YEGIL MBAAX NE YEESU ne Lik a bindtuuna 9:5 - NQAARIIT NE ROOG

⁵ Wiin waa a ngenarangee a nuun, fat nu sutoox teeru faaga, yirif fo ut a caf nuun, ndax ta ref seede took den.»

YEGIL MBAAX NE YEESU ne Lik a bindtuuna 9:5 Referans Kwoze

A pi ake 18:6

Kaa koy, Yaawuur we kaa siiknoor’u fo ten, a ndef no mbenan. Maaga, Pool a yirfa took den fo ut tikoorik um, ndax ta ref seede na den, too a lay a den ee: «Xan a saŋkax nuun a ref fo diy nuun. Ɓogooxaam teen! Ndiiki koy, mexe retaa farna fo we ndefeerna Yaawuur.»

A pi ake 13:51

Kaa koy, den ɗik a yirifa a den fo ut a caf den ndax ta ref seede na den, soo a ndet Ikooñum.

Mark 6:11

A ngenarangee a nuun mbaat da mbañ o nan-giloox a nuun, fat nu sutoox maaga, yirif fo ut a caf nuun, ndax ta ref seede took den.»

YEGIL MBAAX NE YEESU ne Lik a bindtuuna 10:16

Yeesu a dakooxa o lay daalbe um ee: «Oxuu nan-gilooxna a nuun, mi a nan-gilooxu, oxuu fañna a nuun, mi a fañu, too oxuu fañaxama, Faap es fee luliidaxama a fañu.»

YEGIL MBAAX NE YEESU ne Lik a bindtuuna 9:48

a lay a den ee: «Oxuu genarna o ndeɓandoong o ndutuuñ o mbodu nene yaam mi, mi a genaru, too oxuu genaraxama, a genara oxe luliidaxama. Oxe moƴna o neew a ndeer nuun koy, refu oxe moƴna o magin.»

Nehemi 5:13

Cinj kaaga, yo’naam njiba ne no sabadoor ne mi, lay ee: «Neeke Roog a yo’nitkaa o kiin oxuu damkeerna a tegit aleene, ta ñak mbind um fa halal um. Neeke a yo’nitkeel soo a xaƴel o ƥor!» Mbokatax ne fop a mbalalooxa yee: «Yaasaam ta jegit neene!» Cinj kaaga, a simata o Yaal oxe soo a mbi ke da ndegit’ina.

Mark 9:37

«Oxuu genarna o ndeɓandoong o ndutuuñ o mbodu nene yaam mi, mi a genaru, too oxuu genaraxama, refee yee mi a genaru, ndaa oxe lulaxama.»

YEGIL MBAAX NE YEESU ne Lik a bindtuuna 5:14

Maaga, Yeesu a maƭooxaan ee: «Wootooxi layin o kiin o lakas. Reti laltinook maa no saasadax oxaa, too sadaxit ke Moyiis a hebilna we nqoolandeena, ndax fop a seede yee xoolaa.»

Mace 10:18

Xan nu ƥisel mbaambir no gofornoor ke fo maad we yaam mi, ndax nu ndef seede na den fo no gimaƭaru we.

YEGIL MBAAX NE YEESU ne Lik a bindtuuna 9:4

Muu nu mbadna, moofyo no mbind naa nu nqurkeel. Ba nu supit mbind boo yaa nu inooxkaa maaga.