Mace 1:1 - NQAARIIT NE ROOG

¹ Daan we Yeesu Kiristaa fee refna o ndaan Dawid fo o ndaan Abraham a mbinde no safe leeke. Daan weene ndefu:

Mace 1:1 Referans Kwoze

Mberaand 22:18

Qeet ke no lanq ke fop no xaa faqaqoorna na wo a mbarke’itkeel, yaam kaa o nananaam.»

Galati 3:16

Ke regteena koy, Abraham fo o ndaan um njegun, yaam a Pind a Tedu ke layee yee «fo xa taan um» nen yaa ta jeg’ina xa taan xa mayu, ndaa o leng kut a ne’oogu, ye ta layna yee «fo o ndaan of», ta ref Kiristaa.

O leetar ole Pool a bindna GIMU WE NGENNA ROM 1:3

Yegnit um neene koy, kaa jof no Ƥeem onqe fogna no kurcala le Dawid no fo ɓaal,

Mbeeñil 22:16

«Mi Yeesu, mi lulu malaaka es, ndax ta yegin a nuun keene fop kam pokatax ke no gimu we. O ndaan Dawid refum fo o xoor o maak ole ne’eena o Mbuŋa.»

A kim a tedu ke 132:11

O Yaal oxe a daaɓooxa fa Dawid, too no ndigil, nomtooxkee teen a cinj ee: «Xam moofin o leng na xa taan of took uum-maamaad le wo.

Yeremi 23:5

O Yaal oxe kaa tee: «Nga’yo, ñaal key a ngaraa, kaa um sutitkaa no kurcala le Dawid dugatin jofu. Xan a maadoox fo o xool yiif, a ñaaƴnaa a ƭat fo o cofel kam saax le.

Esayi 11:1

Xan dugatin a sutoor no fanq le Isay, saqit a hat na paƴ um.

YEGIL MBAAX NE YEESU ne Saŋ a bindtuuna 7:42

Kaa a Pind a Tedu ke layee yee Kiristaa fee no kurcala Dawid a hatkaa? Kaa ndoonee teen ee Betleheem fee refna teeru faa Dawid a waru o inoor?»

Mberaand 12:3

We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»

A pi ake 2:30

O tuleer a reeƭu, too a and’a yee Roog a reg’aan na taaƥ ee xan a moofin o leng no fo ndaan um took gamb no maad le ten.

Mace 1:18

Neeke o rimel ole Yeesu Kiristaa a xewit’u: Mari fee ya um, o toog Yoseef a reeƭu. Yaaga yoonafulee, Mari a fud’a na pexey Yiif Tedu le.

Esayi 53:8

A dame, a hate’el, a inel meen, ndaa an no suk um a ƭat um a yong’u na muj um? O ñoow um a xuuf’e no lanq ke, kaa xaw’el boo na fa nqon yaam pakaad ke na xeet um.

O leetar ole Pool a bindna GIMU WE NGENNA ROM 9:5

Kaam ee, den o mat ndefu xa taan axe no daan maak we, soo Kiristaa fee no fo ɓaal a fog na xeet den. Kiristaa feene koy hupu fop, a ref Roog fee heleena o simat. Amiini!

O leetar ole Pool a bindna GIMU WE NGENNA ROM 4:13

Yaaga boog, refee yee yaam ne Abraham a reefna kebil ke taxu Roog a regin lam ne na adna fee, ten fo xa taan um. Roog kaa reg’un o ten yaam o cofel ole na pexey o ngim um.

Mace 15:22

O tew o Kaakanaan oxaa gen’ina no jegel olaaga a gara me Yeesu, a layin ee: «O Yaal oxe, o Ndaan Dawid, yirmaam! Kaa jeg o ƥees o ndew onqaa jini a xijilna lool.»

Mace 9:27

Yaa Yeesu a inoorna maaga, fuul ɗik a ndeefanaan, soo a layaa a maak ee: «Wo o Ndaan Dawid! Ngela yirmi a in!»

Yeremi 33:26

yaaga waagkoogaam o deɓ xa taan axe Yakoob fo axe Dawid fee o tag es, fañat o xotit na xa taan um waa na maadooxkaa took xa taan axe Abraham, Isaak fa Yakoob. Kaa koy, xam nomtiid we ƥiseena gilaa saax took o hup doole na den soo yirim a den.»

Mberaand 2:4

Keeke doonoox’u ye lanq ke fa asamaan fee a sakeena. Ye o Yaal oxe Roog a sakna asamaan fo lanq boo a ƴut,

Mace 3:16

Yaa Yeesu a batiise’eena boo a ƴut, a sutooxa foofi laa. Asamaan fee a wetooxa too a ga’a Yiif le Roog a fudooxiidaa took um, a saxit nen a nuukuur.

Sakari 12:8

A koom, xan o Yaal oxe a saytoox we ngenna Yeerusaleem, too oxe moƴna neew doole na den xan a nand nen a Dawid, soo mbind Dawid a ref nen a Roog, nen malaaka fee no Yaal oxe mbaambir den.

Amos 9:11

«A koom koy, xam difi o ɗaakaand ole Dawid, yoɗin, ke gefna teen, um xendandin, boo ta dakoox naa ta reeƭna,

Mberaand 5:1

Keeke refu safe le na kon ake na xa taan Aadama: Ye Roog a sakna o kiin, a fi’aan ta nand fa Roog.

A kim a tedu ke 89:36

Daawaam o daaɓoorit o tedel es too maaɓkiim a Dawid boo muk.

A kim a tedu ke 89:3

Kaam ee o mbeq of kaa maxel boo faw, ngor of a saƭik koŋ nen a asamaan.

Mace 1:2

Abraham kaa rim a Isaak, Isaak a rim a Yakoob, Yakoob a rim a Yudaa fo maag um fo xa teɓ um,

YEGIL MBAAX NE YEESU ne Lik a bindtuuna 1:33

Xan a maadoox a ndeer xa taan Yakoob bo na moos boo moos, too maat um jegkee muukandoong.»

1 Timote 2:5

Yaam Roog fa leng soom jegu. A jega itam o ndok-a-ndeer o leng kut onqaa refna a ndeer wiin we fa Roog. Ten refu Kiristaa Yeesu o kiin oxe,

2 Timote 2:8

Ba o weec muk a Yeesu Kiristaa, fogna no kurcala Dawid, a xontoox a ndeer no xon we, ne Yegil mbaax ne um waare’aa a laytuuna.