Mace 1:11 - NQAARIIT NE ROOG

¹¹ Yosiya a rim a Yekoniya fo xa teɓ um, yaaga ƥisafulaand Babilon took o hup doole.

Mace 1:11 Referans Kwoze

Yeremi 27:20

ke Nebukadnesaar fee o maad oxe Babilon a xot’eerna, ye ta damitna Yeerusaleem a Yoyakin fee o ƥiy Yoyakim, too a ref o maad Yudaa, fo garmi ke Yudaa fo ke Yeerusaleem fop, a ɓis a den took o hup doole kam Babilon.

Dañel 1:2

O Yaal oxe a ɓoxota a Yoyakim fee o maad Yudaa na xa ƥay um, soo a xaƴin ta jang na xa ƥaxañ axe no Mbind Roog ne. Nebukadnesaar a ɓisa a Yoyakim fo wiin um Sine’aar took o hup doole, soo xa ƥaxañ axe, ta ɓek a den kam mbind ne no roog ke ten, a diƈ a den na kamba le.

Yeremi 39:9

Cinj kaaga, Nebusaradan fee adooxanna yeeyetax we no maad oxe a ɓisa took o hup doole Babilon we maad’ina o ngenaa na teeru fee, we ƥoxotoox’ina no Kaakalde we fo we yoq’ina no baane ke.

2 Caloori ke 36:20

Nebukadnesaar a ɓisa kam Babilon we ƥostoox’ina boo mbaraand, da ndefik faɗ um fo faɗ na xa taan um boo na jamaane fee no maat ne Persi.

2 Caloori ke 36:10

Farna fo o hiid o xas ole, o maad Nebukadnesaar a ɓisaan Babilon ten fo xa ƥaxañ xa cegu njiriiñ axe no Mbind ne no Yaal oxe soo a dalin a Sedekiya fee faap ndeɓ Yoyakin ta maadooxaa kam Yudaa fa Yeerusaleem.

2 Maad we 25:11

Cinj kaaga, Nebusaradan fee adooxan’ina yeeyetax we a ɓisa gilaa saax took o hup doole we yoq’ina na xeet fee maad’ina o ngenaa na teeru fee fo we ƥoxotoox’ina no maad oxe Babilon fo faan falakaand le.

2 Maad we 23:31

Yowahas a jeg’a xa kiid qarɓeen ƭik fo xa kiid xa tadaq, ye ta sogna refaa o maad. A maadooxa a qool a tadak kam Yeerusaleem. Ya um Hamutal a ne’’e, a ref o ƥiy Yeremi fee gen’ina Libna.

2 Maad we 24:14

A ɓista kam Yeerusaleem kelfa ke fop fo xir say we fop, baane ke fo faal tafax we ndeeƭna fop oo fop wiin cuni xarɓaxay. Fo ndool ne soom yoq’u kam saax le.

Esayi 13:1

Keeke refu ke o Yaal oxe a feeñilna a Esayi fee o ƥiy Amoc, ta dalkaa a Babilon:

Mace 1:12

A cinj ye da ƥiseena Babilon took o hup doole, Yekoniya a rima a Se’alti’el, Se’alti’el a rim a Serubabel,

Mace 1:17

Yaaga koy, no kaa xotitna na Abraham boo na Dawid, daan xarɓaxay fo daan nahuk a ndefu, soo kaa xotitna na Dawid boo na ƥis alaa Babilon took o hup doole a ref daan xarɓaxay fo daan nahuk. Ke xotitna na ƥis alaa Babilon took o hup doole boo na Kiristaa fee daan xarɓaxay fo daan nahuk a ndefu.