Mace 1:12 - NQAARIIT NE ROOG

¹² A cinj ye da ƥiseena Babilon took o hup doole, Yekoniya a rima a Se’alti’el, Se’alti’el a rim a Serubabel,

Mace 1:12 Referans Kwoze

1 Caloori ke 3:17

Xa ƥiy axe Yoyakin fee ɓis’eena Babilon took o hup doole ndefu: Se’alti’el,

Esdaraas 3:2

Yesuwa fee o ƥiy Yosadak fo fog um saasadax we, Serubabel fee o ƥiy Se’alti’el fo fog um a inooxa soo a maxatin o sadaxand ole Roog fee Isra’el, ndax da ƥoxot teen sadax toxel, ne kebil ke Moyiis fee o kiin Roog a simtituuna.

YEGIL MBAAX NE YEESU ne Lik a bindtuuna 3:27

Yooda a ref o ƥiy Yowanan, Yowanan a ref o ƥiy Reesa, Reesa a ref o ƥiy Serubabel, Serubabel a ref o ƥiy Se’alti’el, Se’alti’el a ref o ƥiy Neri,

Safe le no tuleer AGE 1:14

Maaga, o Yaal oxe a jaflaxnoora a Serubabel fee o ƥiy Se’alti’el too a ref gofornoor Yudaa, fa Yosuwe fee o ƥiy Yosadak refna o saasadax o maak oxe, fo we yoqna na xeet fee fop, boo da ngar a ndef no maxatinaa Mbind ne no Yaal oxe Roog den fee Hupna fop.

Safe le no tuleer AGE 2:23

Mi o Yaal oxe Hupna fop kaam ee: A koom, wo Serubabel fee o ƥiy Se’alti’el, wo fee o tag es, xam xotong soo fi’ong o heɗ o ñaasir es, yaam wo jilum. Mi o Yaal oxe Hupna fop layun.› »

Safe le no tuleer AGE 2:2

«Layi a Serubabel fee o ƥiy Se’alti’el too a ref gofornoor Yudaa, fa Yosuwe fee o ƥiy Yosadak refna o saasadax o maak oxe fo we yoqna na xeet fee yee:

Safe le no tuleer AGE 1:12

Serubabel fee o ƥiy Se’alti’el fa Yosuwe fee o ƥiy Yosadak too a ref o saasadax o maak oxe fo we yoqna na xeet fee fop a nanana fa lay fee no Yaal oxe Roog den, o tuleer Age a daawin’ina a den, ne o Yaal oxe Roog den a heblit’uuna o ten. Maaga, xeet fee a ndalfooxa o njeg caƭar no Yaal oxe.

Safe le no tuleer AGE 1:1

No hiid o ɗikandeer olaa no maat Daryus fee o maad Persi, no ñaal eetaand ne no nqool ɓetuu fa lengandeer onqe, o Yaal oxe a daawna a Serubabel fee o ƥiy Se’alti’el too a ref gofornoor Yudaa fa Yosuwe fee o ƥiy Yosadak refna o saasadax o maak oxe fa lay um, a reefandin no tuleer Age yee:

Yeremi 22:28

Kaa laamteel ee: «Ndax Yoyakin fene kaa ref nqaw ƭok naa jiriiñateerna tus, a gef, o ƥaxañ olaa o leng a bugateerna? Xar taxu da ndeɓel, ten fo xa taan um, a ndaxel no saax laa da andeerna?»

Yeremi 22:24

O Yaal oxe a laya a Yoyakin fee o ƥiy Yoyakim too a ref o maad Yudaa yee: «Ne ta wooritna yee mexe ñoowaa, a soƥ’angaa sax ee kaa o ref nen o heɗ o ñaasir no ɓay es o ñamaak, xam paltong no nqol es.

Nehemi 12:1

Keeke ndefu a kon ake no saasadax we fo Leelewi we nomtoortiid’ina no mbaƭ naa too a yooniid fa Serubabel fee o ƥiy Se’alti’el fa Yesuwa: Seraya, Iremiya, Esdaraas,

Esdaraas 5:2

Maaga, Serubabel fee o ƥiy Se’alti’el fa Yesuwa fee o ƥiy Yosadak a inooxa, a ndef no maxaa Mbind Roog ne kam Yeerusaleem, too duleer we Roog a ndeeƭa fa den, a ndimle’aa a den.

2 Maad we 25:27

No hiid qarɓeen tadik fo hiid o ɓetuu ɗikandeer ole no mbaƭ ne Yoyakin fee o maad Yudaa, no ñaal qarɓeen ƭik fo ñaal ɓetuu ƭikandeer naa no nqool xarɓaxay fo nqool o ƭikandeer onqaa, Ewil-Merodak fee o maad oxe Babilon, no hiid o feraand ole no maat um, a yirma a Yoyakin fee o maad Yudaa soo a sutnin na kaso faa.

2 Maad we 24:14

A ɓista kam Yeerusaleem kelfa ke fop fo xir say we fop, baane ke fo faal tafax we ndeeƭna fop oo fop wiin cuni xarɓaxay. Fo ndool ne soom yoq’u kam saax le.

Yeremi 22:30

Keeke o Yaal oxe a layu: «Mbindyo na safe ke no caloori ke no koor oxene nen oxaa jegeerna o ƥiy, nen oxaa o ñoow um a yaqooxna. O leng na xa taan um waagkee o moof took uum-maamaad le Dawid, a maadoox took Yudaa.»

Yeremi 27:20

ke Nebukadnesaar fee o maad oxe Babilon a xot’eerna, ye ta damitna Yeerusaleem a Yoyakin fee o ƥiy Yoyakim, too a ref o maad Yudaa, fo garmi ke Yudaa fo ke Yeerusaleem fop, a ɓis a den took o hup doole kam Babilon.

Mace 1:11

Yosiya a rim a Yekoniya fo xa teɓ um, yaaga ƥisafulaand Babilon took o hup doole.

Mace 1:13

Serubabel a rim a Abiyud, Abiyud a rim a Eliyakim, Eliyakim a rim a Asoor,

Mace 1:17

Yaaga koy, no kaa xotitna na Abraham boo na Dawid, daan xarɓaxay fo daan nahuk a ndefu, soo kaa xotitna na Dawid boo na ƥis alaa Babilon took o hup doole a ref daan xarɓaxay fo daan nahuk. Ke xotitna na ƥis alaa Babilon took o hup doole boo na Kiristaa fee daan xarɓaxay fo daan nahuk a ndefu.