

fa Uriya, o Heeheet oxe. Fop oo fop a ndeeƭa qarɓeen tadik fo ɓetuu ƭik.

2 Sami’el 11:3

Dawid a lulta, ndax ta laamtanel kaa farna no tew oxeene. A laye yee: «Batseeba fee o ƥiy Eliyam oo, a ref o tew Uriya fee refna o Heeheet.»

1 Sami’el 22:8

boo a tax nuun fop nu ngiɓanaam o ngir? O leng sax waagiraam o yegin ee o ƥees kaa hiɓ nqaariit fa Dawid. Yuɗiim o leng na nuun sax boo ta waagaam o yegin ee o ƥees soobu o ƥiy onqe Isay boo ta fogaxam, ne ta refitna xaye.»

1 Sami’el 17:58

Sawul a laamtaan ee: «O fes, o ƥiy an refo?» Dawid a doonaan ee: «O ƥiy no tag of Isay fee Betleheem refum.»

Ruut 4:22

Obed a rim a Isay, Isay a rim a Dawid.

Mace 1:5

Salmoon a rim fa Rahab a Bowaas, Bowaas a rim fa Ruut a Obed, Obed a rim a Isay.