YEGIL MBAAX NE YEESU ne Lik a bindtuuna 9:54 - NQAARIIT NE ROOG

⁵⁴ Yaa daalbe we ndefna Saak fa Saŋ a nga’na kaaga, a laya yee: «O Yaal oxe, ndax bugaa i ngebil fiɗel ta fudoortiid na asamaan, a saŋik a den?»

YEGIL MBAAX NE YEESU ne Lik a bindtuuna 9:54 Referans Kwoze

Mbeeñil 13:3

Leng na qoox akaa no Ɓaanoor kaa jeg’u ngaañax naa na nandtaa kaa na waraa, ndaa miñee dara ngaañax mbaawar ne a woda. Adna fa muum kaa njaaxiɗ’u, too a ndeefana a Ɓaanoor.

2 Maad we 10:31

Kaa koy, Yehu reef’ee kebil ke no Yaal oxe Roog fee Isra’el no xeeñ um fop. A damooxa no pakaad ke Yerobowam a bakaadnoortoogna xeet fee Isra’el.

2 Sami’el 21:2

O maad oxe a xoya Giigibe’on we, ndax ta lay fa den. Den koy, mbog’ee no Ii-isra’el we. Kaa ndeeƭu onqe yoq’ina no Aa-amori we, too Ii-isra’el we a ndaaɓoox’u yee moocandkee a den. Yaqanee koy, Sawul kaa bug’u o moocand a den yaam o mbeq onqe ten no Ii-isra’el we fo no wiin we Yudaa.

2 Maad we 10:16

A layaan ee: «Gari yoon fa mi, too xan o ga o jaflax es no Yaal oxe.» Naaga, a ɓisaan na sareet-xire le ten.

2 Sami’el 16:9

Maaga, Abisay fee o ƥiy no tew o ne’e Seruya a laya o maad oxe yee: «Daali maad o yaal es, xar taxu o ɓox o xonu leeke a xaƴel a salooxang? Xaƴaam um ret, ɗeg xoox um.»

2 Maad we 1:9

O maad oxe a lula maa Eliya o aa-adax no xiixire qarɓeen ƥetik, ta yoon fo xiixire qarɓeen ƥetik um. O aa-adax oxaaga a ŋaaya maa Eliya fee moof’ina no jul ole no joong olaa, a layin ee: «O kiin Roog oxe, o maad oxe kaa tee o fudooxiid.»

Mark 3:17

fa Saak fa Saŋ o ndeɓ um, ndefna den ɗik fop xa ƥiy Sebede xe Yeesu a moolan’ina Bowanerges, ten tektu xa ƥiy ƭuuɗ.

YEGIL MBAAX NE YEESU ne Lik a bindtuuna 9:55

Yeesu a geleerooxa, a faambir fa den, a xasan a den.

Mbeeñil 13:13

Ɓaanoor fa ƭikandeer feene kaa fi’oogu xa anddiloor xa maak: A fudnitiidooga fiɗel na asamaan, ta yeniid a lanq mbaambir a kid ake no wiin we.

O baawaare xe 3:3

hap o war fo hap o wodand, hap o bayit fo hap o max,