YEGIL MBAAX NE YEESU ne Lik a bindtuuna 9:51 - NQAARIIT NE ROOG

⁵¹ Yaa jamaane faa Yeesu a war’ina o inoor na adna fee, a ret na asamaan a matiidna, Yeesu a hebooxa o ret Yeerusaleem.

YEGIL MBAAX NE YEESU ne Lik a bindtuuna 9:51 Referans Kwoze

Mark 16:19

Yaa o Yaal oxe Yeesu a layna a den naaga boo a ƴut, Roog a yoɗaan na asamaan, a moofnin na ñamaak um.

YEGIL MBAAX NE YEESU ne Lik a bindtuuna 18:31

Yeesu a xoya xarɓaxay fo ɗik waa, too a lay a den ee: «In we ndetaa Yeerusaleem, too ke duleer we a mbind’ina no Ƥeenqe no kiin oxe fop xan a fadnoox.

YEGIL MBAAX NE YEESU ne Lik a bindtuuna 13:22

Yeesu a xaañooga teeru ke fo caate ke, a jangnaa, too a retaa Yeerusaleem.

YEGIL MBAAX NE YEESU ne Lik a bindtuuna 17:11

Yeesu a retooga Yeerusaleem, too a xaañ kam Samari fa Galile.

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

Hebre 6:20

Yeesu eetu o rok a in maaga, too in sax a rokanu nen o saasadax o maak oxaa na refkaa boo faw ne ta ɗaapit’eena na Melkisedek.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

Efees 1:20

ye ta xontooxnoorna a Kiristaa a ndeer no xon we soo a moofnin na ñamaak um kam asamaan.

A pi ake 1:9

Cinj yaa Yeesu a layna kaaga, a dalfooxa o yoɗoox na kid den, too ye da ƭeetan, eel a singaan.

A pi ake 1:2

boo neen Roog a yoɗun na asamaan, cinj ye ta cooxna apootar we ta jil’ina bargal ke ten na pexey Yiif Tedu le.

YEGIL MBAAX NE YEESU ne Saŋ a bindtuuna 17:11

Refatiim na adna fee, too den o mat, owe na adna fee. Ndiiki mexe garaa na wo. Faap fa Tedaan fee, koo xoxtiti a den doole fee no gon of, gon leene ci’axamoona, ndax da mbokatoor, a ndef o leng nen a in.

YEGIL MBAAX NE YEESU ne Saŋ a bindtuuna 16:28

Kaam inoor na Faap fee, gar na adna, ndiiki, um nar o sutoox na adna fee, ret maa na Faap faa.»

YEGIL MBAAX NE YEESU ne Saŋ a bindtuuna 16:5

Ndiiki koy, mexe waajaa o nomtoox maa no xe luliidaxama, too o leng na nuun laamtiraam me um jofaa.

YEGIL MBAAX NE YEESU ne Saŋ a bindtuuna 13:1

Yaa Xew faa na colandax alaa a faambnooxna, Yeesu a anda yee waxtu um a fadiida, ta war o inoor na adna feeke, a jof maa Faap um. Ne ta fexna wiin um we na adna fee, a fadnatina o mbeq um fa den.

YEGIL MBAAX NE YEESU ne Saŋ a bindtuuna 6:62

Ii, nu nga’angaa o Ƥeenqe no kiin oxe a ŋaay, a nomtooxaa maa ta reeƭna koy?

YEGIL MBAAX NE YEESU ne Lik a bindtuuna 24:51

Yaa ta barke’aa a den, a riƈatooxa a den, Roog a yoɗin na asamaan.

YEGIL MBAAX NE YEESU ne Lik a bindtuuna 19:28

A cinj yaa ta layna kaaga, Yeesu a adooxa, faan laa a ndeef took um, da mbaaƭik a Yeerusaleem.

YEGIL MBAAX NE YEESU ne Lik a bindtuuna 19:11

Waa ndeeƭna maaga a nan-gilooxooga kaaga, too Yeesu a dakooxa o naxoox a den yaam kaa matiidoogu a Yeerusaleem, too a mboog’a yee na waxtu faaga xan Maat ne Roog a feeñ.

YEGIL MBAAX NE YEESU ne Lik a bindtuuna 12:50

Kaam war o jaɓ batiise fa ƭomu, ndaa bug’iim o ñaam jamaane es too fadninum.

2 Maad we 2:11

Ye da maadna o ñaaƴaa, a layaa, a sareet fiɗel alaa humneena pis fiɗel a dalfooxa o gar, a xaaj a den. Maaga, Eliya a ŋaaya na asamaan kam a saaqul.

Filip 3:14

Kaam eetatireel kañ, ndax um waag o jang a laay ale took, taxna Roog a xoy a in na Kiristaa Yeesu.

YEGIL MBAAX NE YEESU ne Lik a bindtuuna 9:57

Yaa da ndefna na ƭat, o kiin a laya a Yeesu yee: «Muu o jofaa xam reefanong.»